ரந்தீவுக்கு தடை-தில்ஷனுக்கு அபராதம்-சங்கக்காராவுக்கு 'வார்னிங்'!

ரபீக் · ரபீக் Thu 19 Aug 2010 - 17:30

வீரேந்திர ஷேவாக் சதம் அடித்து விடக் கூடாது என்பதற்காக வேண்டும் என்றே நோ பால் போட்டு அசிங்கமாக நடந்து கொண்ட இலங்கை பந்து வீச்சாளர் சூரஜ் ரந்தீவுக்கு இலங்கை கிரிக்கெட் வாரியம் ஒரு போட்டியில் விளையாட தடை விதித்துள்ளது. அதேபோலுக்கு இந்த அருமையான யோசனையைக் கொடுத்த தில்ஷனுக்கு அபராதம் விதிக்கப்பட்டுள்ளது.

இவர்கள் இருவரும் இப்படி கிரிக்கெட்டை கேலிக் கூத்தாக்கியதைக் கண்டுகொள்ளாமல் விட்ட கேப்டன் சங்கக்காராவுக்கு எச்சரிக்கை விடுக்கப்பட்டது.

ஐசிசி உள்ளே புகுந்து கடுமையான நடவடிக்கை எடுத்து விடாமல் தடுக்கும் நோக்கிலேயே தானாக ஒரு அவசர விசாரணையை மேற்கொண்டு வேகம் வேகமாக ஒரு சின்னத் தண்டனையை கொடுத்து பிரச்சினையை முடித்துள்ளது இலங்கை கிரிக்கெட் வாரியம் எனத் தெரிகிறது.

தம்புல்லாவில் நடந்த ஒரு நாள் போட்டியில் 99 ரன்களுடன் ஷேவாக் இருந்தபோது வேண்டும் என்றே நோ பால் போட்டார் ரந்தீவ். அவரை அவ்வாறு போடும்படி தூண்டியவர் தில்ஷன். இதைக் கண்டும் காணாதது போல இருந்தார் சங்கக்காரா. மற்ற வீரர்களும் இதற்கு உடந்தை.

இது பெரும் சர்ச்சையைக் கிளப்பியது. ஐசிசியும் இதில் தலையிட்டு விசாரிக்கலாம் என்ற சூழல் உருவானது. இதையடுத்து வேகம் வேகமாக ஒரு விசாரணையை நடத்திய இலங்கை கிரிக்கெட் வாரியம் ரந்தீவுக்கு ஒரு போட்டியில் ஆடத் தடை மற்றும் போட்டிக் கட்டணம் அபராதம், தில்ஷனுக்கு போட்டிக் கட்டணம் அபராதம், சங்கக்காராவுக்கு ஒரு எச்சரிக்கை என
கமுக்கமாக முடித்துக் கொண்டுள்ளது.

இனிமேல் இதுபோல நடக்காமல் பார்த்துக் கொள்ள வேண்டும் என சங்கக்காரா எச்சரிக்கப்பட்டுள்ளாராம்.

இலங்கையின் இந்த அதிரடி நடவடிக்கைக்கு ஐசிசியும் பாராட்டு தெரிவித்துள்ளது.

நன்றி தட்ஸ்தமிழ்

தமிழ்ப்ரியன் விஜி · 26/06/2009

ஈழத்தின் மீதான இறுதிப்போரை அதன் அழிவைப் பற்றியெல்லாம் தேசிய விவாதம் நடத்தாத இந்திய ஊடகங்கள் இந்த நோ பால் பிரச்சனை பற்றி மட்டும் முக்கியத்துவம் கொடுப்பது ஏன்?

புவனா · புவனா Thu 19 Aug 2010 - 18:20

ஈழத்தின் மீதான இறுதிப்போரை அதன் அழிவைப் பற்றியெல்லாம் தேசிய விவாதம் நடத்தாத இந்திய ஊடகங்கள் இந்த நோ பால் பிரச்சனை பற்றி மட்டும் முக்கியத்துவம் கொடுப்பது ஏன்?

அருமையான கேள்வி...

நவீன் · நவீன் Thu 19 Aug 2010 - 18:32

தமிழ் · தமிழ் Thu 19 Aug 2010 - 18:40

sathikdm · sathikdm Fri 20 Aug 2010 - 0:33

பெரியதாய் கொடுப்பார்கள் என்று எதிர் பார்த்தேன்.கடைசியில் இப்படி டம்மியாக்கிவிட்டார்களே.....

**ராஜா** · **ராஜா** Fri 20 Aug 2010 - 1:37

bhuvi wrote:ஈழத்தின் மீதான இறுதிப்போரை அதன் அழிவைப் பற்றியெல்லாம் தேசிய விவாதம் நடத்தாத இந்திய ஊடகங்கள் இந்த நோ பால் பிரச்சனை பற்றி மட்டும் முக்கியத்துவம் கொடுப்பது ஏன்?

அருமையான கேள்வி...

அருமையான கேள்வி... ரந்தீவுக்கு தடை-தில்ஷனுக்கு அபராதம்-சங்கக்காராவுக்கு 'வார்னிங்'! 678642