துப்பாக்கி முனையில் 2 பெண்களால் இளைஞர் கற்பழிப்பு!

**krishnaamma** · **krishnaamma** Thu Sep 18, 2014 9:27 pm

தென் ஆப்பிரிக்கா கெட்ல்ஹாங்கை சேர்ந்த 29 வயதுடைய இளைஞர் ஒருவர் சாலை வழியாக நடந்து வீடு திரும்பி கொண்டிருந்தார். அப்போது கார் ஒன்று அவர் அருகில் நிறுத்தப்பட்டு அதிலிருந்து பெண் ஒருவர் வழி கேட்டுள்ளார் .அப்போது எதிர்பாராத வகையில் காரின் பின்கதவு திறக்கப்பட்டு உள்ளே இழுத்து போடப்பட்டார். பின்னர் கார் பூங்கா அருகில் நிறுத்தப்பட்டு 2 பெண்களால் கற்பழிக்கபட்டுள்ளார்.

இது குறித்து பாதிக்கப்பட்ட அந்த இளைஞர் கூறுகையில் , காரினுல் 30 வயதுக்குட்பட்ட 3 பெண்கள் இருந்தனர் அதில் ஒருவர் துப்பாக்கியுடன் இருந்தார். பின்னர் கார் பூங்கா அருகே நிறுத்தப்பட்டது . குண்டாக இருந்த ஒரு பெண் எனது உடையை களைய வைத்து துப்பாக்கி காட்டி குறி வைத்து மிரட்டியபடி இருக்க மற்ற இரு பெண்களும் என்னை கற்பழித்தனர் என்றார்.

இது குறித்து கேட்ல்ஹாங் காவல்துறை அதிகாரி கேப்டன் மெகா நோடுபே கூறுகையில், இது போன்ற சம்பவம் ஏற்கெனவே நடைபெற்றுள்ளதாகவும் அப்போது சம்பவத்தில் ஈடுபட்ட பெண்கள் போதை பொருளை உட்கொண்டிருந்தனர் என விசாரணையில் தெரிய வந்தது எனவும் இப்போது இச்சம்பவம் குறித்து தீவிர விசாரணை மேற்கொள்ளப்பட்டுள்ளதாக தெரிவித்தார். கற்பழிக்கப்பட்ட இளைஞர் எய்ட்ஸ் பாதிப்புக்குள்ளாகியுள்ளாரா என மருத்துவ பரிசோதனை செய்யப்பட்டது.

நன்றி : தினகரன்