பெண் மூக்கில் சிக்கிய பல்செட் அகற்றம் பாளை. ஆஸ்பத்திரி டாக்டர்கள் சாதனை

நவீன் · நவீன் Tue Aug 10, 2010 8:46 am

திருநெல்வேலி :
பாளை. ஜெம் ஆஸ்பத்திரியில் பெண்ணின் மூக்கில் ஒரு
ஆண்டாக சிக்கியிருந்த பல்செட்டை அகற்றி டாக்டர்கள் சாதனை
செய்துள்ளனர்.பாளை. ஜெம் ஆஸ்பத்திரிக்கு சளித்தொல்லையால் அவதிப்பட்ட
சுமார் 50 வயது மதிக்கத்தக்க பெண் சிகிச்சைக்கு வந்தார். பெண்ணின் மூக்கை
என்டோஸ்கோபி, ஸ்கேன் செய்து பார்த்த போது மூக்கிற்கும், தொண்டைக்கும்
இடையே சிறிய உலோகப்பொருள் இருப்பது கண்டுபிடிக்கப்பட்டது.டாக்டர்கள்
முத்தையா, பாஸ்கரன், பிருந்தாவனி ஆகியோர் பெண்ணின் தொண்டையில் ஆப்பரேஷன்
செய்து சிக்கியிருந்த பொருளை அகற்றினர். பெண் கட்டியிருந்த இரு பற்கள்
கொண்ட செட் மூக்கின் உட்பகுதியில் சிக்கியிருந்தது கண்டுபிடிக்கப்பட்டது.
அரிய ஆப்பரேஷன்: டாக்டர் பிருந்தாவனி கூறும்போது, ""மூச்சுக்குழாய்,
உணவுக்குழாயில் பல்செட் சிக்கி அவதிப்பட்ட பலருக்கு ஆப்பரேஷன் மூலம்
பல்செட்டை அகற்றி சிகிச்சை அளித்துள்ளோம். தற்போது முதல் முறையாக மூக்கில்
சிக்கிய பல்செட்டை அகற்றியுள்ளோம். சம்பந்தப்பட்ட பெண் தூங்கும் போது
பல்செட் மூக்கில் சிக்கியுள்ளது. இதை அவரால் உணர முடியவில்லை.மூக்கில்
துர்நாற்றம், சளித்தொல்லை உள்ளது என கூறி அந்த பெண் சிகிச்சைக்கு வந்தார்.
இரு புறமும் கம்பிகளுடன் கூடிய பல்செட் மூக்கின் உட்பகுதியில் நன்கு
சிக்கியிருந்தது. மூக்கில் ஆப்பரேஷன் செய்ய முடியவில்லை. சிக்கியிருந்த
கம்பிகளை மெதுவாக அகற்றி தொண்டையில் ஆப்பரேஷன் செய்து பல்செட்டை
அகற்றினோம். அரிதான இந்த ஆப்பரேஷன் மூலம் கடந்த ஒரு ஆண்டாக அந்த பெண்
அனுபவித்த கஷ்டத்துக்கு தீர்வு கிடைத்துள்ளது'' என்றார்.

பெண் மூக்கில் சிக்கிய பல்செட் அகற்றம் பாளை. ஆஸ்பத்திரி டாக்டர்கள் சாதனை

பெண் மூக்கில் சிக்கிய பல்செட் அகற்றம் பாளை. ஆஸ்பத்திரி டாக்டர்கள் சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக