89,000 தமிழ் பெண்கள் விதவைகளாக தவிப்பு -

கொழும்பு, செப்.30 (டிஎன்எஸ்) இலங்கையில் நடந்த போரில் 89 ஆயிரம் பெண்கள் தங்கள் கணவர்களை இழந்து விதவைகளாகி இருக்கிறார்கள் என்ற தகவல் வெளியாகியுள்ளது. இவர்களில் 49 ஆயிரம் பெண்கள் இலங்கை கிழக்கு மாநிலத்தைச் சேர்ந்தவர் கள். 40 ஆயிரம் பேர் வடக்கு மாநிலத்தைச் சேர்ந்தவர்கள்.

சிங்கள ராணுவத்துக்கும், விடுதலைப்புலிகளுக்கும் இடையே நடந்த இறுதி யுத்தத்தில் ஆயிரக்கணக்கான தமிழர்களை சிங்கள ராணுவம் கொன்று குவித்தது. போருக்குப் பின் அகதிகளாக வாழும் தமிழர்கள் பற்றிய கணக்கெடுப்பு தொண்டு நிறுவனங்களால் நடத்தப்பட்டது

இதில் ஆயிரக்கணக்கான தமிழ்ப்பெண்கள் விதவை களாகி இருப்பது தெரிய வந்தது. இது பற்றிய முழுமையான விவரங்கள் இலங்கையின் வடக்கு, கிழக்கு மாநிலங்களில் சேகரிக்கப்பட்டன.

அதன் விவரம் இலங்கை பாராளுமன்றத்தில் நேற்று (செப்.29) வெளியிடப்பட்டது. இலங்கை பெண்கள் மற்றும் குழந்தைகள் மேம்பாட்டு துறை துணை மந்திரி இஸ் புல்லா கூறியதாவது:-

இலங்கையில் நடந்த போரில் 89 ஆயிரம் பெண்கள் தங்கள் கணவர்களை இழந்து விதவைகளாகி இருக்கிறார் கள். இவர்களில் 49 ஆயிரம் பெண்கள் இலங்கை கிழக்கு மாநிலத்தைச் சேர்ந்தவர்கள். 40 ஆயிரம் பேர் வடக்கு மாநிலத்தைச் சேர்ந்தவர்கள்.

தற்போது மட்டக்களப்பு மாவட்டத்தில் 25 ஆயிரம் விதவைப் பெண்கள் அகதிகளாக இருக்கிறார்கள். இதில் 12 ஆயிரம் பேர் 40 வயதுக்கு குறைவானவர்கள். 8 ஆயிரத்துக்கும் மேற்பட்ட விதவைப் பெண்கள் 3-க்கும் அதிகமாக குழந்தைகளைக் கொண்டவர்கள்.

இவர்களில் யாருக்கும் வருமானம் இல்லை. அதற்கான வழிமுறையும் இல்லை. தினமும் சாப்பிட உணவு இல்லாமல் வேதனைப்படுகிறார்கள். விதவைப் பெண்களுக்கு மறுவாழ்வு அளிப்பதற்கான நடவடிக்கைகளை இலங்கை அதிபர் ராஜபக்சே எடுத்து வருகிறார். இதன் ஒரு கட்டமாக இந்திய அரசின் உதவியுடன் இந்த பெண்களுக்கு சுய தொழில் பயிற்சி அளிக்கப்பட உள்ளது. இவ்வாறு இஸ்புல்லா கூறினார். (டிஎன்எஸ்)

உமா wrote:

பாவம் ....... அக்கா