சொல்வதைக் கேள்

**சிவா** · **சிவா** Mon Aug 10, 2009 12:28 pm

கிஸ்வர் நஹீத்

நீ பேச வேண்டுமென்று விரும்பினால்
உனக்குத் தண்டனை மரணம்
நீ மூச்சு விட விரும்பினால்
உனக்குரிய இடம் சிறைச்சாலை
நீ நடக்க விரும்பினாயென்றால்
கால்களை வெட்டி
உன் கைகளில் எடுத்துக் கொள்
சிரிக்க விரும்பினால்
கிணற்றில் தலைகீழாகத் தொங்கு
நீ சிந்திக்க வேண்டுமென விரும்பினால்
எல்லாக் கதவுகளையும் சாத்திக்கொள்
சாவியை வீசி விடு
நீ அழ வேண்டுமென விரும்பினால்
ஆற்றில் மூழ்கி விடு
வாழ வேண்டுமென நீ விரும்பினாயெனில்
உன் கனவுக் குகையின் ஒட்டடையாகி விடு
எல்லாவற்றையுமே முழுக்க நீ மறக்க
விரும்பினால்
நிறுத்தி மறுபடிச் சிந்திக்கப் பழகு
நீ முதலில் கற்றுக் கொண்ட அரிச்சுவடியிலிருந்து
தொடங்கு இப்போது.

தமிழாக்கம்- யமுனா ராஜேந்திரன்.
கிஸ்வர் நஹீத் பாகிஸ்தானியப் பெண் கவிஞர்.