இன்னொரு தடவை அழைப்பு விடுத்தால் மகிந்தா உரையாற்றத் தயார்

நிசாந்தன் · நிசாந்தன் Fri Dec 10, 2010 11:51 pm

கடந்த 2 ஆம் திகதியன்று ஒக்ஸ்போர்ட் ஒன்றியத்தில் ஜனாதிபதி மஹிந்த ஆற்றவிருந்த உரையைத் தம்பாட்டில் இரத்துச் செய்தமைக்கு ஒக்ஸ்போர்ட் ஒன்றியம் தமக்கு விளக்கம் தரவேண்டும் என்று ஊடகத்துறை அமைச்சர் கெஹெலிய ரம்புக்வெல தெரிவித்துள்ளார். அமைச்சரவை முடிவுகளை அறிவிக்கும் செய்தியாளர் மாநாடு நேற்று தகவல் திணைக்களத்தின் கேட்போர் கூடத்தில் நடைபெற்றபோதே இவ்வாறு தெரிவித்தார். ஒக்ஸ்போர்ட் ஒன்றியம் விடுத்த அழைப்பை, ஒரு நாட்டின் தலைவர் என்ற ரீதியிலேயே மஹிந்த ஏற்றுக்கொண்டார். எனவே அவருக்கு வேண்டிய அனைத்து பாதுகாப்பையும் பிரித்தானிய அரசாங்கம் வழங்கவேண்டியது அதன் கடமை எனத் தெரிவித்த கெஹெலிய, மஹிந்த தனிப்பட்ட விஜயம் மேற்கொண்டார் எனக் கூறி இந்த விவகாரத்திலிருந்து பிரிட்டன் நழுவிவிட முடியாது எனவும் தெரிவித்தார்.

இதேவேளை அங்குள்ள நிலைமையை ஆராய ஒக்ஸ்போர்ட் ஒன்றியமும் தவறிவிட்டது என அவர் குற்றம் சாட்டியுள்ளார். உச்ச ஜனநாயக சுதந்திரம் உள்ளதாகக் கூறப்படும் பிரித்தானியாவில் விடுதலைப்புலிகள் இயக்கமும் அவர்களின் செயற்பாடுகளும் தடை செய்யப்பட்டுள்ளன. அவ்வாறான ஒரு நாட்டில் பேச்சுச் சுதந்திரம் பற்றி உரையாற்றச் சென்ற மஹிந்தவின் நிகழ்வை நிறுத்தியது பிழை மட்டுமல்ல, இதைத் தொடர்ந்து நடத்த பிரித்தானிய போலீசும், ஒக்ஸ்போர்ட் ஒன்றியமும் முன்வராதது பிரித்தானியாவின் சட்டத்துக்கு எதிரானதும்கூட என அவர் மேலும் தெரிவித்தார்.

ஒக்ஸ்போர்ட் ஒன்றியத்தில் மஹிந்த ஆற்றவிருந்த உரையை வேறொரு திகதியில் ஆற்றுவதற்கு மீண்டும் அழைப்பு விடுக்கப்பட்டால் அங்கு சென்று அவ்வுரையை ஆற்றுவதற்கு மஹிந்த தயாராக இருப்பதாகவும் கெஹெலிய ரம்புக்வெல குறிப்பிட்டுள்ளார்.

**ராஜா** · **ராஜா** Sat Dec 11, 2010 10:41 am

மவனே , முதல் தடவை தப்பிச்சு வந்துட்டே , இன்னொரு தடவை போனே திரும்ப cargo விமானத்தில் தான் வரவேண்டி இருக்கும். இன்னொரு தடவை அழைப்பு விடுத்தால் மகிந்தா உரையாற்றத் தயார் 139731