மனைவியின் தகுதி

**Aathira** · **Aathira** Tue Sep 28, 2010 3:16 pm

First topic message reminder :

மனைவியின் தகுதி

நினைவுக் கோப்பை
நிறைந்து வழிகிறது
காதல் ரசத்தால்,
ஏடுகளை நீக்கிவிட்டு
பாலைப் பருகிட நினைக்கிறேன்!
நாவிலும் வாழ்விலும்
கசப்பு மட்டுமே மிஞ்சுகிறது!

காத தொலைவு போய்வருவாய்
என்று காத்திருந்த என் கண்களுக்கு
நீ காதலைத் தொலைத்து விட்டு
போனது தெரியாமலே போனது!

விடைகள் சரியாக இருந்தும்
மதிப்பெண் பெறாத விடைத்தாளாய்
காரணம் அறியாமல் பூச்சியமாய்
போனது என் காதல் பரிட்சையும்!

மனைவியாகும்போது
கட்டாயமாகிவிடும்
காதலிக்குத் தேவையில்லாத
தகுதிகளை
உன் மனைவியின்
சீதனக் கணக்கைப் பார்த்து
புரிந்து கொண்டேன்!

மறுதேர்வு எழுத
காதலிலும் கல்யாணத்திலும்
ஆண்களூக்கு மட்டுமே
அனுமதி உண்டு!
அனுமதி கிடைத்தாலும்
எழுதும் மனநிலையில்
என்றுமே இல்லாத
வறண்ட எழுதுகோலாய்
உலர்ந்த இதயத்துடன்!

ஆதிரா..

**V.Annasamy** · **V.Annasamy** Wed Sep 29, 2010 9:24 am

Aathira wrote:
V.Annasamy wrote:மாற்றங்கள் காண முயலும் இனிய
ஏற்றமிகு காலம் இன்றல்லவா? தோற்றம்
எனில் மறைவு தொடர்வது இயற்கையே..
இனிவரும் நாளில் ஏற்போமே.

ஆம் அண்ணாசாமி.. உண்மை.. அப்படியே நடந்தால மகிழ்வோம்..

**Aathira** · **Aathira** Thu Sep 30, 2010 11:49 pm

தங்கள் கருத்துக்கு மிக்க் நன்றி முபீஸ்.. மனைவியின் தகுதி - Page 4 154550

**Aathira** · **Aathira** Thu Sep 30, 2010 11:51 pm

sathyan wrote:அருமை அருமை மேடம்

மிக்க நன்றி சத்யன் மனைவியின் தகுதி - Page 4 154550

**Aathira** · **Aathira** Thu Sep 30, 2010 11:52 pm

balakarthik wrote:

மிக்க நன்றி பாலா மனைவியின் தகுதி - Page 4 154550

அன்பு தளபதி · அன்பு தளபதி Wed Oct 13, 2010 9:14 pm

இப்பொழுதுதான் கவனித்தேன் மிக அற்புதமாக இருக்கிறது தாமதத்திற்கு மன்னிக்கவும்

புவனா · புவனா Wed Oct 13, 2010 9:25 pm

"மறுதேர்வு எழுத
காதலிலும் கல்யாணத்திலும்
ஆண்களூக்கு மட்டுமே
அனுமதி உண்டு!
அனுமதி கிடைத்தாலும்
எழுதும் மனநிலையில்
என்றுமே இல்லாத
வறண்ட எழுதுகோலாய்
உலர்ந்த இதயத்துடன்!"

உண்மை தான் அக்கா....

மகிழ்ச்சி

அப்புகுட்டி · அப்புகுட்டி Thu Oct 14, 2010 12:17 am

மிகவும் அருமையாக உள்ளது அன்பு அம்மணி அன்பு வாழ்த்துக்கள்.

**Aathira** · **Aathira** Thu Oct 14, 2010 11:41 pm

வழிப்போக்கன் wrote:கவிதைப் புனைவு அருமையாக உள்ளது ஆதிரா அவர்களே! சீதன வரவில் மனம் மகிழும் ஆடவர்க்கான மனநிலையை படம்போட்டுக் காட்டியது... மேலும் தொடருங்கள்.

தங்கள் பாராட்டில் மனம் மகிழ்ந்தேன் பாலன். மிக்க நன்றி. மனைவியின் தகுதி - Page 4 154550

**Aathira** · **Aathira** Thu Oct 14, 2010 11:44 pm

T.N.Balasubramanian wrote:
Aathira wrote:
T.N.Balasubramanian wrote:அக்கா ஆதிராவின்,
அக்மார்க்,
கவிதை வரிகள்.
அருமை.
ரமணீயன்.

என்றும் தங்க்ள் பதிவில் புதிரும் புதுமையும் இழையோடும்..இது என்ன மொழி.. புரியாத புதிர் மொழி.. பாராட்டா? ..குட்டா? இரண்டையும் ஏற்கும் மனத்துடன்..அன்புடன்..

கதை கூறும் நயம், அதை
கவிதை யாக்கி தரும் தரம்,
சுவையான உபமான,உபமேயம்
அவையோர் அனைவரும் படிக்க தகும்.
வேண்டிய அளவே வரிகள்,
வீணடிக்கா வார்த்தைகள்.
ஆதிராவின் "அக்" மார்க்கில் சில.

இன்னும் பல: ஆனாலும்
இன்று இல.
இன்றே கூறிவிட்டால் ,
நாளை கூற எதை தேடுவேன்.
எங்கு ஓடுவேன்.

புதிர் ஒன்றுமில்லை,
உதிர்த்த வார்த்தையில்,
புகழ்ச்சியை அன்றி.
குட்ட முடியுமா?
குட்டும் உயரத்தில் நானில்லை,
எட்டி பிடிக்க முயன்றாலும்,
எட்டா உயரம் உங்கள் உயரம்.

வாழ்வதில் காணும் இன்பத்தை ,
வாழ்த்துவதில் நான் காணுகிறேன்.

வாழ்த்துக்கள் ,ஆதிரா அவர்களே.!

ரமணீயன்

ஐயா இதை அன்பு என்று கூறுவதா.. வாழ்த்தும் ஆர்வம் என்று கூறுவதா? தாங்களின் பாராட்டு எங்களின் நற்பேறு என்று கூறலாம். அதுதான் உண்மை..இத்தனை பாராட்டு மொழி எனக்குத் தகுதியில்லை. ஆனால் தகுதியாக்கிக் கொள்ள முயலுகிறேன்.. மனமார்ந்த நன்றியும் அன்பும்..ஐயா..
மனைவியின் தகுதி - Page 4 678642

கலைவேந்தன் · கலைவேந்தன் Fri Oct 15, 2010 12:23 am

காத தொலைவு போய்வருவாய்
என்று காத்திருந்த என் கண்களுக்கு
நீ காதலைத் தொலைத்து விட்டு
போனது தெரியாமலே போனது!

விடைகள் சரியாக இருந்தும்
மதிப்பெண் பெறாத விடைத்தாளாய்
காரணம் அறியாமல் பூச்சியமாய்
போனது என் காதல் பரிட்சையும்!

மொத்தக் கவிதைக்கு இந்த முகவரி ஒன்றே போதும் இதன் மகத்துவம் பறைசாற்ற..!

காதலில் மணத்தில் இரண்டிலுமே பெண்களுக்கு என தனிவிலங்கு பூட்டிய சமூகத்தின் கொடுமனதை இயல்பான வரிகளால் வரைந்து இருக்கிறீர்கள்..!

மனைவி ஆகும்முன் காதலியாய் இருக்கும்போது இல்லாத தகுதிக்குறைவு மணம் பேசி பணம்வாங்க எண்ணும்போது மட்டும் எங்கிருந்தோ முளைத்து வந்து குதிக்கும் ஆண்மையை இதனை விட சவுககடி யாரால் தர இயலும்..?

ஆதிராவின் கவிதைகளில் இயல்பாகக்காணும் அழ்கு என்ன என்றால் அது நம் அடுத்து நிற்கும் போது நம்மை இடித்துரைக்கும்... எட்டி நிற்கும் போது நம்மை எச்சரிக்கும்...

சமூகப் புரிந்துணர்வு மிக்க இக்கவிதையை அனைவரினும் இறுதியாக விமரிசனம் செய்யும் ஆவலால் விட்டு வைத்திருந்தேன்.. இன்று வாய்ப்புணர்ந்து மனதாரப் பாராட்டி வாழ்த்திநிற்கிறேன்...!

இன்னும் இது போன்ற சமூகப்பொறியை ஆங்காங்கே தூவிவிடுஙக்ள்... அன்றேல் சமூகம் சிதறிப்போகும்..!

வாழ்த்துகள் ஆதிரா..!

Sponsored content · Sponsored content

மனைவியின் தகுதி

மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

Re: மனைவியின் தகுதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக