கொய்த தலையில் காணும் புன்னகை...

அன்பு தளபதி · அன்பு தளபதி Thu Sep 02, 2010 10:16 pm

உடலிலிருந்து தலை பிரிக்கப்பட்ட
சடலத்துக்கு இரட்டை மரணம்.
உடலுக்கு ஒன்று
தலைக்கு ஒன்றென.

அறுத்துச் சிரம் துணிக்கும்
பொருட்கள் யாவும் விளிம்பில்
வெள்ளிப் பளபளப்பைக் கொண்டே
இருக்கின்றன.

நெடுக்கேகும் பாதையில்
திடீரென நேர்வந்து கீறிய -
கூர்மை நடுக்குறச் செய்யும்
கணத்திற்குச் சற்றே முந்தைய
சடுதியில்
உடல் உணர்ந்ததென்ன?
தலை நினைத்ததென்ன?

வெட்டுண்ட உடல்
உள்ளிருந்த உயிர்ப்பால்
துடிக்கும்போது தலை
வீச்சின் திராணியை
அச்சாய்க்கொண்டே
திரண்டுருள்கிறது.

தவறிய அதிசயமாய்த் தலைமேல்
தேங்கிவிட்டது ஒரு புன்னகை....
அது எதன் அபத்தத்தை உணர்த்தக் கூடும்?
வாழ்வின் அபத்தம்
அல்லது
மரணத்தின்
அபத்தமல்லது சாசுவதம் .

மூளைச் செய்திகள் ஸ்தம்பித்துவிட
இமை மூட மறந்த தலை
விழிமணியில் காணும் பிம்பம்
ஒவ்வொன்றையும் கனவாகவே
காணுகிறது.

பகிராக் கனவு... பதியாக் கனவு.

நன்றி சிவகன்னிவெடி வலைப்பூ

மஞ்சுபாஷிணி · மஞ்சுபாஷிணி Thu Sep 02, 2010 10:28 pm

ஹப்பா என்ன ஒரு சிந்தனை.....

ஆழ்ந்த மன வெளிபாடா இப்படி ஒரு கவிதை??

இரண்டான மரணத்துக்கு மனிதன் சாவது ஒரு முறை ஒரே ஒரு முறை.....

நிலைத்துவிட்ட புன்னகையுடன் தலை தனியே
பதிந்துவிட்ட உயிர்துடிப்புடன் உடல் தனியே.....

கனவுகளும் சிதைந்தனவோ இப்படி இரண்டாய் நான்காய் சிதறல்களாய் இப்படி கவி எழுதும் வரிகளாய்.....

மணி உனக்கு பிடித்த வரிகள் என்று எமக்கும் தந்தமைக்கு அன்பு நன்றிகள்பா....

அன்பு தளபதி · அன்பு தளபதி Thu Sep 02, 2010 10:31 pm

மஞ்சுபாஷிணி wrote:ஹப்பா என்ன ஒரு சிந்தனை.....

ஆழ்ந்த மன வெளிபாடா இப்படி ஒரு கவிதை??

இரண்டான மரணத்துக்கு மனிதன் சாவது ஒரு முறை ஒரே ஒரு முறை.....

நிலைத்துவிட்ட புன்னகையுடன் தலை தனியே
பதிந்துவிட்ட உயிர்துடிப்புடன் உடல் தனியே.....

கனவுகளும் சிதைந்தனவோ இப்படி இரண்டாய் நான்காய் சிதறல்களாய் இப்படி கவி எழுதும் வரிகளாய்.....

மணி உனக்கு பிடித்த வரிகள் என்று எமக்கும் தந்தமைக்கு அன்பு நன்றிகள்பா....

இந்த பாராட்டுகள் குளிர்ந்த நீரென இறங்குகிறது இதயத்தில்