கடனுக்கு கவிதைகள்

அன்பு தளபதி · அன்பு தளபதி Fri 3 Sep 2010 - 0:07

பாக்கியை கொடுத்துட்டு
பலசரக்கு வாங்கலாமென
கடைக்காரர் சொன்னதை
சொன்னேன் அம்மாவிடம்.

சொல்லவில்லை அவளிடம்
புறப்படும்போது
கடைக்காரர் அள்ளி வைத்த
உள்ளங்கை சர்க்கரையை.

எதுக்கெடுத்தாலும்
அழுகிறாள், அடிக்கிறாள்
அம்மா இப்போ.

****

கூட்டிக்கூட்டிப் பார்த்தேன்
குறையக்காணோம் கடன்.
கடனோடு கவலையும் சேர்ந்தது.
கூட்டலுக்கு முன்
கடன் மட்டுமே இருந்தது.

****

காசை வச்சுட்டு
மறு சோலியை பாரு
என்பவரிடம் வாங்கியாவது
பரவால்லைடா இருக்கும் போது தா
என்பவனுக்கு தர வேணும்
இந்த மாதமாவது.

****

இந்த சம்பளத்தில்
எப்படியும் திருப்பலாம்
என தொட தயாரானான்.
தண்ணில எழுத வேண்டியதுதான்
என தர தயாரானாள்.
வேறு வழி இன்றி
வாழ்ந்து கொண்டிருந்தது
அதே தாம்பத்யம்.

****

"ராஜாராம், புனர்பூச நட்சத்திரம்"
அர்ச்சனை தட்டில் கை வைத்த யாரோ அவள்
எல்லோரும் கேட்க்கும்படி
சொல்லிக்கொண்டிருந்தாள்.
கடன் வாங்கியே பழகிய நான்
கடவுளுக்கு மட்டும் கேட்க்கும்படி
சொல்லிக்கொண்டேன்.
"அவிட்ட நட்சத்திரம்"

நன்றி பா.ரா கவிதைகள் வலைப்பூ

மஞ்சுபாஷிணி · மஞ்சுபாஷிணி Fri 3 Sep 2010 - 0:47

கடனுக்கு தரமாட்டேன் என்று மளிகைக்கடைக்காரர் சொன்னாலும் நம் வாடிக்கையாளரை விட்டுவிட மனமில்லாமல் தந்த உள்ளங்கை சர்க்கரையும் ஒரு சுயலாபமே......

என்றாவது தீர்த்துவிடுவான் கடன் என்று நம்பிக்கையோடு காத்திருக்காமல் காசை வெச்சிட்டு மறுசோலி பாருன்னு சொல்ற கறார் மனிதனிடமே மறுபடி காசை வாங்கி..... பரவாயில்ல உனக்கு எப்ப முடியுதோ அப்ப கொடுன்னு சொல்லும் அந்த நல்ல மனசை காக்க வைக்க மனமில்லாமல் துடிக்கும் மனதை சொல்லும் வரிகள்......

தண்ணீரில் எழுதிய கோலமாய் தன் செலவுகள் அவசியம் என்றாலும் பார்த்துக்கொள்ளமுடியாத அளவு கடன் கழுத்தை நெரிக்கும்போது மனைவியும் அதை ஒரு அலுப்பாய் எடுத்துக்கொள்ளாமல் என்றும் இது தானே தொடர்கிறது என்ற ஆயாசம்........

கடன்களை கட்டி மாளாதப்படியால் கோவிலுக்கு போனாலும் யாரோ பெயருடன் தன் பெயர் ஒத்துப்போவதால் தன் நட்சத்திரம் மட்டும் யாரும் அறியாதவாறு இறைவன் காதில் விழுமாறு சொல்லும் நடுத்தர குடும்பத்தினரின் அல்லல்களை கண்ணுக்கு முன் கொண்டு வந்த கவிதை பகர்ந்தமைக்கு அன்பு நன்றிகள் மணி.....

அன்பு தளபதி · அன்பு தளபதி Fri 3 Sep 2010 - 0:49

மஞ்சுபாஷிணி wrote:கடனுக்கு தரமாட்டேன் என்று மளிகைக்கடைக்காரர் சொன்னாலும் நம் வாடிக்கையாளரை விட்டுவிட மனமில்லாமல் தந்த உள்ளங்கை சர்க்கரையும் ஒரு சுயலாபமே......

என்றாவது தீர்த்துவிடுவான் கடன் என்று நம்பிக்கையோடு காத்திருக்காமல் காசை வெச்சிட்டு மறுசோலி பாருன்னு சொல்ற கறார் மனிதனிடமே மறுபடி காசை வாங்கி..... பரவாயில்ல உனக்கு எப்ப முடியுதோ அப்ப கொடுன்னு சொல்லும் அந்த நல்ல மனசை காக்க வைக்க மனமில்லாமல் துடிக்கும் மனதை சொல்லும் வரிகள்......

தண்ணீரில் எழுதிய கோலமாய் தன் செலவுகள் அவசியம் என்றாலும் பார்த்துக்கொள்ளமுடியாத அளவு கடன் கழுத்தை நெரிக்கும்போது மனைவியும் அதை ஒரு அலுப்பாய் எடுத்துக்கொள்ளாமல் என்றும் இது தானே தொடர்கிறது என்ற ஆயாசம்........

கடன்களை கட்டி மாளாதப்படியால் கோவிலுக்கு போனாலும் யாரோ பெயருடன் தன் பெயர் ஒத்துப்போவதால் தன் நட்சத்திரம் மட்டும் யாரும் அறியாதவாறு இறைவன் காதில் விழுமாறு சொல்லும் நடுத்தர குடும்பத்தினரின் அல்லல்களை கண்ணுக்கு முன் கொண்டு வந்த கவிதை பகர்ந்தமைக்கு அன்பு நன்றிகள் மணி.....

Sponsored content · Sponsored content

கடனுக்கு கவிதைகள்

கடனுக்கு கவிதைகள்

Re: கடனுக்கு கவிதைகள்

Re: கடனுக்கு கவிதைகள்

Re: கடனுக்கு கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக