மனைவியின் தகுதி

கலை wrote:

காத தொலைவு போய்வருவாய்
என்று காத்திருந்த என் கண்களுக்கு
நீ காதலைத் தொலைத்து விட்டு
போனது தெரியாமலே போனது!

விடைகள் சரியாக இருந்தும்
மதிப்பெண் பெறாத விடைத்தாளாய்
காரணம் அறியாமல் பூச்சியமாய்
போனது என் காதல் பரிட்சையும்!

மொத்தக் கவிதைக்கு இந்த முகவரி ஒன்றே போதும் இதன் மகத்துவம் பறைசாற்ற..!

காதலில் மணத்தில் இரண்டிலுமே பெண்களுக்கு என தனிவிலங்கு பூட்டிய சமூகத்தின் கொடுமனதை இயல்பான வரிகளால் வரைந்து இருக்கிறீர்கள்..!

மனைவி ஆகும்முன் காதலியாய் இருக்கும்போது இல்லாத தகுதிக்குறைவு மணம் பேசி பணம்வாங்க எண்ணும்போது மட்டும் எங்கிருந்தோ முளைத்து வந்து குதிக்கும் ஆண்மையை இதனை விட சவுககடி யாரால் தர இயலும்..?

ஆதிராவின் கவிதைகளில் இயல்பாகக்காணும் அழ்கு என்ன என்றால் அது நம் அடுத்து நிற்கும் போது நம்மை இடித்துரைக்கும்... எட்டி நிற்கும் போது நம்மை எச்சரிக்கும்...

சமூகப் புரிந்துணர்வு மிக்க இக்கவிதையை அனைவரினும் இறுதியாக விமரிசனம் செய்யும் ஆவலால் விட்டு வைத்திருந்தேன்.. இன்று வாய்ப்புணர்ந்து மனதாரப் பாராட்டி வாழ்த்திநிற்கிறேன்...!

இன்னும் இது போன்ற சமூகப்பொறியை ஆங்காங்கே தூவிவிடுஙக்ள்... அன்றேல் சமூகம் சிதறிப்போகும்..!

வாழ்த்துகள் ஆதிரா..!

இந்த பதிவைத் துவங்கியவர் நன்றி கூறியுள்ளார் Aathira

Kaa Na Kalyanasundaram wrote:மறுதேர்வு எழுத
காதலிலும் கல்யாணத்திலும்
ஆண்களூக்கு மட்டுமே
அனுமதி உண்டு!
அனுமதி கிடைத்தாலும்
எழுதும் மனநிலையில்
என்றுமே இல்லாத
வறண்ட எழுதுகோலாய்
உலர்ந்த இதயத்துடன்!

.............பெண்மையின் மேன்மை என்னவென்று இந்த வரிகள் சொல்லுகின்றன. மிக நேர்த்தியாக ஆதிரா அவர்கள் இந்த கவிதையை வடித்துள்ளார்கள்.

கவிதை என்பது அடுக்குமொழிகள் மட்டுமே இருப்பதும், சாதாரண செய்திகளை மட்டுமே சொல்லுவதாக இல்லாமல், சமுதாயத்தில் நடக்கும் ஏற்றத் தாழ்வுகளை சுட்டிக் காட்டி இந்த மனிதம் புரிந்துகொள்ளும் வகையில் எடுத்துச் சொல்வது மிகவும் ஏற்புடையது.

இம்மாதிரியான கவிதைகள் மனதைத் தொடுகிறது என்று சொல்வதைவிட மனதைத் தைக்கிறது என்றே சொல்லவேண்டும்.

வாழ்த்துக்கள் ஆதிரா.

அன்புடன், கா.ந.கல்யாணசுந்தரம்.

இந்த பதிவைத் துவங்கியவர் நன்றி கூறியுள்ளார் Aathira