மூடிய புத்தகமாகவே இரு

**மு.வித்யாசன்** · 19/03/2010

உன் இதயத்தை திறந்த புத்தகமாக வைக்காதே,
படித்து விட்டு சென்றால் பரவாயில்லை
எதை எதையோ கிறுக்கி வைத்து விடுவார்கள்...

உன் கடந்த வாழ்க்கையை கண் மூடி
சொல்லிவிடாதே, காதில் போடா விட்டாலும் பரவாயில்லை
கதைகள் திரித்து சொல்லி விடுவார்கள்...

உன் கண்ணீரை பங்கிட்டுக் கொள்ள
விரல்களை தேடாதே, துடைக்கா விட்டாலும் பரவாயில்லை
புன்னகைத்து ஏளனம் செய்வார்கள்...

உன் உணர்வுகளை யாருக்கும் உணர்த்தி விடாதே,
உரிமை எடுத்து கொள்ளாவிட்டாலும் பரவாயில்லை
உதாசினப் படுத்தி விடுவார்கள்...

உன் கனவுகளை வெளியே வரைந்து காட்டி விடாதே
கண்டு ரசிக்கா விட்டாலும் பரவாயில்லை
கிழித்து எறிந்து விடுவார்கள்...

உன் நினைவுகளை படம் பிடித்து காட்சியாக்கி விடாதே
கை தட்டா விட்டாலும் பரவாயில்லை
காலில் போட்டு மிதித்து விடுவார்கள்...

உன் உழைப்புக்கு பாராட்டு எதிர் பார்த்து விடாதே
வாழ்த்துக்கள் கூறாவிட்டாலும் பரவாயில்லை
வஞ்சகன் என்று வர்ணித்துவிடுவார்கள்...

உன் கவலைகளை எவரிடமும் உரைத்து விடாதே
தோள் கொடுக்கா விட்டாலும் பரவாயில்லை
தொலை தூரத்தில் சென்று விடுவார்கள்...

உன் புனிதமான காதலை ஒருவரிடமும் ஒப்படைத்து விடாதே
இதயத்தை பார்க்கா விட்டாலும் பரவாயில்லை
இரக்கமின்றி அசிங்கம் என்று கதவடைத்து விடுவார்கள்...

அர்த்தங்களை தேடி அலையும் வாழ்க்கையில்
முகமூடி போர்த்தியிருக்கும் முகங்களுக்கு முன்னால்
நீ....
மூடிய புத்தகமாகவே இரு
வருத்தங்கள் ஏதும் வருவதில்லை !!

மூடிய புத்தகமாகவே இரு 154550

கலைவேந்தன் · கலைவேந்தன் Tue Oct 19, 2010 11:15 pm

மூடிவைத்த இதயமும் திறந்திடாத புத்தகமும்
செல்லரித்துச் சிதலமாகும்..

கடந்தவை பகிரும்போது கடவுளும் உனக்கு
தோள்கொடுக்க முன்வருவான்..

கண்ணீரை காகிதத்தில் கவிதையாக்கு,
கனிவுடன் பரிவுகாட்டும் கரங்களும் உண்டு...

உன் உணர்வுகளை வெளிப்படுத்திப்பார்,
உயிரற்ற திடப்பொருளும் உனக்காகக் குரல்கொடுக்கும்..

கனவுகளைக் கலந்துபரிமாறு,உன் தோள்கள்
தினவெடுக்கும் விந்தைகள் புரிய..

உன் நினைவுகளை வலம்வரச்செய், உன்பின்னால்
உண்மையான நட்புக்கள் பின் தொடரும்..

உனது உழைப்பை உறுதிசெய், உனக்கான ஊதியம்
உன்னை வலம்வந்து வணங்கும்..

கவலைகளைப் பகிர்ந்து பார், அவை
பாதியாய்க் கரைந்து போகும்..

காதலித்துப்பார், கடலும் முழங்கால் மட்டமாகும்
வேதனைகள் உருமறையும்..

தனிமையில் பிறந்தாய் பன்முகம் கொண்டாய்
இனியவை தவிர்த்து என்ன சுகம் கண்டாய்..?

திறந்த புத்தகமாய் இரு.. நான்குபேர் பயனடைவார்..
பிறந்ததன் அர்த்தம் விளங்கும்..!

**மு.வித்யாசன்** · 19/03/2010

எதிர் வாதம் சிறப்புதான். எழுதுபவருக்கு இது கை வந்த‡ கலை‡தான்.

இங்கு நான் பதிவு செய்தது தற்போதைய மனநிலை, நீங்கள் பதிவு செய்தது மறு முனை.

அறியாதவருக்கு எடுத்துச் சொல்லலாம், அறிந்தவருக்கோ விட்டு கொடுத்துதான் தான் செல்ல வேண்டும்.

**மு.வித்யாசன்** · 19/03/2010

எல்லா நேரங்களிலும் நாம் திறந்த புத்தகமாகவே இருந்து விடமுடியாது. கோயிலில் கடவுள் இருக்கிறார் என்பதற்காக கதவை திறந்து வைக்க முடியாது . எல்லோரும் கடவுளானால்தான் இது சாத்தியப்படும். இல்லை என்றால் கடவுள் ?

கலைவேந்தன் · கலைவேந்தன் Tue Oct 19, 2010 11:34 pm

தம்பி வித்யாசன்,

உங்கள் கவிதை என்னை ரொம்ப ரொம்ப கவர்ந்ததால் தான் என்னை எழுதவைத்தது.

