எனக்குத் தேவை தவறுகள் மட்டுமே !!!

balakarthik · balakarthik Wed 29 Sep 2010 - 21:03

First topic message reminder :

நம் வீட்டுக் குழந்தைகளை நாம்தான் குழந்தையாய் இருக்க விடுவதில்லை. விருந்துக்கு வந்த என்னை நீங்கள் மட்டும் மதித்தால் போதும். அவளேனும் இயல்பாய் இருக்கட்டும்.

என் கன்னங்களில் அவள் விருப்பத்திற்கேற்ப கீறல் வரையட்டும்.வலியில் துடித்து விடமாட்டேன் நான். வேண்டுமென்றால் அன்பின் மிகுதியால் கண்ணீர் வரக்கூடும்.

தன் அறையைச் சுற்றிக்காட்டும் பொருட்டு அழைத்துச் சென்று அவள் ஆசைக் கரடித் தூங்குவதாய் சொல்லி மெளனமாய் என்னை வெளியேற்றட்டும். அப்போதுதான் அவள் மனஅறையில் உட்புக முடியும் என்னால்.

தன் சைக்கிளை என் பாதம் மீது ஏற்றி சத்தம் போட்டு சிரிக்கட்டும். அவளின் சிரிப்புக்கு அப்படியாவது நான் காரணமாய் இருக்கிறேன்.

உணவு உண்ணும்போது, அவள் பள்ளி ஆண்டு விழா புகைப்பட ஆல்பத்தை விரித்து வைத்து விளக்கவுரை நேரம் போக சின்னச்சின்ன இடைவெளிகளில் மட்டும் என்னை உணவுக் கொள்ளச் அனுமதிக்கட்டும்.

உங்கள் வழமைக் கேள்விகளுக்கு என்னைப் பதில் சொல்லவிடாமல் இழுத்துக் கொண்டுப் போய் அவளுக்குத் தெரிந்த பூனைக்கும் முயலுக்கும் அறிமுகம் செய்து வைக்கட்டும்.

அவள் பள்ளியில் கற்ற கதைகளை ஒரு கனவு போலச் சொல்லி என் கண்கள் இரண்டில் ஆச்சரியங்களை எதிர்பார்க்கட்டும்.

அவள் ஏற்படுத்தும் ஓர் அழகிய அழுத்தம் உயிரின் சில திராட்சைகளைப் பிழிந்துக் கொடுக்கிறது. இன்னும் கொஞ்சம் ரசமெடுக்க அனுமதியுங்கள்.

வாழ்க்கையை அவர்களுக்கு கற்றுத் தரப்போவதாக கர்ஜிப்பவர்களே!! நான் அவர்களிடம் தான் வாழக் கற்றுக்கொள்கிறேன்.

'அங்கிள்கிட்ட ஸாரி கேளு" என அதட்டாதீர்கள். அவளுக்கான உங்கள் கீதையை நான் புறப்பட்டதும் நிகழ்த்திக் கொள்ளுங்கள். ஏனெனில் எனக்குத் தேவை உங்கள் குழந்தையின் தவறுகள் மட்டுமே.

குறிப்பு :- நேற்று என் பக்கத்துக்கு அறை சீன குழந்தையுடன் விளையாடும்பொழுது விளையாட்டாக அது வீசிய சாவிகொத்து என் தலையில் பட்டது ஆனால் எனக்கு இதயம் வலித்தது அந்த குழந்தையின் தந்தை அதற்காக அதை அடித்தபொழுது ஆகவே இந்த பதிவு

**உமா** · **உமா** Mon 9 May 2011 - 18:54

எனக்குத் தேவை தவறுகள் மட்டுமே !!! - Page 4 224747944

எனக்குத் தேவை தவறுகள் மட்டுமே !!! - Page 4 440806

balakarthik · balakarthik Mon 9 May 2011 - 19:35

உமா wrote:

உமா இது உனக்காகத்தான் அன்னைக்கி வர்சினி கூட என்ன சேரக்கூடாதுணு சொன்னல அதுக்குத்தான் சிரி

மஞ்சுபாஷிணி · மஞ்சுபாஷிணி Mon 9 May 2011 - 22:37

balakarthik wrote:சிறுவயதில் இருந்தே குழந்தைகள் மீது எனக்கொரு ஈர்ப்பு.எல்லாக் குழந்தைகளும் என்னிடம் எளிதில் ஒட்டிக் கொள்ளும். எங்கள் பாட்டிகூட என்னிடம் ஏதோ காந்த சக்தி இருப்பதாக சொல்வார். பந்தியில் எனக்கு அடுத்து வரிசையாக ஒரு பட்டாளமே அமர்ந்திருக்கும். என் இலையில் வைக்கப்பட்ட எல்லாம் அடுத்தடுத்த இலையில் இருக்கும். சுயபுராணம் போதும் என்கிறீர்களா? ஓக்கே.

நம் வீட்டு பெரியோர்கள் குழந்தை வளர்க்கும் முறையினை பார்க்கும் போதெல்லாம் எனக்கு வருத்தமாக இருக்கும்.டென்னிஸ் பயிற்சி வகுப்பில் ஒருவர் சொன்னார். அவரின் மகனுக்கு இதில் விருப்பமில்லையாம். ஆனால் அவரின் ஆசைக்காக இங்கே சேர்த்திருக்கிறாராம். பெரும்பாலான பெற்றோர்கள் தங்கள் பிள்ளைகளை தங்கள் விருப்பத்தை திணிக்கும் ஒரு கருவியாகத்தான் பார்க்கிறார்கள். இவர்கள் விரும்பும் திரைப்படத்தை பார்க்க செல்வதால் தேவையில்லாமல் அவர்களையும் அந்த படங்களை பார்க்க வைக்கிறார்கள்.

திருமணத்திற்கு சென்றால் தன் வயது பிள்ளைகளோடு ஓடி விளையாடத்தான் எல்லா குழந்தைகளும் விரும்புவார்கள். தங்கள் அந்தஸ்த்தை சபைக்கு பறைசாற்ற ஷெர்வானி, குர்தா என அசெளகரிய ஆடைகள் அணிவித்து அவர்களை அடக்க முயலுவார்கள் பெற்றோர்கள். குழந்தைகளை இயல்பாய் இருக்கும்படி அனுமதிக்கும் பெற்றோர்களை காண்பதே அரிதாகிவிட்டது.

அம்மா பசிக்குது என்று குழந்தைகள் வரும்போது கோலங்களில் மூழ்கிவிட்டு, பத்து மணிக்கு இரண்டு இட்லி போதுமென்னும் குழந்தையை அதட்டி மூன்றாக சாப்பிட வைப்பதை பாசம் என்கிறார்கள். நடைபாதை கடையில் 10 ரூபாய் லாரி பொம்மை கேட்கும் குழந்தையை அழ வைத்து அழைத்து வந்து லேன்ட் மார்க்கில் 350 ரூபாய்க்கு அதற்கு பிடிக்காத பொம்மையை வாங்கித் தந்து, அதையும் வீட்டை விட்டு வெளியே எடுத்து செல்லாதே என கட்டளை வேறு. மீறி எடுத்து போனால் "கேட்டதை விட அதிகமாக வாங்கி தருவதால் பணத்தின் மதிப்பு தெரியல" என்று திட்டு வேறு.

நன்றாக உறங்கிக் கொண்டிருக்கும் குழந்தையை வீட்டிற்கு வரும் உறவினர்கள் அவர்கள் சந்தோஷத்திற்கு எழுப்பிவிட்டு ஏதாவது விளையாடுவது போல் ஆரம்பிப்பார்கள். பிடிக்காமல் அழும் குழந்தையை பெற்றோர்கள் கண்டிப்பதை பார்த்தால் எனக்கு எரிச்சலாய் வரும். குழந்தையை பார்த்துக் கொள்வதாக சொல்லும் அனைவரும் அதன் மூலம் தங்கள் வேண்டியதை செய்கிறார்களே அன்றி குழந்தைக்கு தேவையானதை செய்வதே இல்லை.

இது போதாதென்று வேலை செய்யும் பெற்றோர்களிடையே வளரும் ஈகோ குழந்தைகளை மேலும் கஷ்டப்படுத்துகிறது. அப்பா திட்டினால் அம்மா அரவணைப்பதும் அம்மா அடித்தால் அப்பா அணைப்பதும் வாடிக்கையாகிவிட்டது. குழந்தைக்காக நேரம் ஒதுக்குவதை பெருமையாக நினைக்கிறார்கள். அப்போதும் தங்களுக்கு வசதியான நேரத்தை ஒதுக்குவார்களே அன்றி குழ‌ந்தைக்கு தேவையான நேரத்தில் இருக்க மாட்டர்கள்.

அவர்களை புரிந்துக் கொள்ள நாமும் குழந்தையாக மாற வேண்டும். நொடிக்கு நொடி வேஷம் மாற்ற வேண்டிய உலகத்தில் இருக்கும் நமக்கு இது சாத்தியமாவ‌தில்லை. பெண்களும் வேலைக்கு போவதால் வந்த பிரச்சனையாக எனக்குத் தெரியவில்லை.குழ‌ந்தைகளை பற்றிய பெண்களின் பார்வை மாறிக் கொண்டே வருவதாக தோன்றுகிறது. தொலைக்காட்சிகளாலும், ஆயாக்காளாலும் வளர்க்கப்படும் குழந்தைகள்தான் முதியோர் இல்லத்திற்கான அஸ்திவாரங்கள்.உணர்வார்களா நவீன பெற்றோர்கள்?

பித்தா
பிறைசூடா
சித்தா
சிவன் போக்கா
பாலா
கொக்கா

நீ போட்டிருக்கும் அத்தனை வார்த்தைகளும் நச் நச் நச்னு பெற்றோர்கள் மண்டைல சுத்தியால் அடிப்பது போலவே சரியா தான் போட்டிருக்கே...

பாலா குழந்தைகளை சுதந்திரமா விளையாட விடாம செய்ய தன் இஷ்டப்படி உடை உடுத்தி கஷ்டப்படுத்தி வேலைக்கு போவதால் ஆயாவால் வளர்க்கப்படும் குழந்தைகள் பின்னாடி முதியோர் இல்லத்துக்கு பெற்றோரை விரட்டும் அபாயம் இருப்பதையும் உணரமுடிகிறது பாலா....

எங்க வீட்ல மட்டும் ஒரு ட்விஸ்ட்......
பிள்ளைக தான் என்னை மிரட்டுது.... முழி பிதுங்க வைக்குதுங்க.... என்னை உண்டு இல்லன்னு பண்ணுதுங்க....மொத்தத்தில் ஈசியா என்னை ஏமாத்துதுங்க.... இதுக்கு எதுனா வழி இருக்கா? ரொம்பவே மிரட்டுதுங்கப்பா நண்டு கூட காலைல எழுந்திருன்னு சொன்னா கத்துறான் என்னை..... இனிமே பாலா கிட்ட புடிச்சு கொடுத்துடுவேன்னு சொல்லட்டா? சூப்பருங்க

ஒவ்வொரு வரியுமே எல்லோருமே யோசிக்க வேண்டிய விஷயம் பாலா.... அன்பு நன்றிகள்பா பகிர்வுக்கு.... சூப்பருங்க

கலைவேந்தன் · கலைவேந்தன் Mon 9 May 2011 - 22:53

குழந்தைகளை அவர் போக்கில் விட்டு தடம்புரளாமல் மட்டும் கண்காணித்து வளர்த்தால் சிறப்பார்க்ள்..

சிறந்த பதிவுக்கு நன்றி பாலா..!

அப்துல்லாஹ் · அப்துல்லாஹ் Mon 9 May 2011 - 23:17

பாலா உங்களின் இந்தப் பதிவு உங்கள் மீதான மதிப்பை மேலும் உயர்த்த வழி செய்யும் படைப்பு.

balakarthik · balakarthik Tue 10 May 2011 - 0:57

மஞ்சுபாஷிணி wrote:
பித்தா
பிறைசூடா
சித்தா
சிவன் போக்கா
பாலா
கொக்கா

நீ போட்டிருக்கும் அத்தனை வார்த்தைகளும் நச் நச் நச்னு பெற்றோர்கள் மண்டைல சுத்தியால் அடிப்பது போலவே சரியா தான் போட்டிருக்கே...

பாலா குழந்தைகளை சுதந்திரமா விளையாட விடாம செய்ய தன் இஷ்டப்படி உடை உடுத்தி கஷ்டப்படுத்தி வேலைக்கு போவதால் ஆயாவால் வளர்க்கப்படும் குழந்தைகள் பின்னாடி முதியோர் இல்லத்துக்கு பெற்றோரை விரட்டும் அபாயம் இருப்பதையும் உணரமுடிகிறது பாலா....

எங்க வீட்ல மட்டும் ஒரு ட்விஸ்ட்......
பிள்ளைக தான் என்னை மிரட்டுது.... முழி பிதுங்க வைக்குதுங்க.... என்னை உண்டு இல்லன்னு பண்ணுதுங்க....மொத்தத்தில் ஈசியா என்னை ஏமாத்துதுங்க.... இதுக்கு எதுனா வழி இருக்கா? ரொம்பவே மிரட்டுதுங்கப்பா நண்டு கூட காலைல எழுந்திருன்னு சொன்னா கத்துறான் என்னை..... இனிமே பாலா கிட்ட புடிச்சு கொடுத்துடுவேன்னு சொல்லட்டா?
ஒவ்வொரு வரியுமே எல்லோருமே யோசிக்க வேண்டிய விஷயம் பாலா.... அன்பு நன்றிகள்பா பகிர்வுக்கு....

அக்கா விடுங்க நீங்க ஒரு காமடி பீசுங்கறது அவுங்களுக்கு தெரிஞ்சிருக்கும் அதான் இப்படி சொள்ளுறாங்க சிரி