ஆசைக்கு இணங்க மறுத்த பெண்ணுக்கு கத்திகுத்து: குழந்தை கழுத்து அறுத்து கொலை

ஆழ்வார்குறிச்சி : திருமலையப்பபுரத்தில் ஆசைக்கு இணங்க மறுத்த பெண்ணை வெட்டியும், ஒன்றரை வயது ஆண் குழந்தையை கழுத்தை அறுத்து கொலை செய்த வாலிபரை போலீசார் கைது செய்தனர்.

கடையம் அருகேயுள்ள திருமலையப்பபுரம் இந்திரா நகரைச் சேர்ந்தவர் ஆசிக்; கர்நாடக மாநிலம் தாண்டிலியாவில் மளிகை கடை நடத்தி வருகிறார். இவரது மனைவி தபசுன்(23). இவர்களுக்கு நியாஸ் என்ற ஒன்றரை வயது ஆண் குழந்தை உள்ளது. இவரது வீட்டின் பக்கத்து தெருவைச் சேர்ந்தவர் செல்லப்பா ஆசாரி மகன் மணிகண்டன் (எ) மணி (35); இவருக்கு திருமணமாகவில்லை.நேற்று காலை ஆசிக் வீட்டிற்கு மணிகண்டன் சென்றுள்ளார். அப்போது, மணிகண்டன், ஆசிக் மனைவியிடம் குடிக்க தண்ணீர் வேண்டும் என கேட்டுள்ளார். தண்ணீரை எடுப்பதற்காக தபசுன் வீட்டிற்குள் சென்றவுடன் வீட்டினுள் நுழைந்த மணிகண்டன் வீட்டின் முன்பக்கம் உள்ள கதவை சாத்திவிட்டு வீட்டினுள் புகுந்து தபசுன்னுவின் கையை பிடித்து இழுத்துள்ளார்.



மணிகண்டன் பிடியில் இருந்து தப்பிக்க முயற்சி செய்த தபசுனை அருகே கிடந்த கத்தியை எடுத்து பின் கழுத்தில் வெட்டியுள்ளார். தடுத்த தபசுன்னுவின் கையிலும் வெட்டு விழுந்தது. வெட்டுப்பட்டவுடன் அலறியபடி தபசுன், வீட்டின் பின்புறம் வழியாக வெளியே ஓடிவந்து கூச்சலிட்டு அழுதார்.ஆத்திரமடைந்த மணிகண்டன் வீட்டினுள் இருந்த ஒன்றரை வயது குழந்தை நியாசின் கழுத்தை அறுத்து கொலை செய்துள்ளார். குழந்தையை கொன்றவுடன் மணிகண்டன் தனக்குத்தானே கத்தியால் உடம்பில் கீறிக்கொண்டு இறந்தவன் போல் வீட்டினுள் பாசாங்கு செய்து படுத்துக் கொண்டார்.போலீசார் விரைந்து சென்று வெட்டுப்பட்டு காயமடைந்த தபசுனை தென்காசி அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக பாளை. ஐகிரவுண்ட் மருத்துவமனைக்கு கொண்டு செல்லப்பட்டார். மணிகண்டனை போலீசார் கைது செய்தனர்.

பெண்கள் மற்றும் குழந்தைகள் எதிராக நடக்கும் எந்த குற்றங்களுக்கும் மிக கடுமையான தண்டனை வழங்க வேண்டும்

ஒரு மனிதருக்குள் இவ்வளவு கொடூர மனமா?

ஐயோ பாவம்

அந்த மணிகண்டன் சைக்கோவா?

இப்படிக்கூட செய்ய துணியுமா மனம்

பச்சைக்குழந்தையை கொல்ல எப்படி மனம் வருகிறது..