ஸீ 50,000 லஞ்சம் வாங்கிய வன ரேஞ்சர் சிக்கினார்

நவீன் · நவீன் Thu Aug 19, 2010 6:16 pm

கோவை : கோவை மத்வராயபுரத்தை சேர்ந்தவர் ஆறுச்சாமி. வனத்துறை அனுமதியுடன் தனது 6 ஏக்கர் நிலத்தில் தேக்கு மரம் வளர்த்தார். மரத்தை வெட்டி விற்க ‘தடையின்மை சான்று’ பெற போளுவாம்பட்டி வனத்துறை அலுவலகத்தில் விண்ணப்பித்தார். ரேஞ்சர் செல்லையா விஜயகுமார்(56), அந்த சான்றிதழ் வழங்காமல் மூன்று மாதமாக இழுத்தடித்தார். தனக்கு ஸீ50 ஆயிரம் லஞ்சம் கொடுத்தால், தடையின்மை சான்றிதழ் தருவதாக ஆறுச்சாமியிடம் செல்லையா விஜயகுமார் கேட்டார். லஞ்சத்தில் முதல் தவணையாக, ஸீ20 ஆயிரம் கொடுத்துவிட்டு 2 லோடு மரம் வெட்டிக்கொள்ளலாம் என்றும் கூறினார். ஆறுச்சாமி ஸீ20 ஆயிரம் கொடுத்துவிட்டு 2 லாரிகளில் மரம் வெட்டி அனுப்பினார். மீதமுள்ள மரங்களை வெட்ட ஸீ30 ஆயிரம் தரவேண்டும் என்று செல்லையா விஜயகுமார் கறாராக கூறிவிட்டார். இதையடுத்து ஆறுச்சாமி கோவை லஞ்ச ஒழிப்பு போலீசில் புகார்செய்தார்.கணபதி போலீஸ் குடியிருப்பில் உள்ள செல்லையா விஜயகுமார் வீட்டிற்கு நேற்று காலை சென்ற ஆறுச்சாமி, அவரிடம் ரசாயனம் தடவிய ரூபாய் நோட்டுகளை கொடுத்தார். அப்போது வீட்டுக்கு வெளியே காத்திருந்த லஞ்ச ஒழிப்பு போலீசார் செல்லையா விஜயகுமாரை கையும், களவுமாக பிடித்து கைது செய்தனர். செல்லையா விஜயகுமார், இதற்கு முன்பு நீலகிரி மாவட்டத்தில் பணி புரிந்தார். அங்கு, முறைகேட்டில் ஈடுபட்டதாகக் கூறி கோவைக்கு மாற்றப்பட்டார்.

**Dr.S.Soundarapandian** · **Dr.S.Soundarapandian** Wed Feb 14, 2024 2:54 pm

இந்த ரேஞ்சுக்கு வன ரேஞ்சர் லஞ்சம் வாங்கினால் , நாடு எப்படி முன்னேறும் ? சுட்டுத்தள்ளூ!

ஸீ 50,000 லஞ்சம் வாங்கிய வன ரேஞ்சர் சிக்கினார்

ஸீ 50,000 லஞ்சம் வாங்கிய வன ரேஞ்சர் சிக்கினார்

Re: ஸீ 50,000 லஞ்சம் வாங்கிய வன ரேஞ்சர் சிக்கினார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக