போலீஸ்காரர் வேடம் அணிந்து வாகன சோதனை நடத்திய கொள்ளை கும்பல்

First topic message reminder :

கோவை அருகே போலீஸ்காரர் வேடம் அணிந்து வாகன சோதனை நடத்திய கொள்ளை கும்பல். வாலிபரிடம் நகை-பணத்தை பறித்துக் கொண்டு ஓட்டம்


கோவை அருகே போலீஸ்காரர் வேடம் அணிந்து வாகன சோதனை நடத்திய கொள்ளை கும்பல் வாலிபரிடம் நகை-பணத்தை பறித்து கொண்டு தப்பி ஓடி விட்டது. அவர்களை போலீசார் தேடி வருகிறார்கள்.

தனியார் நிறுவன ஊழியர்

கோவையை அடுத்த துடியலூர் பகுதியை சேர்ந்தவர் மணிகண்டன்(வயது 24). தனியார் நிறுவன ஊழியர். இவர் தனது தங்கை லதாவுடன்(19) நேற்று முன்தினம் இரவு பெரியநாயக்கன்பாளையம் வீரபாண்டியில் இருந்து இடிகரைக்கு மோட்டார் சைக்கிளில் சென்றார். அப்போது செல்லும் வழியில் 3 போலீசார் மணிகண்டன் மோட்டார் சைக்கிளை தடுத்து நிறுத்தி அதிரடி சோதனையில் ஈடுபட்டனர்.

அவர்கள் மணிகண்டனிடம் டிரைவிங் லைசென்சு இருக்கிறதா? வண்டிக்கு ஆர்.சி.புத்தகம் இருக்கிறதா? புகைச்சான்று, எல்.ஐ.சி. சான்று இருக்கிறதா? என்று கேட்டனர். இதை தொடர்ந்து மணிகண்டன் தனது மோட்டார் சைக்கிளில் வைத்திருந்த ஆவணங்களை எடுக்க முயன்றார்.

கத்தியை காட்டி மிரட்டி நகை பறிப்பு

அப்போது திடீரென்று வாகன சோதனையில் ஈடுபட்ட 3 பேரும் மணிகண்டன் கழுத்தில் அணிந்து இருந்த 11/2 பவுன் தங்கச்சங்கிலியை கத்தியை காட்டி மிரட்டி பறித்தனர். அப்போது தான் வாகன சோதனை நடத்தியவர்கள் போலீஸ்காரர்கள் அல்ல. கொள்ளை கும்பலை சேர்ந்தவர்கள் என்பதை மணிகண்டன் தெரிந்து கொண்டார். மேலும் அவரிடம் இருந்த 400 ரூபாயையும் பறித்தனர். அதோடு மணிகண்டனின் தங்கையிடம் இருந்து 2500 ரூபாயும், செல்போனையும் பறித்தனர்.

செல்போனை பறிக்க முயன்ற போது மணிகண்டனுக்கும் 3 பேருக்கும் இடையே தகராறு ஏற்பட்டது. ஆத்திரம் அடைந்த அவர்கள் மணிகண்டனின் கையில் கத்தியால் குத்தி விட்டு செல்போனை பறித்து விட்டு தப்பி ஓடி விட்டார்கள். நல்லவேளை லதா தங்க நகைகள் எதுவும் அணியவில்லை. இல்லையெனில் அந்த கும்பல் அதையும் பறித்து சென்று இருக்ககூடும்.

3 பேருக்கு வலைவீச்சு

இது குறித்து பெரியநாயக்கன்பாளையம் போலீசில் மணிகண்டன் புகார் செய்தார். இதன்பேரில் போலீஸ் இன்ஸ்பெக்டர் ரவிக்குமார் வழக்குபதிவு செய்து சம்பவ இடத்தை பார்வையிட்டு விசாரணை நடத்தினார். வாகன சோதனை நடத்தியவர்களின் முக அடையாளங்களை மணிகண்டனிடமும், அவரது தங்கை லதாவிடமும் போலீசார் கேட்டு அறிந்து உள்ளனர்.வாலிபர் மணிகண்டனிடம் பணம், நகை பறித்த 3 பேரையும் போலீசார் வலைவீசி தேடி வருகிறார்கள். இந்த கொள்ளை சம்பவம் தொடர்பாக பெரியநாயக்கன்பாளையத்தை சேர்ந்த பொதுமக்கள் சிலர் கூறியதாவது:-

தற்போது கோவை போலீசார் ஆங்காங்கே வாகன சோதனை நடத்தி குற்றச்செயல்களை தடுக்கும் பணியில் தீவிரமாக ஈடுபட்டு உள்ளனர். ஆனால் இவர்களை போன்ற கொள்ளை கும்பலை சேர்ந்த சிலர் போலீஸ்காரர்கள் வேடம் அணிந்து கிராமப்புற சாலைகளில் வாகன சோதனை நடத்துவது போல் நடித்து தனியாக வரும் பொதுமக்களிடம் பணம், நகை பறிக்கிறார்கள். அதோடு வாகன சோதனை நடத்துவது போல அவர்களிடம் அபராத தொகையையும் வசூல் செய்கிறார்கள். போலீஸ்காரர் போல் நடித்து கொள்ளையடிக்கும் மர்ம கும்பலை போலீசார் விரைந்து கண்டுபிடித்து தக்க நடவடிக்கை எடுக்க வேண்டும். வாகன ஓட்டிகள் இது போன்ற போலி போலீஸ்காரர்களிடம் ஏமாந்து பணம் நகையை பறி கொடுக்காமல் தங்களை காத்துக் கொள்ள வேண்டும். கிராமப்புறங்களில் வாகன சோதனை நடத்துகிறவர்கள் உண்மையான போலீஸ்காரர்களா? என்பதை வாகன ஓட்டிகள் புரிந்து கொள்ள வேண்டும். இதை தடுக்க போலீசார் தங்கள் ரோந்து பணியை தீவிரப்படுத்த வேண்டும். போலீசாரை போல் வேடம் அணிந்து பணம், நகை பறிக்கும் கொள்ளை கும்பல் மீது தக்க நடவடிக்கை எடுத்தால் தான் இது போன்ற பிரச்சினையை தீர்க்க முடியும்.

இவ்வாறு அவர்கள் கூறினார்கள்.

ராஜா wrote:

சிவா wrote:

maniajith007 wrote:

சிவா wrote:ஆறு வித்தியாசம் வேண்டுமா? அவ்வாறு நான் கூறினால் அங்கு கொள்ளயடித்தது நான் தான் என்று என்னையும் சேர்த்துப் பிடித்துவிடுவார்கள்!

நம்மல்லாம் இப்படி சின்ன விசயத்துக்கு ஆசைப்பட மாட்டோம்னு போலிசுக்கு தெரியும்

இது அதைவிட மோசமாக உள்ளதே! ஆமா நீங்க யாரு? முன்ன பின்ன நான் உங்களைப் பார்த்ததே இல்லையே?

அட ..... இவங்க ரெண்டு பேரையும் இன்னும் கொஞ்ச நேரம் பேச விட்டா இன்னும் நிறைய தகவல்கள் வெளிய வரும் போல இருக்கே ,

மன்னிக்கவும், நீங்கள் தொடர்பு கொள்ள முயன்ற நபர் இப்பொழுது சுதாரித்துக் கொண்டு ஓடிவிட்டார்!

இப்பவெல்லாம் பகல்லா கூட உளறுறேன் அப்புறம் ராஜா அண்ணே ராஜினாமா செஞ்சிட்டீங்களா சிவா அண்ணன் கம்பனி தானே அந்த ஸ்வான்

நல்லா பாருங்கப்பு...அவங்க வேடம் போட்டு வந்தவங்க இல்ல...அவங்க உண்மையான போலீசுதான்...