பொதுவாக கவிதைகள் சிந்திக்க வைக்கவேண்டும். அவைதான் வெற்றி பெற்ற கவிதை எனப்படும்.

என்னைச்சிந்திக்கவைத்த உங்கள் கவிதையின் மேன்மை என்ன சொல்ல..?

என் மனமார்ந்த பாராட்டுக்கள் தம்பி..!

**மு.வித்யாசன்** · 19/03/2010

சரி அண்ணா விவாதம் இல்லாத மேடையும், விருப்பமில்லாத கல்யாணமும் ஒன்றுதான். தங்களின் வரிகளும் சிறந்ததே. என்னுடைய கற்பனையும் உகந்ததே. விடியல் விரல் தொடும் தூரத்தில்தான். பொழுது புலரட்டும். புதுப் புது அனுபவங்களுடன் பயணிப்போம். இப்பொழுதோ இமைகளை மூடி கனவுகளை திறந்து வைப்போம். நன்றிகள் உங்கள் மறு மொழிக்கு. மீண்டும் சந்திப்போம்

Guest · Guest Tue Oct 19, 2010 11:42 pm

அர்த்தங்களை தேடி அலையும் வாழ்க்கையில்
முகமூடி போர்த்தியிருக்கும் முகங்களுக்கு முன்னால்
நீ....
மூடிய புத்தகமாகவே இரு
வருத்தங்கள் ஏதும் வருவதில்லை !!

காலத்திற்கேற்ற வரிகள். பிரமாதம் வித்யாசன். உங்கள் கவிதை வித்யாசம்.

**மு.வித்யாசன்** · 19/03/2010

எனக்கு ஒரு சந்தோசம் என்ன வென்றால் உங்கள் பதிவிலிருந்தும் எனக்கோரு புதுக் கவிதை பூத்திருக்கிறது. அதற்கும் என் நன்றிகள். நாளை சந்திப்போம் மேலும் மேலும் சிந்திப்போம். இரவு வணக்கங்களுடன் வித்யாசன்.

**மு.வித்யாசன்** · 19/03/2010

uthuman wrote:அர்த்தங்களை தேடி அலையும் வாழ்க்கையில்
முகமூடி போர்த்தியிருக்கும் முகங்களுக்கு முன்னால்
நீ....
மூடிய புத்தகமாகவே இரு
வருத்தங்கள் ஏதும் வருவதில்லை !!

காலத்திற்கேற்ற வரிகள். பிரமாதம் வித்யாசன். உங்கள் கவிதை வித்யாசம்.

நன்றி சகோதரரே .

**சிவா** · **சிவா** Wed Oct 20, 2010 1:23 am

கலை wrote:மூடிவைத்த இதயமும் திறந்திடாத புத்தகமும்
செல்லரித்துச் சிதலமாகும்..

கடந்தவை பகிரும்போது கடவுளும் உனக்கு
தோள்கொடுக்க முன்வருவான்..

கண்ணீரை காகிதத்தில் கவிதையாக்கு,
கனிவுடன் பரிவுகாட்டும் கரங்களும் உண்டு...

உன் உணர்வுகளை வெளிப்படுத்திப்பார்,
உயிரற்ற திடப்பொருளும் உனக்காகக் குரல்கொடுக்கும்..

கனவுகளைக் கலந்துபரிமாறு,உன் தோள்கள்
தினவெடுக்கும் விந்தைகள் புரிய..

உன் நினைவுகளை வலம்வரச்செய், உன்பின்னால்
உண்மையான நட்புக்கள் பின் தொடரும்..

உனது உழைப்பை உறுதிசெய், உனக்கான ஊதியம்
உன்னை வலம்வந்து வணங்கும்..

கவலைகளைப் பகிர்ந்து பார், அவை
பாதியாய்க் கரைந்து போகும்..

காதலித்துப்பார், கடலும் முழங்கால் மட்டமாகும்
வேதனைகள் உருமறையும்..

தனிமையில் பிறந்தாய் பன்முகம் கொண்டாய்
இனியவை தவிர்த்து என்ன சுகம் கண்டாய்..?

திறந்த புத்தகமாய் இரு.. நான்குபேர் பயனடைவார்..
பிறந்ததன் அர்த்தம் விளங்கும்..!

இக்கவிதை உங்களின் வெள்ளை மனதைக் காட்டுகிறது! ஆனால் இன்றைய இளம் பெண்களுக்கு நான் கூறும் அறிவுரை, தன் ரகசியத்தை கணவனிடமும் கூறாதீர்கள்! அன்பாகக் கேட்டு பின்னர் அதை வைத்தே வம்பளப்பார்கள்! கவலைகளை வேறொரு ஆணிடம் பகிந்து கொள்ளும் பொழுது உங்களின் இயலாமையை அவரது பலமாக மாற்றிக் கொள்கிறார். ஆண்களில் நல்லவர்கள் 50% சதவிகிதம் என்றால் அதே 50% தீய குணம் கொண்டவர்களாகவும் உள்ளார்கள்!

மகிழ்ச்சியை மட்டும் மற்றவர்களுடன் பகிர்ந்து கொள்ளுங்கள்! மனக் கவலைகளை கணவனிடமோ அல்லது குடும்ப உறவுகளிடமோ பகிர்ந்து கொள்ளுங்கள்! ரகசியத்தை யாருடனும் பகிர்ந்து கொள்ளாதீர்கள்!

Sponsored content · Sponsored content

மூடிய புத்தகமாகவே இரு

மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

Re: மூடிய புத்தகமாகவே இரு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக