வடபகுதி மக்களுக்குப் பிடித்தது இராணுவ நிர்வாகம்தானாம்- நல்லிணக்க ஆணைக்குழு

நிசாந்தன் · நிசாந்தன் Mon Nov 01, 2010 11:59 pm

வவுனியா மற்றும் வன்னி மக்கள் அங்கு இராணுவத்தினர் மேற்கொள்ளும் சேவையை விரும்புகின்றனர். சிவில் நிர்வாகத்தை அந்தளவு விரும்பவில்லை என்று கற்றுக் கொண்ட பாடங்கள் மற்றும் தேசிய நல்லிணக்க ஆணைக் குழுவின் தலைவரும் முன்னாள் சட்டமா அதிபருமான சி.ஆர்.டி. சில்வா தெரிவித்துள்ளார். ஆனால் யுத்தம் முடிவடைந்துள்ள நிலையில் வன்னியில் இராணுவப் பிரசன்னம் படிப்படியாகக் குறைவடைய வேண்டும் என்பதனை நானும் ஏற்றுக் கொள்கின்றேன். ஆனால் வவுனியா மற்றும் வன்னி மக்கள் அங்கு இராணுவத்தினர் மேற்கொள்ளும் சேவையை விரும்புகின்றனர். சிவில் நிர்வாகத்தை அந்தளவு விரும்பவில்லை என்றும் அவர் குறிப்பிட்டார்.

கொழும்பில் நேற்றுமுன்தினம் நடைபெற்ற தேசிய நல்லிணக்க ஆணைக்குழுவின் விசாரணை அமர்வில் அங்கிலிக்கன் திருச்சபையின் கொழும்பு பேராயர் டுலிப் டி. சிக்கேரா கலந்து கொண்டு சாட்சியமளித்து முடிந்ததும் அவர் எழுப்பிய கேள்விக்கு பதில் கருத்து வெளியிட்ட ஆணைக் குழுவின் தலைவர் மேற்கண்டவாறு குறிப்பிட்டார். கற்றுக்கொண்ட பாடங்கள் மற்றும் தேசிய நல்லிணக்க ஆணைக்குழுவின் விசாரணை அமர்வு கொழும்பில் அதன் தலைவர் சி.ஆர்.டி. சில்வா தலைமையில் நேற்று முன்தினம் பிற்பகல் நடைபெற்றது.

அதன்போது சாட்சியமளித்த டுலிப் டி. சிக்கேரா, யுத்தம் முடிவடைந்துள்ள நிலையில் வன்னியில் இராணுவப் பிரசன்னம் படிப்படியாக குறைக்கப்பட வேண்டும் என்று கூறினார்.

ஆனால் இதற்குப் பதிலளித்த நல்லிணக்க ஆணைக்குழுத் தலைவர், வவுனியா மற்றும் வன்னிப் பகுதி மக்கள் இராணுவத்தினர் மேற்கொள்ளும் வேலைத் திட்டங்களை விரும்புகின்றனர். அப்பகுதி மக்களுடன் நாங்கள் உரையாடியபோது அவர்கள் இதனை தெரிவித்தனர். இராணுவத்தினர் மேற்கொள்ளும் வேலைத்திட்டங்கள் தொடர்பில் அப்பகுதி மக்கள் மகிழ்ச்சியுடன் இருக்கின்றனர். அந்த மக்கள் அங்கு சிவில் நிர்வாகம் வர வேண்டும் என்று விரும்பவில்லை என்றார்

வடபகுதி மக்களுக்குப் பிடித்தது இராணுவ நிர்வாகம்தானாம்- நல்லிணக்க ஆணைக்குழு

வடபகுதி மக்களுக்குப் பிடித்தது இராணுவ நிர்வாகம்தானாம்- நல்லிணக்க ஆணைக்குழு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக