தர்ஷன் கவிதைகள்

j.tharsan · j.tharsan Wed Aug 19, 2009 12:56 pm

First topic message reminder :

காதல்

காதல் என்பது பார்வையின் மொழியே
கவிதை என்பது காதலின் மொழியே
கவிதையும் பார்வையும் வார்த்தைகள் பேசுமே
காதலும் நேசமும் உயிரினில் கலக்குமே-இது

காதல் தேசமடா-இங்கு
காதல் ஆட்சியடா-இது
காதல் வாழ்க்கையடா-இங்கு
காதல் சுவாசமடா

காற்றும் இங்கே கவிதை சொல்லுமே
கற்கள் கூட கனிகள் ஆகுமே
கானம் இசைக்கவே பூக்கள் மலருமே
காதலின் ஊடலை நிலவு ரசிக்குமே

இமைகள் அழைக்கவே மௌனம் பேசுமே
இதயம் பேசவே காதல் சிறகடிக்குமே
காதல் ஈர்ப்பிலே உலகம் அசையுமே
காதலர் மூச்சிலே உயிர்கள் பிறக்குமே

உறவு கொள்ளவே இளமை விரும்புமே
உயிரும் தீண்டவே உலகை மறக்குமே
ஒரு நொடி பிரிந்தாலே உள்ளம் வலிக்குமே
ஒரு உயிர் பிரிந்தாலே மறுஉயிர் மடியுமே

j.tharsan · j.tharsan Wed Aug 19, 2009 1:52 pm

உயிரின் விலை என்ன?

வைரமான முத்துக்களை பார்த்தேன்
அந்த முத்துக்கள் என்ன சொத்துக்களா?
தங்கத்தைப் பார்த்தேன்
அந்த தங்கங்கள் என்ன
அங்கத்தை விட மேலானதா?

உலகத்தில் மதிப்பான அத்தனையும்
மனதில் கணக்குப் போட்டேன்
விலை மதிக்க முடியாத எதுகும்
முடியாத முடிவுக்குள் வருகின்றது
மனித உள்ளங்களே மதிப்பிடுங்கள்
மதிப்பில் மதிக்க முடியாத சொத்து எது?

அறிவும் விவேகமுமா?
வீரமும் சாதனையுமா?
பலமும் அந்தஸ்துமா?
கொடை கொண்ட தியாகமா?
கொண்டாடும் உறவுகளா?
கல்வியும் செல்வமுமா?
வீரமும் அழகுமா?

அத்தனையும் சேர்ந்தாலும்
அடைக்கலாம் மதிப்புக்குள்....... ஆனால்
உறவுகளே! உள்ளங்களே!
கடவுள் தந்த மதிப்பில்லா
நிறைவான பரிசு எது?

மனிதனின் உயிரன்றோ
மனிதா நீ அதைப்பறித்தால்
எதைக் கொடுத்து மீண்டும் அதை
வாங்கிடுவாய் சொல்லடா?
உயிர்களை பறிக்கின்ற
இலங்கை வான்படையே
இது உன் கொடுமையடா
என்றும் உன் மடைமையடா

உயிர்களை நீ பறிக்காதே
உணர்வுகளை நீ சிதைக்காதே
உள்ளங்களை நீ வதைக்காதே
போட்டியிடு உன் பகைஞனுடன்
போடாதே குண்டுகளை
அப்பாவி மக்கள்மீது.

எது கொடுத்தும் வாங்கிடுவாய்
உயிர் எடுத்தால் எது கொடுப்பாய்?
உயிருக்கு விலை ஏது?
அதுக்கேது நிகரேது?

உயிர்களை நீ பறிக்காதே
உனக்கு அது உரிமையில்லை
பாவங்களைச் சேர்க்காதே
பாதாளம் சென்றிடுவாய்
உணர்ந்திடு நீ உடனடியாய்
நிறுத்திடு உன் குண்டு வீச்சை.

j.tharsan · j.tharsan Wed Aug 19, 2009 1:53 pm

புன்னகை என்ன விலை?

வெண்ணிலவின் விம்பமோ எனத்தோன்றும்
பெண்ணிவளின் கரு விழியால் எனை நோக்கி
பொன் உதட்டில் இவள் சிந்தும்
புன்னகைதான் என்ன விலை.?

வண்ணமலர் பூக்கின்ற நந்தவனம்-உனை
வர்ணிக்க ஏங்குகின்றதெந்தன் மனம்
வாய் மொழியில் சொல்லாமல் நீ தரும்
புன்னகைதான் என்ன விலை.?

கருவண்டோ என வியக்கும் விழி இரண்டு
காந்தத்தைப்போல் அவை என்னை கவர்வதுண்டு
கவிதையின் இவ்வரிகண்டு நீ சிந்தும்
புன்னகைதான் என்ன விலை.?

சிற்பிகள் செதுக்காத தந்தச்சிலை-இவள்
சிற்றிடையில் பிறந்ததுதான் மின்னல் அலை
சிந்தாமல் சிதறாமல் இவள் தரும்
புன்னகைதான் என்ன விலை,?

j.tharsan · j.tharsan Wed Aug 19, 2009 1:58 pm

கண் இருந்தும்....

காதலித்தவர் தோற்றவர் எல்லாம்
வேறு திருமணம் செய்யவில்லையா என்றாயே?
சொன்னது நீயா ?
நீயா ?
என்னிடம் நானே கேட்கிறேன்.

காதலித்தவர் தோற்றவர்களிடம் கேட்டு சொல்
மறந்துவிட்டா வேறு ஒருவருடன் வாழ்கிறார்கள்?
உன்னால் முடியும்
உண்மையில் காதலித்திருந்தால் தானே
உன்னால் முடியாததற்கு ?
உன்னைப்போல் மற்றவர்களை நினைக்காதே!

நீ இதை இன்று செல்வாய்;
என்று அன்றே தெரிந்திருந்தால்
நன்றே விலகியிருப்பேன் - நான்

காதலிப்பவர்களுக்கு கண் இல்லை
உண்மையோ பொய்யோ ?
எனக்கு இல்லாமல்
போய் விட்டது என்பது மட்டும் - உண்மை
கண் இருந்தும் குருடி - நான

என்மேல் ஏன் இவ்வளவு அன்பு
யாரும் கிடைகாததாலோ
இது உன் சந்தேகம்
நான் ஏங்கியது உன்
அன்புகாக தான்
இது என் பதில்

காதலித்து தோற்றவள்
என்பது தெரிந்தும்
நீ வைக்கும் உண்மையான அன்பு
காலம் தோறும் வேண்டும் ஏங்குபவர் பலர்
என்னிடத்தில் -ஆனால் நான் ? நான்?
இப்போதும் நான்
கண் இருந்தும் குருடி

j.tharsan · j.tharsan Wed Aug 19, 2009 1:59 pm

sory iam go tharsan

nandhtiha · nandhtiha Wed Aug 19, 2009 3:34 pm

பேரன்பு மிக்கீர்
வணக்கம்,
திரு தர்ஷனின் கவிதைகளைப் படித்ததும் கவிமணி தேசிக விநாயகம் பிள்ளை அவர்களின் கவிதை ஒன்று நினைவுக்கு வருகிறது
அது:
வாழும் உயிரினை வாங்கிவிடல் -இந்த
மண்ணில் எவர்க்கும் எளிதாகும்
வீழும் உடலை எழுப்புதலோ -ஒரு
வேந்தன் நினைக்கிலும் ஆகாதையா.

பாராட்டுக்கள் திரு தர்ஷன் அவர்களே
அன்புடன்
நந்திதா

Sponsored content · Sponsored content

தர்ஷன் கவிதைகள்

தர்ஷன் கவிதைகள்

Re: தர்ஷன் கவிதைகள்

Re: தர்ஷன் கவிதைகள்

Re: தர்ஷன் கவிதைகள்

Re: தர்ஷன் கவிதைகள்

Re: தர்ஷன் கவிதைகள்

Re: தர்ஷன் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக