நானும் பெரிய மனுஷன் ஆயிட்டேன்

balakarthik · balakarthik Wed Oct 20, 2010 12:39 pm

First topic message reminder :

உலகிலே மிகக் கடினமான விஷயம் எதுவென்று என்னைக் கேட்டால் எளிதில் சொல்லிவிடுவேன், தண்ணியடிக்கும் பழக்கமில்லாத ஒருவன் தண்ணி பார்ட்டிக்கு செல்வது என்று. சிறுவயதில் இருந்தே எனக்கு இந்த நல்லப் பழக்கம் உண்டு. அதாங்க தண்ணியடிக்காமல் இருப்பது. அப்போது எனக்கு 18 வயது(தங்கம்.. உனக்கு இப்பவும் 18 தாண்டா). கல்லூரி நண்பன் ஒருவன் பார்ட்டி தருவதாக சொன்னான். அதுவும் தண்ணி பார்ட்டிடா என்று அழுத்தி சொன்னான். எனக்கு விருப்பமில்லை என்றேன். இன்னொரு நண்பன் தான் சும்மா வந்து வேடிக்கை பாரு மச்சி. கலக்கலா இருக்குமென்று பவர் சோப் போட்டு பிரயின் வாஷ் செய்தான். அதைத் தொடர்ந்து நான் வருவதாகவும் ஆனால் தண்ணியடிக்க சொல்லி தொல்லைப் பண்ணக்கூடாதென்றும் பார்ட்டி தருபவனிடம் சொன்னேன். அது உன் இஷ்டம் மச்சி என்றவனிடம் என்னடா ஸ்பெஷல் என்றேன். ”தெரியாதா மச்சி. போன வாரம் மொத மொதல்லா சரக்கடிச்சு பெரிய மனுஷன் ஆயிட்டண்டா” என்றான்.

அந்த வரலாற்று சிறப்புமிக்க நிகழ்வைத் தொடர்ந்து பல பார்ட்டிகளுக்கு செல்லத் தொடங்கினேன். ஏ.சி பாரில் அன்லிமிட்டெட் சைட் டிஷ் என்பதால் டின்னரையும் அங்கேயே முடித்து விடுவது என் வாடிக்கையாகிவிட்டது. எவ்வளவு சைட் டிஷ் வைத்தாலும் சில நிமிடங்களில் அரைத்து தள்ளியதால் கிரைண்டர் என்ற பட்டப்பெயரும் கிடைத்தது. இது என்னடா ஃப்ரீயா கொடுக்கிறத சாப்பிட்டா கூடவே ஃப்ரீயா டைட்டிலும் தர்றாங்களேன்னு ஆச்சரியமாக இருந்தது. உண்மையை சொல்லப் போனால் நான் இது போன்ற பார்ட்டிகளுக்கு செல்ல முக்கிய காரணம் சைடு டிஷ் மட்டும் அல்ல. சரக்கு உள்ளே போகும் வரை கந்தசாமியாக இருப்பவன் முதல் கல்ப் அடித்ததும் கம்யூனிஸ்டாக மாறுவான். ஸ்மால் அடித்தவன் சுவாமிகள் ஸ்ரீஸ்ரீ ஆயா பகவானின் லீலைகளை எடுத்துரைப்பான். லார்ஜ் அடித்தவன் இந்தியாவின் லா& ஆர்டர் குறித்து கவலை தெரிவிப்பான். லைட்ஸ் ஆன் சுனிலை மட்டுமே படிப்பவன் என்று நினைக்கும் ப்ரகஸ்பதி தோப்பில் முகமது மீரானைத் தெரியுமா என்று மிரள வைப்பான்.

இந்த வயதில், அதாங்க 18 வயதில் தண்ணியடிப்பவர்களில் இரண்டு பேராவது காதல் தோல்வியில் இருப்பார்கள். அவர்களின் ஃபீலிங்க்ஸ் கொடுமை சொல்லி மாளாது. நாத்தம் புடிச்ச குப்பைத்தொட்டிக்கு பக்கத்தில் அவளைப் பார்த்ததில் தொடங்கி, அவளது கூந்தல் மணம் வரை மணிக்கணிக்கில் சிலாகிப்பார்கள். தண்ணியடிக்காமல் ஸ்டெடியாக இருக்கும் என்னைப் போன்றவர்கள் தான் அவர்களின் டார்கெட். அந்தக் கதைக்கெல்லாம் பல சமயம் ரிப்பீட் ஆடியன்சாக இருந்த கொடுமையும் நேர்ந்ததுண்டு. இரண்டாம் முறை கேட்கும்போது அந்த கதை நமக்கு தெரியாதது போல் நடிக்க வேண்டும். இல்லையெனில் நாமும் அந்த ஜீலியட்டுக்கு நூல் விட்டதாக நினைத்துக் கொண்டு ரோமியோ நம் மீது பாய்ந்துவிடும் அபாயமுண்டு. கடைசியாக அவர் ஆஃபாயில் போடும் சமயம் வந்ததும் ”விடு மச்சி. உனக்குன்னு ஒருத்தி இனிமேலா பொறக்க போறா?” என்ற டயலாக்கோடு நகர்ந்து விட வேண்டும். இல்லையெனில் கறை நல்லது விளம்பரத்தில் நம் கதையும் வந்துவிடக்கூடும்.

காதல் கதைகள் பெரும்பாலும் சுவாரஸ்யமாக இருந்துவிடுமென்பதால் தப்பித்து விடலாம். ஆனால் தப்பித் தவறி அரசியல் ஆர்வலரிடம் மாட்டிக் கொண்டால் செத்தோம். வட்ட செயலாளரின் தகிடுதத்தத்தில் ஆரம்பிக்கும் பேச்சு பில்கேட்ஸுக்கும் சிதம்பரத்திற்கும் இடையே நடந்த டீலிங் வரை செல்லும். மாட்டையும் மக்களையும் வைத்து கம்யூனிசத்திற்கும் ஃபாஸிஸத்திற்கும் இன்னும் பல இஸத்திற்கும் விளக்கம் சொல்ல ஆரம்பித்தால் நம் மூளையில் நெப்போலியன் நர்த்தனம் ஆடத் தொடங்குவார். “உன்கிட்ட ரெண்டு மாடு இருக்கு. ஒன்னை பக்கத்தில் இருக்கிறவன்கிட்ட கொடுத்தா அது சோஷலிசம். ரெண்டு மாடையும் அரசே எடுத்துக்கிட்டு உனக்கு பால மட்டும் ஃப்ரீயா கொடுத்தா அது கம்யூனிஸம். அந்த பாலுக்கு காசு கேட்டா அது ஃபாஸிஸம்.ஒரு மாட்ட வித்து ஒரு காளை மாட்ட நீ வாங்கினா அது கேப்பிட்டிலிஸம்” இப்படி போகும் இஸ ரயிலில் இருந்து ரன்னிங்கில் இறங்கி வரத் தெரியாதவர்கள் இது போன்ற பார்ட்டிகளுக்கு போகாமல் இருப்பதே உசிதம்.

ரன்னிங்கில் இறங்கி இந்தப் பக்கம் பார்த்தால் பாபா முத்திரையோடு நித்திரையில் ஆழ்ந்திருப்பார் ஆன்மிக குடிகாரர். தெரியாமல் அவரை எழுப்பிவிட்டால் அவ்வளவுதான். இதெல்லாம் சிற்றின்பம். பதரே பேரின்பம் அவனிடத்தில் உண்டு என மேலே கையை காட்டுவார்கள். ஆனால் அவர் கண்கள் கீழ் நோக்கி இருக்கும். நாம் மேலேதான் பார்க்க வேண்டும். கட்டாயம் ஒரு குரு-சீடன் கதை சொல்வார். நாமும் பயபக்தியுடம் கேட்டுக் கொள்ள வேண்டும். ஓஷோ தெரியுமா என்றால் ஆம் என்று சொல்லக்கூடாது. தவறி சொல்லிவிட்டால் நீ நினைக்கிற மாதிரியான ஆளில்ல அவரு என்று நம் மனதில் இருப்பதைப் புட்டு புட்டு வைப்பார். இன்பம்-துன்பம்,நல்லது-கெட்டது, ஆசை-ஏமாற்றம் என போகும் பிரசங்கத்தை லாவகமாக முடிக்க தெரிந்துக் கொள்ள வேண்டும். இல்லையேல் இந்த பிரபஞ்சம் போல அதுவும் முடிவில்லாமல் போய்க் கொண்டேயிருக்கும்,

குடிக்கும் வரை கோலாகலமாக செல்லும் வைபவம் திரும்பும் வழியில் சொதப்பும். அத்தனை பேரும் பிரச்சினை செய்ய மாட்டார்கள். ஆனால் நிச்சயம் ஒருவன் செய்துவிடுவான். அவனை பத்திரமாக ஹாஸ்டலில் சேர்க்க வேண்டிய தார்மீக கடமை ஓசியில் சைட் டிஷ் சாப்பிட்டவனுக்கே அதிகம். வரும் வழியில் தேமேவென மேமேன்னு கத்திக் கொண்டிருக்கும் ஆட்டிடம் சென்று பேசத் தொடங்குவார் அன்றைய மேன் ஆஃப் தி மேட்ச். ஆட்டை, ராஜ பாளையத்து நாய் என நினைத்து வீரமாக அதன் எதிரில் நின்று பழங்கதைகள் பேசுவார்.”அன்னைக்கு என்ன துரத்துன இல்ல. இப்ப என் மச்சான் கூட இருக்கான். தொரத்து பார்ப்போம்”என அருகிலிருக்கும் ஏதாவது ஒரு மச்சான் மீது கை போட்டுக் கொள்வார். அரைகுறை மப்பில் இருக்கும் மச்சானும் மாப்பிள்ளைக்காக அந்த ஆட்டை மிரட்டுவார். அது மிரண்டு ஓடும். விடாமல் துரத்தி மாப்பிள்ளையின் நன்மதிப்பை பெற்றிடுவார் மச்சான். மறுநாள் ஏண்டா ஆட்டை துரத்தினன்னு யாராவது கேட்டா, மச்சான் அந்த சமயத்துல மட்டன் கேட்டான். கடையெல்லாம் மூடிட்டாங்க. அதுக்காக மச்சான்கிட்ட இல்லைன்னு சொல்ல முடியுமா என்று தயார் செய்து வைத்திருக்கும் புனைவை பிரசுரிப்பார்கள். அவசரப்பட்டு சிரித்துவிட்டால் அடுத்த பார்ட்டியில் காராசேவு கிடைக்காதென்பதால் நானும் வாய் மூடி இருந்துவிடுவேன்.

இவ்வளவு கொடுமைகளையும் தாங்கிக் கொண்டு கால் கிலோ மிக்சருக்கும், வறுத்த கடலைக்கும் நான் பட்ட பாட்டைக் கண்டு எனக்கு வெறுப்பு வந்தது. என்னடா செய்யலாமென்று பல ஆங்கிளில் யோசித்து ஒரு நல்ல நாளில் ஒரு நல்ல முடிவு எடுத்தேன். எடுத்த முடிவின்படி கச்சிதமாக காரியத்தை முடித்த பின் ஒரு ஞாயிற்றுக்கிழமை அன்று இன்னொரு நண்பனையும் பார்ட்டிக்கு அழைத்தேன். என்னடா விசேஷம் பார்ட்டியெல்லாம் தர்ற என்றான்.

”தெரியாதா மச்சி. போன வாரம் மொத மொதல்லா சரக்கடிச்சு பெரிய மனுஷன் ஆயிட்டண்டா”என்றேன்

balakarthik · balakarthik Wed Oct 20, 2010 6:03 pm

கார்த்திக் wrote:சரக்கு கொஞ்சம் ஓவரா போய்ட்ட இப்படிதான் யோசிக்கி சொல்லும் .......
அருமை நண்பா ...... ஓசில சைடிஸ் தின்னதுக்கே இப்படியா

என்ன பண்றது நண்பா என்னோடது பிஞ்சு மனசாச்சே அதான்

கார்த்திக் · கார்த்திக் Wed Oct 20, 2010 6:06 pm

balakarthik wrote:
கார்த்திக் wrote:சரக்கு கொஞ்சம் ஓவரா போய்ட்ட இப்படிதான் யோசிக்கி சொல்லும் .......
அருமை நண்பா ...... ஓசில சைடிஸ் தின்னதுக்கே இப்படியா

என்ன பண்றது நண்பா என்னோடது பிஞ்சு மனசாச்சே அதான்

நம் ரெண்டு பேருக்கும் ஒரே மனசு .....

balakarthik · balakarthik Wed Oct 20, 2010 6:07 pm

கார்த்திக் wrote:
balakarthik wrote:
கார்த்திக் wrote:சரக்கு கொஞ்சம் ஓவரா போய்ட்ட இப்படிதான் யோசிக்கி சொல்லும் .......
அருமை நண்பா ...... ஓசில சைடிஸ் தின்னதுக்கே இப்படியா

என்ன பண்றது நண்பா என்னோடது பிஞ்சு மனசாச்சே அதான்
நம் ரெண்டு பேருக்கும் ஒரே மனசு .....

சாந்தன் · சாந்தன் Wed Oct 20, 2010 6:16 pm

நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

கார்த்திக் · கார்த்திக் Wed Oct 20, 2010 6:17 pm

சாந்தன் wrote:நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

நீங்கள் பாலாவை அணுகுங்கள் ....

அவரு ரொம்ப பெரிய மனுஷன்

balakarthik · balakarthik Wed Oct 20, 2010 6:19 pm

சாந்தன் wrote:நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

தினமும் காம்பிளான் குடியுங்கள் ஆகிடலாம் சிப்பு வருது

balakarthik · balakarthik Wed Oct 20, 2010 6:20 pm

கார்த்திக் wrote:
சாந்தன் wrote:நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

நீங்கள் பாலாவை அணுகுங்கள் ....

அவரு ரொம்ப பெரிய மனுஷன்

என்ன ரொம்ப புகழாத நண்பா எனக்கு இந்த பப்ளிக்குட்டி எல்லாம் புடிக்காது

கார்த்திக் · கார்த்திக் Wed Oct 20, 2010 6:20 pm

balakarthik wrote:
சாந்தன் wrote:நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

தினமும் காம்பிளான் குடியுங்கள் ஆகிடலாம்

பூஸ்ட் கூட குடிக்கலாம்

கார்த்திக் · கார்த்திக் Wed Oct 20, 2010 6:21 pm

balakarthik wrote:
கார்த்திக் wrote:
சாந்தன் wrote:நானும் பெரிய மனுஷன் ஆக வேண்டும் என்று நினைக்கிறேன் ...
முடியல .....

நீங்கள் பாலாவை அணுகுங்கள் ....

அவரு ரொம்ப பெரிய மனுஷன்

என்ன ரொம்ப புகழாத நண்பா எனக்கு இந்த பப்ளிக்குட்டி எல்லாம் புடிக்காது

பப்ளிக்ல குட்டியா எங்க எங்க

balakarthik · balakarthik Wed Oct 20, 2010 6:23 pm

கார்த்திக் wrote:
balakarthik wrote:
கார்த்திக் wrote:

நீங்கள் பாலாவை அணுகுங்கள் ....

அவரு ரொம்ப பெரிய மனுஷன்

என்ன ரொம்ப புகழாத நண்பா எனக்கு இந்த பப்ளிக்குட்டி எல்லாம் புடிக்காது

பப்ளிக்ல குட்டியா எங்க எங்க

இங்கே

நானும் பெரிய மனுஷன் ஆயிட்டேன் - Page 2 2584ka9_26

Sponsored content · Sponsored content

நானும் பெரிய மனுஷன் ஆயிட்டேன்

நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

Re: நானும் பெரிய மனுஷன் ஆயிட்டேன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக