ஆசிய தேவதைகள்

**சிவா** · **சிவா** Wed Nov 24, 2010 10:23 pm

ஆசிய விளையாட்டு போட்டியில் பதக்கங்களை ஏந்தி வரும் அழகு தேவதைகள், ரசிகர்களை பெரிதும் கவர்ந்துள்ளனர். இவர்களுக்கு 40 நாட்கள் கடின பயிற்சி அளிக்கப்பட்டு உள்ளது. ஆங்கிலத்தில் சரளமாக பேச வேண்டும், குறைந்தது நான்கு பற்கள் தெரியும் அளவுக்கு புன்னகைக்க வேண்டும் என்பது போன்ற நிபந்தனைளும் விதிக்கப்பட்டுள்ளன.

சீனாவில் உள்ள குவாங்சு நகரில், ஆசிய விளையாட்டு போட்டி நடக்கிறது. இதில், 60 ஆயிரம் தன்னார்வலர்கள் கலந்து கொண்டுள்ளனர். பல்வேறு நாடுகளில் இருந்து வந்துள்ள வீரர், வீராங்கனைகள் மற்றும் சுற்றுலாப் பயணிகளை இன்முகத்துடன் வரவேற்று, வழிகாட்டுதல் உள்ளிட்ட உதவிகளை செய்து வருகின்றனர். இவர்களில் 380 பேர் பதக்கம் ஏந்தி வரும் பணிக்காக மட்டும் தேர்வு செய்யப்பட்டுள்ளனர். 17 வயது முதல் 25 வயது வரையிலான இவர்கள் 1.68 முதல் 1.78 மீ., உயரம் இருக்க வேண்டுமாம். இதற்கு கல்லூரி மாணவிகள், விமானப் பணிப் பெண்கள் போன்றவர்கள் தேர்வாகினர்.

கடின பயிற்சி:

போட்டிகளில் வெற்றி பெறும் வீரர், வீராங்கனைகளுக்கு பதக்கம் அணிவிக்கும் நிகழ்ச்சியில் பணியாற்ற வேண்டும் என்பதால், பல்வேறு கடின பயிற்சிகள் அளிக்கப்பட்டுள்ளன. வி.ஐ.பி.,களுடன் சேர்ந்து செல்ல வேண்டியிருப்பதால், சிறு தவறு கூட நடந்து விடக் கூடாது என்பதில் சீன நிர்வாகிகள் கவனமாக இருந்தனர். இதையடுத்கு 380 பேருக்கும் 40 நாட்கள் பிரத்யேக பயிற்சிகள் கொடுக்கப்பட்டன. இரு முழங்கால்களுக்கு இடையில் ஒரு "பேப்பரை' வைத்துக் கொண்டு ஒரு மணி நேரம் நிற்க வேண்டும். இதே போல தலையில் புத்தகத்தை சுமந்தவாறு, நீண்ட நேரம் நிற்க வேண்டும். இவை கீழே விழுந்து விட்டால், மீண்டும் ஒரு மணி நேரம் நிற்க வேண்டியிருக்கும்.

இது குறித்து டிங் லிங் என்ற மாணவி கூறுகையில்,""பதக்கம் அணிவிக்கும் நிகழ்ச்சியின் தேவதைகளில் ஒருவராக தேர்வு செய்யப்பட்ட போது மகிழ்ச்சி அடைந்தேன். ஆனால், பயிற்சிகள் தான் கடுமையாக இருந்தன. கைகளை உடலோடு ஒட்டியவாறு வைத்துத்கொண்டு, தட்டுகளில் பதக்கம் இருப்பதாக கற்பனையாக நினைத்து, நடக்க வேண்டும். பின் தட்டுகளில் 6 "மினரல் வாட்டர்' பாட்டில்களை வைப்பார்கள். இதனை அரை மணி நேரம் சுமக்க வேண்டும். முதன் முதலில் செய்த போது கை வலிக்க, அழுது விட்டேன். சீன பாரம்பரியப்படி பெண்கள், பற்கள் தெரியும் அளவுக்கு சிரிக்கக் கூடாது. ஆனால், குறைந்தபட்சம் நான்கு பற்கள் தெரியும்படி புன்னகைக்க சொன்னார்கள். இதையடுத்து வாயில் "ஸ்பூனை' வைத்து பயிற்சி செய்தேன்,''என்றார்.

ராணுவ கட்டுப்பாடு:

விமானப் பணிப் பெண் யாமங் கூறுகையில்,""சீனாவில் எல்லாமே ராணுவ பயிற்சி தான். பதக்கம் அணிவிக்கும் நிகழ்ச்சியில் பங்கேற்கும் நாங்கள் ஒவ்வொரு நாளும் காலை 6.30 மணிக்கு ராணுவ உடற்பயிற்சி செய்ய வேண்டியிருந்தது. பின் உடலை "ஸ்லிம்'மாக வைத்துக் கொள்ள "ஏரோபிக்ஸ்' உள்ளிட்ட நடன முறையிலான பயிற்சிகள் அளிக்கப்பட்டன. இரவு 7 மணிக்கு முதல் கட்ட பயிற்சிகள் நிறைவடையும். இரவு சாப்பிட்ட பின், மீண்டும் இரண்டு மணி நேரம் உடற்பயற்சி அளித்தனர். நன்னடத்தை நெறிமுறைகள், ஆங்கிலத்தில் பேசுவது, இனிமையாக பழகுவது போன்றவற்றை கற்றுக் கொடுத்தனர். 40 நாட்கள் பயிற்சி முடிந்த பின், அனைத்து விஷயங்களும் அறிந்து கொண்ட உணர்வு ஏற்பட்டது,''என்றார்.

தினமலர்!

அன்பு தளபதி · அன்பு தளபதி Wed Nov 24, 2010 10:25 pm

தயவு செஞ்சி எல்லோர் போட்டோவும் போடுங்க நான் பாராட்டனும்

**சிவா** · **சிவா** Wed Nov 24, 2010 10:32 pm

maniajith007 wrote:தயவு செஞ்சி எல்லோர் போட்டோவும் போடுங்க நான் பாராட்டனும்

ஒரு பானைச் சோற்றுக்கு ஒரு சோறுதான் பதம் பார்க்க முடியும்! அதனால் தான் ஒரே ஒரு புகைப்படம்!

அன்பு தளபதி · அன்பு தளபதி Wed Nov 24, 2010 10:36 pm

சிவா wrote:
maniajith007 wrote:தயவு செஞ்சி எல்லோர் போட்டோவும் போடுங்க நான் பாராட்டனும்

ஒரு பானைச் சோற்றுக்கு ஒரு சோறுதான் பதம் பார்க்க முடியும்! அதனால் தான் ஒரே ஒரு புகைப்படம்!

நாங்க சாம்பார் ரசம் வத்தகொழம்பு மோர் இப்படி சாப்பிடுவோம் இந்த பழமொழி நமக்கு ஒத்துவராது

Sponsored content · Sponsored content

ஆசிய தேவதைகள்

ஆசிய தேவதைகள்

Re: ஆசிய தேவதைகள்

Re: ஆசிய தேவதைகள்

Re: ஆசிய தேவதைகள்

Re: ஆசிய தேவதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக