பேருந்தை கடத்தி துப்பாக்கி முனையில் மிரட்டல்

ரபீக் · ரபீக் Tue Aug 24, 2010 11:29 am

பிலிப்பைன்ஸ் நாட்டில் வெளிநாட்டு சுற்றுலாப் பயணிகள் பயணித்த பேருந்தை, பணிஇடை நீக்கம் செய்யப்பட்ட காவல்துறை அதிகாரி ஒருவர் கடத்தி,மிரட்டி வருவதால் பரபரப்பு ஏற்பட்டுள்ளது.
பிலிப்பைன்ஸ் நாட்டின் தலைநகரான மணிலாவின் மத்தியப் பகுதியில் லுனாட்டா என்ற இடத்தில் வெளிநாட்டு சுற்றுலாப் பயணிகள் பேருந்து ஒன்று சென்று கொண்டிருந்தது. துப்பாக்கி முனையில் பேருந்தை கடத்திய ஒருவர், தன்னுடைய கோரிக்கைகளை நிறைவேற்றாவிட்டால் பயணிகளை சுட்டுக் கொன்று விடுவேன் என மிரட்டி வருகிறார்.

சாலையில் நடுவில் நிறுத்தி வைக்கப்பட்டுள்ள கடத்தல் பேருந்தை சுற்றிலும் போலீசார் குவிக்கப்பட்டுள்ளனர். பேருந்தில் 25 பயணிகள் வரை இருப்பதாகவும், அதில் பெண்கள் குழந்தைகள் உள்ளிட்ட 8 பேர் விடுவிக்கப்பட்டிருப்பதாகவும் கூறப்படுகிறது. பேருந்தில் இருப்பவர்கள் ஹாங்காங் நகரைச் சேர்ந்தவர்கள் என்றும் கூறப்படுகிறது.

மெண்டோஷா என்ற நபர் பேருந்தை கடத்தியதாகத் தெரியவந்துள்ளது. காவல்துறையில் ஆய்வாளராக இருந்த இவர் சிறிது காலத்திற்கு முன் பணிஇடை நீக்கம் செய்யப்பட்டுள்ளார். தேவையில்லாமல் தன்மீது போடப்பட்ட வழக்குகளை திரும்பப் பெற வேண்டும் என்பதை வலியிறுத்தியே இவர் பேருந்தைக் கடத்தியதாகவும் தெரிய வந்துள்ளது.

கடத்தல்காரன் கொடுத்த மதியம் 3 மணி வரையிலான கெடுவும் முடிந்து விட்டதால் என்ன செய்வது என்று புரியாமல் பிலிப்பைன்ஸ் போலீசார் பரிதவித்து வருகின்றனர். அதிரடியாக நடவடிக்கை எடுத்தால் கடத்தல்காரன் பயணிகளை சுட்டுவிட்டால் என்ன செய்வது என்று அவர்கள் தயக்கம் காட்டி வருகின்றனர்.
நன்றி தட்ஸ்தமிழ்

**பிளேடு பக்கிரி** · 01/03/2010

ரபீக் இந்த ஐடியா நல்லா இருக்கே ஜாலி

பேருந்தை கடத்தி துப்பாக்கி முனையில் மிரட்டல்

பேருந்தை கடத்தி துப்பாக்கி முனையில் மிரட்டல்

Re: பேருந்தை கடத்தி துப்பாக்கி முனையில் மிரட்டல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக