தமிழர் படை-105

நிசாந்தன் · நிசாந்தன் Sat 23 Oct 2010 - 12:52

ஒரேயொரு துறுப்பிடித்த துப்பாக்கியுடன் ஆரம்பிக்கப்பட்ட அமைப்பு, இன்று தரைப்படை, கப்பற்படை, வான்படை என்று ஒரு நாட்டின் இராணுவத்திற்கு இணையாக வளர்ந்துள்ளது. ஐந்து பேர் மட்டுமே இருந்த இயக்கத்தில் இன்று 25,000 வீரர்களைக் கொண்டிருக்கிறது.

வடகிழக்கு பிரதேசங்களை முழுமையாக சிங்கள இராணுவத்தால் கைப்பற்ற முடியவில்லை. புலிகளின் பலத்தை அவ்வப்போது குறைக்க முடிந்தாலும் அவர்களை முழுவதுமாக அகற்றமுடியவில்லை.

விடுதலைப் புலிகள் முன்மொழியும் தனி ஈழம் ஆவது, தமிழரின் தாயக நிலப்பரப்புகளைக் கொண்டது. அவை, கிளிநொச்சி, முல்லைத்தீவிலுள்ள பெரும்பாலான மாவட்டங்கள், மன்னாரில் சில பகுதிகள், வவுனியா, யாழ்ப்பாணம், அம்பாரை, திருகோணமலை, மட்டக்களப்பு மற்றும் புத்தளம். சிங்கள பிரதேசங்களில் ஒரு கையளவு பகுதியைக் கூட புலிகள் கோரவில்லை. ஆனால், யாழ்ப்பாணம், அம்பாரை, திருகோணமலை, மட்டகளப்பு, புத்தளம் பகுதிகள் இலங்கை அரசின் கைவம் உள்ளன.

தமிழீழத்தை உயிர்பெறச் செய்ய உயிரைக் கொடுத்தவர்களின் எண்ணிக்கையை அறிய முடியாது. ஆனால், சுனாமி அந்த கனவுக்கு உயிர் கொடுத்தது. பல்லாயிர உயிர்களை காவு வாங்கினாலும், சுனாமி செய்த ஒரே நல்ல காரியம், தனி ஈழக் கோரிக்கைக்கு சர்வதேச அங்கீகாரம் பெற்றுக் கொடுத்தது. புலிகளின் மீட்புப் பணிகளுக்கு பாராட்டுகள் குவிந்தன. புலிகளின் நிர்வாகத் திறன் பிரமிப்பை ஏற்படுத்தியது.

விடுதலைப் புலிகள் முற்றிலும் எதிர்பாராத அங்கீகாரம். நாங்கள் தீவிரவாதிகள் அல்ல. எங்கள் மக்களின் விடுதலைக்காக பாடுபடும் போராளிகளே.

சிங்கள அரசுக்கு இது மிகப் பெரிய பின்னடைவை ஏற்படுத்தியது. உதவித்தொகைக்காக சிங்கள அரசு காத்துக் கொண்டிருந்த சமயம், அனைத்து சர்வதேச நிறுவனங்களும் திட்டவட்டமாக சொல்லிவிட்டார்கள். தருகிறோம். ஆனால் அந்த தொகையை விடுதலைப் புலிகளுடன் பகிர்ந்துக் கொள்ள வேண்டும். தர்மசங்கடத்தின் உச்சம். முடியாது என்று சொன்னால், கொடுக்க வரும் கை பின்னால் சென்றுவிடும். சரி என்றால். புலிகளை அங்கீகரித்தாக வேண்டும். இன்னொரு விடயத்தை சுனாமி வெளிக்கொணர்ந்தது. விடுதலைப் புலிகள் நிர்வகிக்கும் பகுதிகளை இலங்கை அரசு கண்டுகொள்வது இல்லை. அங்கு புலிகள் தான் மக்களை பாதுகாக்கின்றனர்.

விடுதலைப் புலிகளால் செயல்படுத்திக் காட்டிய புணர்நிர்மாணத் திட்டம்(Disaster Management System) ஒரு முன் மாதிரியாக பல நாடுகளால் ஏற்றுக்கொள்ளப்பட்டது.

வன்னிப்பகுதிக்கு நேரில் சென்ற பத்திரிக்கையாளர்களால் இந்த மாற்றத்தை நன்றாக உணர முடிந்தது. அட, இங்கே புலிகளின் கொடி பறந்துக் கொண்டிருக்கிறதே. இந்தியப் புலனாய்வுப் பத்திரிக்கையான தெஹல்காவில் இருந்து சென்ற வி.கே.சசிகுமார் புலிகள் பகுதியில் மூன்று வாரம் தங்கியிருந்து பல ஆச்சரியங்களைச் சுமந்தபடி ஊர் வந்து சேர்ந்தார்.

விடுதலைப் புலிகள் தமிழ் ஈழத்தை அடைந்துவிட்டதாக எழுதினார்.(ஏப்ரல் 16,2005)

தமிழர் படை-105

தமிழர் படை-105

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக