காளி கோயிலில் சத்தியம் செய்த கிறிஸ்தவர்கள்

**சிவா** · **சிவா** Wed Nov 24, 2010 2:21 am

திருப்புவனம் : தங்கள் மீது படிந்த திருட்டுக்கறையை துடைக்க, மடப்புரம் காளி கோயிலில் கிறிஸ்தவர்கள் சத்தியம் செய்தனர், சிவகங்கை அருகே சேம்பார் கிராமத்தில் கிறிஸ்தவர்கள் வசிக்கின்றனர். இங்கு பலசரக்கு கடை வைத்திருப்பவர் அருள்சாமி (40). தீபாவளிக்கு முன்தினம் இவரது கடையில் நான்கு பவுன் நகை, 4,000 ரூபாய் திருடு போனது. இக்கிராமத்தில் கிறிஸ்தவ மதத்தை சேர்ந்த ஒரு பிரிவினர் மட்டும் வசிக்கின்றனர்.

திருட்டு சம்பவத்தால், பலர் மீது சந்தேக பார்வை விழுந்து, அவர்களுக்குள் உறவு பாதிக்கப்பட்டது. இக்கறையை துடைக்க எண்ணிய இக்கிராமத்தினர் 75 பேர், நேற்று மதியம் 12 மணிக்கு மடப்புரம் கோயில் வந்தனர். சன்னதி முன் "கடையில் நான் திருடவில்லை' என தனித்தனியாக சத்தியம் செய்தனர். கோயிலில் வழக்கமாக நடக்கும் காசு வெட்டி போடும் சடங்கையும் செய்தனர்.

தினமலர்!