அரசியலில் குதிக்கிறார் மலையாள நடிகர் திலகன்

தமிழ் · தமிழ் Thu Aug 19, 2010 2:37 pm

விரைவில் அரசியலில் குதிக்கப் போவதாக மலையாள வில்லன் நடிகர் திலகன் அறிவித்துள்ளார்.

தமிழில் சத்ரியன், மேட்டுக்குடி போன்ற படங்களில் நடித்து புகழ்பெற்றவர் திலகன். மலையாளத்தில் நூற்றுக்கணக்கான படங்களில் குணச்சித்திர வேடங்களில் நடித்து ஏராளமான ரசிகர்களை அவர் சம்பாதித்து வைத்துள்ளார்

இந்த நிலையில் திலகன் சமீபகாலமாக சர்ச்சைகளில் சிக்கி வருகிறார். மலையாள நடிகர் சங்கத்தின் கட்டுப்பாட்டுகளை மீறியதாக, அதிலிருந்து நீக்கப்பட்டார்.

அப்போதிருந்து மம்மூட்டி, மோகன்லாலை கடுமையாக விமர்சித்து வருகிறார். உண்ணாவிரதம், ஆர்ப்பாட்டம் என்று பல போராட்டங்களை நடத்தினார். சமீபத்தில் கமலுக்கு பாராட்டு விழா நடத்துவதாக கேரள அரசு அறிவித்தது.

அதற்கு மலையாள நடிகர் சங்கம் எதிர்ப்பு தெரிவித்தது. இதையடுத்து மலையாள நடிகர் சங்கத்தை எதிர்த்து அறிக்கை விட்டார் திலகன். கமலுக்கு பாராட்டு விழா நடத்துவதில் தவறு இல்லை என்றும் பகிரங்கமாக அறிவித்தார்.

தற்போது அரசியலில் குதிக்கப்போவதாக அறிவித்துள்ளார்.