மாதிரிப் பள்ளிகளில் பிளஸ் 1-ல் சேர மெட்ரிக் பள்ளிகள் தடையா?

சென்னை,

தமிழகத்தில் உள்ள மத்திய அரசின் மாதிரிப் பள்ளிகளில் பிளஸ் 1 வகுப்பில்
மாணவர்கள் சேருவதற்கு மெட்ரிக் பள்ளிகள் தடையாக இருக்கின்றன என்று
கூறப்படுகிறது.மாநிலத்தில் கல்வியில் பின்தங்கிய 10 மாவட்டங்களில் 18 ஒன்றியங்களில் மாதிரிப் பள்ளிகள் அமைக்கப்பட்டுள்ளன.÷இவற்றில் 6 முதல் 9-ம் வகுப்பு வரையில் உள்ள வகுப்புகளுக்கு நுழைவுத் தேர்வு மூலம் மாணவர்கள் சேர்க்கப்பட்டுள்ளனர். ÷பிளஸ்
1 வகுப்பில் கணிதம், இயற்பியல், வேதியியல், உயிரியல் பாடங்கள்
வழங்கப்படவுள்ளன. இதற்கு 10-ம் வகுப்பு தேர்வு மதிப்பெண் அடிப்படையில்
மாணவர்களைச் சேர்க்கை கடந்த வாரம் நடைபெற்றது. பிளஸ் 1 வகுப்பில் 40 மாணவர்கள் சேர்த்துக் கொள்ளப்பட வேண்டும். எனினும், அதில் போதிய அளவில் மாணவர்கள் சேரவில்லை.÷மாதிரிப் பள்ளிகளில் பிளஸ் 1 மாணவர் சேர்க்கை சற்று காலதாமதமாகவே நடைபெற்றது. அதனால், பெரும்பாலான மாணவர்கள் அந்தந்தப் பகுதிகளில் உள்ள மெட்ரிக் பள்ளிகளில் சேர்ந்துவிட்டனர். ÷எனினும்,
அந்தப் பள்ளிகளைச் சேர்ந்த பல மாணவர்கள் மாதிரிப் பள்ளிகளில் சேர ஆர்வம்
காட்டுகின்றனர். என்றாலும், அவர்களை விடுவிக்க மெட்ரிக் பள்ளிகள்
விரும்பவில்லை. ÷அப்படி போக வேண்டும் என்றால், பிளஸ் 1, பிளஸ் 2
என இரண்டு ஆண்டுகளுக்கான முழுக் கட்டணத்தையும் செலுத்திவிட்டுச் செல்ல
வேண்டும் என்று மெட்ரிக் பள்ளிகள் மாணவர்களை நிர்பந்தம் செய்கின்றன
என்றும் கூறப்படுகிறது. இது குறித்து மத்திய இடைநிலைக் கல்வி திட்டத்தின் மாநில திட்ட இயக்குநர் ஆர்.கருணாகரன் கூறியதாவது:÷மெட்ரிக்
பள்ளிகளில் இருந்து மாதிரிப் பள்ளிகளில் சேர விரும்பும் மாணவர்களை
அங்கிருந்து விடுவிக்க அந்தந்த மாவட்ட முதன்மைக் கல்வி அலுவலர் மூலம்
நடவடிக்கை எடுக்கப்பட்டுள்ளது.÷அதன்படி, பிளஸ் 1 வகுப்பில் மாணவர்களைச் சேர்க்கும் தேதி ஆகஸ்ட் இறுதி வரை நீட்டிக்கப்பட்டுள்ளது. ÷6-ம்
வகுப்பு முதல் 9-ம் வகுப்புகள் வரை போதிய அளவில் மாணவர்கள்
சேர்ந்துள்ளனர். அவர்களுக்கான வகுப்புகள் ஆகஸ்ட் 9-ம் தேதி தொடங்குகிறது
என்றார்.