"இறுக்கமாக இருக்காதீங்க சில நிமிடமாவது சிரியுங்க'

பூஜிதா · பூஜிதா Mon Oct 11, 2010 1:51 pm

First topic message reminder :

சர்வதேச மனநல நாள் நிகழ்ச்சி கோவை மாநகராட்சி மற்றும் ஐ.சி.,சென் டர் பார் கவர்னன்ஸ், கிருஷ்ணா மருத்துவமனை சார்பில், சித்தாபுதூர் மாநகராட்சி பள்ளியில் நடந்தது. மாநகராட்சி துணைக்கமிஷனர் பிரபாகரன் தலைமை வகித்தார். மனநல டாக்டர் ரவிசங்கர் பேசுகையில், ""தான் யார் என்றறியாமல், சட்டையை பிய்த்துக்கொண்டு தலைவிரி கோலத்துடன் ரோட்டில் திரியும் நபரைத்தான் மனநோயாளி என்று தவறாக கருதுகிறோம். எதிர்பார்த்தது கிடைக்காமல் ஏற்படும் ஆதங்கம், பதட்டம், எதிர்மறை எண்ணங்கள் மனநோய்க்கான காரணங்கள். ஒவ்வொரு மனிதனும் சில விஷயங்களால் மனதளவில் பாதிக்கப்படும் போது மனநோய்க்கான அறிகுறி தோன்றும். நிம்மதியான வாழ்க்கை வாழ பள்ளி பருவத்திலேயே பழகிக்கொள்ள வேண்டும். மனதை இறுக்கமாக இல்லாமல் தளர்வாக வைத்துக் கொள்ள வேண்டும். தினமும் சில நிமிடங்களாவது சிரிக்க வேண்டும்,'' என்றார். முதுநிலை டாக்டர் பாலு மாணவ, மாணவியரின் பாலியல் தொடர்பான கேள்விகளுக்கு பதிலளித்தார். இந்நிகழ்ச்சியில் மாநகராட்சி பள்ளிகளைச் சேர்ந்த மாணவ, மாணவியர் பங்கேற்றனர்.