முட்டை உண்டால் மரணம் நெருங்கும்

முட்டை மீது அலாதி விருப்பம் கொண்டிருக்கிறீர்களா ? தினமும் முட்டை சாப்பிடவேண்டும் போலிருக்கிறதா ? உங்களுக்கு ஒரு அதிர்ச்சி வைத்தியம் தருவதற்காகவே வந்திருக்கிறது அமெரிக்க ஆய்வு ஒன்று.

வாரம் ஏழு முட்டைகள் அல்லது அதற்கு மேல் உண்பவர்களுக்கு மரணம் விரைவிலேயே வரும் வாய்ப்பு 23 விழுக்காடு அதிகரிக்கும் என்பதே அந்த ஆய்வு!

அதிலும் குறிப்பாக நடுத்தர வயதுடையவர்கள் இந்த எல்லையைத் தாண்டி முட்டையை உட்கொண்டால் ஆபத்து அதிகமாம்.

நீரிழிவு நோயாளிகள் எனில் முட்டையின் பக்கம் பார்வையைக் கூட திருப்பக் கூடாதாம். அவர்கள் ஒரு முட்டை சாப்பிட்டாலும் அது அவர்களுக்கு இன்னலை உண்டாக்கி விடக் கூடும். விரைவில் மரணமடையும் வாய்ப்பு 50 விழுக்காடு அதிகரிக்கும். இப்படி அடுக்கடுக்காய் சொல்லி முட்டை பிரியர்களின் விருப்பத்துக்கு முட்டுக் கட்டை போட்டிருக்கின்றனர் ஆராய்ச்சியாளர்கள்.

இதய நோய், வலிப்பு போன்ற பல நோய்களை இந்த “அதிக முட்டை உண்ணும் பழக்கம்” இழுத்துக் கொண்டு வந்து நமது உடலுக்குள் புகுத்தி விடுகிறது. முட்டையில் காணப்படும் அதிகப்படியான கொழுப்புச் சத்து இதன் காரணமாய் இருக்கலாம் எனத் தெரிகிறது.

இந்த ஆய்வை நிகழ்த்திய ஹார்வேர்ட் குழுவினர் சுமார் இருபத்து ஏழு ஆண்டுகளாக, இருபதாயிரத்துக்கும் மேற்பட்ட நபர்களை ஆய்வு செய்து இந்த முடிவை எட்டியிருக்கின்றனர்.

இதய நோய்க்கும் முட்டைக்கும் இடையே நிரூபிக்கப்பட்ட தொடர்பு ஏதும் இல்லையென்றாலும் இருபது ஆண்டு இடைவெளியில் அதிக முட்டை சாப்பிட்டவர்களில் 23 விழுக்காட்டினர் மரணமடைந்திருக்கிறார்கள் என்பது முட்டை உணவின் பாதுகாப்பற்ற தன்மையை விளக்குகிறது..

எனினும் அதிகபட்சமாக ஆறு முட்டைகள் வரை உண்பது கெடுதலை ஏற்படுத்துவதில்லையாம். முட்டையும் எல்லா உணவு வகைகளையும் போன்றதே ! மிக நன்று எனவோ, மிகவும் கெடுதல் எனவோ தெளிவான நிர்ணயம் செய்ய முடியாது எனவும் அவர்கள் தங்கள் ஆய்வில் தெரிவித்திருக்கின்றனர்.

முட்டை மீதான இந்த ஆராய்ச்சி “அளவோடு உண்டு வளமோடு வாழ” நம்மை எச்சரிக்கிறது.

முட்டை என்றால் முட்டையின் மஞ்சள் கருவில்தான் இவ்வளவு ஆபத்தும் உள்ளது! நூறு சதவீதம் கொழுப்பைக் கொண்டது இந்த மஞ்சள் கரு! முட்டையின் வெள்ளைக் கருவில் புரதம் மட்டுமே உள்ளதால் உடலுக்கு நல்லது!

முட்டை நல்லது என்ற கட்டுரை .இப்போது இப்படி ,ஆஹா

சிவா wrote:முட்டை என்றால் முட்டையின் மஞ்சள் கருவில்தான் இவ்வளவு ஆபத்தும் உள்ளது! நூறு சதவீதம் கொழுப்பைக் கொண்டது இந்த மஞ்சள் கரு! முட்டையின் வெள்ளைக் கருவில் புரதம் மட்டுமே உள்ளதால் உடலுக்கு நல்லது!

முதல் பதிவுல சாப்பிட சொல்லிட்து இப்ப இப்படி சொல்ற நண்பா ?

அவசியமான தகவல் தான் ,

முட்டை சாப்பிட்டால் உடல் எடை குறையும்னு நீங்க சொன்ன தகவலுக்கு எல்லோரும் அதிகமாக எடுத்துக்கொண்டால் நிலை என்ன ஆகும்.

kalaimoon70 wrote:முட்டை நல்லது என்ற கட்டுரை .இப்போது இப்படி ,ஆஹா

முட்டை நல்லது என்பது இப்போது ஆராய்ச்சி .

முட்டை கெட்டது என்பது 2 வருடங்களுக்கு முன்பு நடந்த ஆராய்ச்சி ..

அளவுக்கு மிஞ்சினால் அமுதமும் நச்சுதான் ...

மீனா wrote:அவசியமான தகவல் தான் ,

முட்டை சாப்பிட்டால் உடல் எடை குறையும்னு நீங்க சொன்ன தகவலுக்கு எல்லோரும் அதிகமாக எடுத்துக்கொண்டால் நிலை என்ன ஆகும்.

அப்ப யாருமே உடல் கட்டு பாட்டில் இல்லையா ?

அந்த பிரச்சனை வரகூடாது என்பதற்காக தான் இதையும் பதிவு செய்தேன் ...

karthikharis wrote:

மீனா wrote:அவசியமான தகவல் தான் ,

முட்டை சாப்பிட்டால் உடல் எடை குறையும்னு நீங்க சொன்ன தகவலுக்கு எல்லோரும் அதிகமாக எடுத்துக்கொண்டால் நிலை என்ன ஆகும்.

அப்ப யாருமே உடல் கட்டு பாட்டில் இல்லையா ?

அந்த பிரச்சனை வரகூடாது என்பதற்காக தான் இதையும் பதிவு செய்தேன் ...

நல்ல வேலப்பா நான் Veg

எனக்கு பிரச்னை இல்ல