ஓசூர்: தேவாலயத்துக்கு தீ வைப்பு

**சிவா** · **சிவா** Mon Nov 22, 2010 1:50 pm

ஓசூர் அருகே தேவாலயம் ஒன்றுக்கு மர்ம நபர்கள் தீ வைத்த சம்பவம் அப்பகுதியில் பரபரப்பை ஏற்படுத்தியுள்ளது.

ஓசூர் அருகே சூளகிரியில் உள்ள வேளாங்கண்ணி தேவாலயத்தில் நள்ளிரவில் சில மர்ம நபர்கள் தீ வைத்துள்ளனர். தேவாலயத்தின் வாயிற்கதவு மற்றும் சில இடங்களில் மர்ம நபர்கள் தீ வைத்துள்ளனர். மேலும் அங்கு நிறுத்தி வைக்கப்பட்டிருந்த பாதிரியாரின் இருசக்கர வாகனத்துக்கும் அவர்கள் தீ வைத்துள்ளனர்.

இதுகுறித்து தேவாலய ஊழியர் செல்வம் கூறுகையில், இந்த சம்பவம் எதற்காக நடந்தது என்று தெரியவில்லை. இரவு 12 மணிக்கு மேல் இந்த சம்பவம் நடந்துள்ளது. இதையறிந்த அக்கம் பக்கத்தினர் வந்து தீயை அணைத்ததால் பெரும் அசம்பாவிதம் தவிர்க்கப்பட்டது என்றார்.

இச்சம்பவம் குறித்து போலீசார் வழக்குப் பதிவு செய்து தீவிர விசாரணை மேற்கொண்டுள்ளனர். இச்சம்பவத்தால் அசம்பாவிதம் ஏதும் ஏற்படாமல் இருக்க சூளகிரியில் பலத்த போலீஸ் பாதுகாப்பு போடப்பட்டுள்ளது.

Thanjaavooraan · Thanjaavooraan Mon Nov 22, 2010 7:27 pm

"கடவுள் இல்லை என்று சொல்லும் நாத்திகன் யாரும் ஆலயங்களை இடிப்பதில்லை.
கடவுள் உண்டு என்று கூறும் ஆத்திகர்கள்தான் ஆலயங்களை இடிக்கிறார்கள்"

பெரியார், ஈ. வே. ரா.

**சிவா** · **சிவா** Mon Nov 22, 2010 7:31 pm

Thanjaavooraan wrote:"கடவுள் இல்லை என்று சொல்லும் நாத்திகன் யாரும் ஆலயங்களை இடிப்பதில்லை.
கடவுள் உண்டு என்று கூறும் ஆத்திகர்கள்தான் ஆலயங்களை இடிக்கிறார்கள்"

பெரியார், ஈ. வே. ரா.

மிகச் சரியான கருத்து!