சுயம் மறந்தவள்

செய்தாலி · செய்தாலி Wed Apr 27, 2011 2:07 pm

First topic message reminder :

பருவம் எய்த பெண்ணவள்
வாகனங்கள் வந்துபோகும்
பேரூந்து நிலையத்தில்
அழுக்கு படிந்த
கிழிந்த சட்டைபாவாடையுடன்

வீதிக் கடைகளில்
கையேந்தி பிச்சைவாங்கி
எச்சி இலைகளில் சோறுண்டு
சுயம்மறந்து சுற்றிவருவாள்

கிழிந்த உடமைகள்வழியே
உடலைப்பார்த்தும் கேலிசெய்தும்
அவளைத் தாண்டிச் செல்பவார்கள்

கையேந்தி நடக்கையில்
அவள் மனிதப் பெண்
என்பதை மறந்து
விலகி ஓடுவார்கள்
ஆண்களும் பெண்களும்

பிரிதொரு நாள்
வீங்கிய வயருமாய்
சினிமா விளம்பரத்தாளில்
தலைசாய்த்து படுத்திருந்தாள்

இந்த பைத்தியத்தியும்
உடல் பசியெடுத்த
காம மிருகங்கள்
இரையாகிட்டாங்களே
கூடி நின்றவர்களில்
யாரோ பேசிக்கொண்டார்கள்

வாழ உதவாதவர்கள்
உபத்திரம் செய்வதாலோ
இன்னும் இறைவன்
மறைந்தே இருக்கிறான்

செய்தாலி.

அப்துல்லாஹ் · அப்துல்லாஹ் Wed Apr 27, 2011 7:03 pm

செய்தாலி
இந்தப்பகிர்வில் காட்சிகளை கண்ணுக்குள் கொண்டு வந்து விட்டீர்கள்
ஏங்குகிறேன் அந்த பேதை பெண்ணுக்கு உதவ
எழுதத்தான் முடிகிறது இப்போது

தொடரட்டும்

கலைவேந்தன் · கலைவேந்தன் Thu Apr 28, 2011 6:42 am

வழிநடையில் சிறுகாட்சிகள் கூட நல்ல கவிஞர்களை பாதிக்கும்.
அதன் காரணமாய் எழும் கவிதைகள் ந்ல்ல கருத்துகளை போதிக்கும்.
நம்மை சிந்திக்கவைத்து வாழ்க்கையை வெற்றிபெறச் சாதிக்கும்.
மனமார்ந்த பாராட்டுக்கள் செய்தாலி நீங்கள் அளித்த நீதிக்கும்..!

கலைவேந்தன் · கலைவேந்தன் Thu Apr 28, 2011 6:46 am

akaleel wrote:செய்தாலி
இந்தப்பகிர்வில் காட்சிகளை கண்ணுக்குள் கொண்டு வந்து விட்டீர்கள்
ஏங்குகிறேன் அந்த பேதை பெண்ணுக்கு உதவ
எழுதத்தான் முடிகிறது இப்போது

தொடரட்டும்

கவிஞர்கள் கோடிட்டுத்தான் காட்டுவார்கள் நண்பரே.. இந்த கவிதையை வாசித்த பின் நீங்கள் அப்படி ஒரு பெண்ணை எங்காவது காணும்போது உங்களால் இயன்ற உதவியாக - அவளை நல்ல ஒரு காப்பகத்தில் கொண்டு சென்று விட்டு வரலாம்.. நீங்கள் அவ்வாறு செய்தீர்களெனில் அது இக்கவிதை எழுதிய செய்தாலிக்கு நீங்க்ள் செய்யும் குரு காணிக்கை... நல்லதொரு வெகுமானம்.

எல்லா கவிஞர்களும் இதைத்தான் எதிர்பார்க்கிறார்கள்.

நன்றி நண்பரே...

ஷீ-நிசி · ஷீ-நிசி Thu Jun 23, 2011 11:20 pm

இறைவன் பயந்தே இருக்கிறான்...

மனிதனின் கண்களில் பட்டுவிட பயந்து!!!!

Sponsored content · Sponsored content

சுயம் மறந்தவள்

சுயம் மறந்தவள்

Re: சுயம் மறந்தவள்

Re: சுயம் மறந்தவள்

Re: சுயம் மறந்தவள்

Re: சுயம் மறந்தவள்

Re: சுயம் மறந்தவள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக