சிங்கப்பூரில் சிறைவாசம் புரியும் மலேசிய இந்தியப் பெண்கள்

ஜாகூரைச் சேர்ந்த இந்திய இளம் பெண்கள் பலர் சிங்கப்பூரில் பல்வேறு குற்றங்களுக்காகத் தண்டிக்கப்பட்டு சிறைவாசம் அனுபவித்து வரும் திடுக்கிடும் தகவல் ஆராயப்பட வேண்டும் என்று சமூக ஆர்வலர் டாக்டர் கே. புருஷோத்தமன் வலியுறுத்தினார்.

சிங்கப்பூரில் சிறைவாசம் அனுபவிக்கும் மலேசிய இந்தியப் பெண்களின் எண்ணிக்கை நாளுக்கு நாள் உயர்ந்து வருவது கவலை தருவதாக உள்ளது என்று குறிப்பிட்ட டாக்டர் புருஷோத்தமன், சிங்கப்பூரில் சிறை வைக்கப் பட்டிருக்கும் மலேசிய இந்தியப் பெண்களின் விவரங்கள் திரட்டப்பட்டு அவர்களுக்கு சட்ட உதவிகள் வழங்குவது தொடர்பில் சம்பந்தப்பட்ட தரப்பினர் ஆவன செய்ய முன்வர வேண்டும் என கேட்டுக் கொண்டார் .

சிங்கப்பூருக்கு வேலைக்குச் செல்லும் இந்தியப் பெண்கள், சிங்கப்பூரில் வேலை செய்யும் மலேசிய ஆடவர்களிடம் காதல் வயப்படுவதைத் தொடர்ந்து, போதைப் பொருள் கடத்தல் உள்ளிட்ட பல்வேறு குற்றச் செயல்களில் இந்திய இளம் பெண்கள் கருவிகளாகப் பயன்படுத்தப்படுவதாக கண்டுபிடிக்கப்பட்டிருக்கிறது என்று தெரிவித்த டாக்டர் புருஷோத்தமன், சிங்கப்பூருக்கு வேலைக்குச் செல்லும் பெண்கள் இத்தகைய மோசடி வலையில் வீழ்ந்திடாமல் விழிப்பாக இருக்க வேண்டும் என்று அறிவுறுத்தினார்.

சென்ற செப்டம்பர் 18 ஆம் நாள் சனிக்கிழமை இங்கு பண்டார் செலேசா ஜெயாவில் உள்ள மதுரை வீரன் கோவில் மண்டபத்தில் மலேசிய இந்து சங்கம் பண்டார் செலேசா ஜெயா கிளை படைத்த யூபிஎஸ்ஆர், பிஎம்ஆர், எஸ்பிஎம், எஸ்டிபிஎம் மாணவர்களுக்கான கல்வி யாகத்தின் நிறைவு விழாவில் டாக்டர் புருஷோத்தமன் நிறைவுரை நிகழ்த்தினார்.

பண்டார் செலேசா ஜெயா வட்டாரப் பிள்ளைகளை வன்முறைப் பாதைகளில் செல்லாமல் தடுத்து அவர்களை நன்னெறி வழிக்கு திருப்புவதில் பண்டார் செலேசா ஜெயா மலேசிய இந்து சங்கடம் ஆற்றிவரும் பங்களிப்பு மகத்தானது என்று குறிப்பிட்ட டாக்டர் புருஷோத்தமன் மலேசிய இந்து சங்கம் பண்டார் செலேசா ஜெயா கிளைத் தலைவி திருமதி எம். சுபத்ராவின், சமய சமூகச் சேவைகளை பெரிதும் பாராட்டினார்.

மகாகவி பாரதியார் பாடியதைப் போன்று இந்திய மகளிர் சமுதாயம் கல்விக்கு முன்னுரிமை கொடுத்து செயல்பட வேண்டும்.

மகளிர் சமுதாயம் கல்வி என்னும் கருவியைப் பயன்படுத்தி வாழ்க்கையில் முன்னேற நினைத்தால் வாழ்க்கையில் தனித்திருந்தாலும் யாருக்கும் அஞ்ச வேண்டியதில்லை. யாரையும் நம்பியிருக்க வேண்டிய அவசியமில்லை. வாழ்க்கையில் உயர்வு காண்பதற்கு கல்வி மிகச் சிறந்த ஊன்று கோலாக அமையும்.

பிள்ளைகள் சமயத்தில் ஈடுபாடு காட்டுவதற்கு பெற்றோர்கள் ஊக்கமளிக்க வேண்டும்.

சமயத்தில் உறைந்திருப்பவர்கள் வாழ்க்கையில் உன்னதம் வெறுவதற்கு வழி உண்டாகும் என்றால் மிகையல்ல.

பிள்ளைகள் தீய சகவாசத்தால் வன்முறைக்குச் செல்லாமல் தடுப்பதற்கு சமயம் கவசமாகத் திகழ வேண்டும் என்று டாக்டர் புருஷோத்தமன்ஆற்றிய உரை மண்டபத்தில் நிரம்பியிருந்த கூட்டத்தில் பலத்த கைத்தட்டலைப் பெற்றது குறிப்பிடத் தக்கது.

பினாங்கைச் சேர்ந்த தன் முனைப்புப் பேச்சாளர் திருமதி வி. சாந்தி ஆற்றிய மகளிர் தன்முனைப்பு உரை மிகப்பெரிய வரவேற்பைப் பெற்றது.

மதுரை வீரன் ஆலய ஆலோசகர் டத்தோ எஸ். மோகன், பண்டர் செலேசா ஈராயிரம் வெள்ளி நன்கொடை வழங்கி சிறப்பித்தார்.

இடைநிலைப் பள்ளி ஆசிரியர் இரா. கிருஷ்ணன், கோவில் செயலாளர் கே. ராஜேந்திரன் ஆகியோரும் கலந்து கொண்டு மெருகூட்டிய இந்நிகழ்வில் இலவசமாக வழங்கப்பட்ட பல்வேறு தொழில் பயிற்சிகளில் பெண்கள் ஆர்வத்துடன் பங்கேற்று பயனடைந்தனர்

வருந்தத்தக்க செய்தி