பருவ மாற்றத்தைக் காட்டும் கரையான் புற்றுகள்!

சிவா wrote:நானும் இனிமேல் கரையான் புற்றுகளைக் கவனிக்க ஆரம்பிக்கிறேன்! தகவலுக்கு நன்றி!

இந்த பதிவைத் துவங்கியவர் நன்றி கூறியுள்ளார் ப்ரியா

கார்த்திக் wrote:

கிராமப்புறங்களில், கரையான்கள் உயரமாகக் கட்டியிருக்கும் கரையான் புற்றுகளைக் காணலாம். அந்தக் கரையான் புற்றுகளைக் கொண்டு பருவ மாற்றம், சுற்றுச்சூழல் மாற்றத்தைக் கணிக்கலாம் என்ற புதிய தகவலைக் கூறுகிறார்கள் விஞ்ஞானிகள்.

கார்னகி நிறுவனத்தின் உலக சுற்றுச்சூழலியல் துறை ஆய்வாளர்கள், இதுதொடர்பான ஆய்வை ஆப்பிரிக்காவின் `சவான்னா புல்வெளிகளில்’ மேற்கொண்டனர். அவர்கள் இதற்கென்று வானில் இருந்து படமெடுப்பது, வரைபடங்களை அலசுவது போன்ற நவீன உத்திகளைப் பயன்படுத்தினர். அவற்றின் மூலம், 192 சதுர மைல் பரப்பளவில் அமைந்த 40 ஆயிரத்துக்கும் மேற்பட்ட கரையான் புற்றுகள் ஆய்வு செய்யப்பட்டன.

கரையான் புற்றுகளின் அளவு, அவை ஒரு பகுதியில் அதிகமாக அல்லது குறைவாக அமைந்திருக்கும் விதம் ஆகியவற்றுக்கும், வருடாந்திர மழையளவுடன் இணைந்த தாவரவியல், நில அமைப்பு ஆகியவற்றுக்கும் தொடர்பு இருக்கிறது என்று விஞ்ஞானிகள் கண்டுபிடித்தனர்.

கரையான்கள் அதிக ஈரப்பதமாகவும், அதிக உலர்வாகவும் இல்லாத, எளிதாகத் தண்ணீர் வடியக்கூடிய பகுதியைத் தேர்ந்தெடுத்துத் தங்களின் புற்றுகளை அமைக்கின்றன. அப்படி `சவான்னா’ நிலப்பகுதியில் `சீப்லைன்ஸ்’ எனப்படும் சரிவுகளில் கரையான்கள் அதிகமாகப் புற்றுகளை அமைத்திருந்தன.

கரையான் புற்றுக்கும், இயற்கைச் சூழலுக்கும் நல்ல உறவு உள்ளது. மண்ணியல், நீரியல் போன்றவற்றில் மாற்றங்களைச் சுட்டிக்காட்டுபவையாக புற்றுகளை மாற்றியுள்ளது. கரையான் புற்று உள்ள இடத்தில் எந்த மாதிரியான தாவரம் வளரும், சுற்றுச்சூழலில் என்ன மாற்றம் ஏற்படக்கூடும் என்பதை எல்லாம் புற்றுகள் மூலமே அறிய முடிகிறது என்கின்றனர் விஞ்ஞானிகள்.

இந்த பதிவைத் துவங்கியவர் நன்றி கூறியுள்ளார் இரா.எட்வின்