இலங்கையில் தமிழர்கள் வசிக்கும் பகுதிகளில் சீன அதிகாரிகள் ஆய்வு

நவீன் · நவீன் Fri 6 Aug 2010 - 20:36

கொழும்பு,

இலங்கையில்
நடந்த போரில் விடுதலைப்புலிகளை அடியோடு ஒழித்து விட்டதாக அதிபர் ராஜபக்சே
கூறிவருகிறார். இதையடுத்து விடுதலைப்புலிகள் வசம் இருந்த வன்னி பகுதியில்
சிங்களர்களை குடி அமர்த்த ராஜபக்சே திட்டமிட்டுள்ளார்.

இதற்காக
வன்னி பகுதியில் இருந்த தமிழர்கள் அனைவரும் சிங்கள ராணுவத்தின்
கட்டுப்பாட்டில் உள்ள முகாம்களில் தங்க வைக்கப்பட்டுள்ளனர். தமிழர்கள்
அனைவரும் தங்களை சொந்த வீடுகளுக்கு அனுப்பி வைக்கும் படி இலங்கை அரசிடம்
கோரிக்கை விடுத்தனர். இதை ஏற்க ராஜபக்சே மறுத்துவிட்டார்.

இந்நிலையில்
தமிழர்கள் வசிக்கும் வன்னி பகுதிக்கு சீனாவை சேர்ந்த 2 முக்கிய ராணுவ
அதிகாரிகள் நேற்று திடீரென சென்றனர். அப்போது அவர்களுடன் ராஜபக்சேவின்
சிறப்பு பாதுகாப்பு படை அதிகாரிகள் இருந்தனர்.

சீன
அதிகாரிகள் வன்னி பகுதி முழுவதையும் சுற்றிப்பார்த்தனர். அங்கு எந்தெந்த
இடங்களில் குடியிருப்புகள் கட்டுவது என்பது பற்றி ஆய்வு நடத்தினர்.

இதுபற்றி இலங்கை அதிகாரி ஒருவர் கூறிய தாவது:-

வன்னி பகுதியில் சிங்கள மக்களை குடியமர்த்த திட்டமிட்டுள்ளோம். இதற்கு சீன அரசு பெருமளவில் நிதி உதவி செய்துள்ளது.

இந்த 2 சீன ராணுவ அதிகாரிகளும் வன்னி பகுதி முழுவதையும் சுற்றி பார்த்தனர். பின்னர் எங்களுக்கு சில அறிவுரைகள் கூறினார்கள்.

வன்னியில்
சிங்கள மக்களை குடியமர்த்துவதற்கு தேவையான அத்தனை உதவிகளையும் செய்து
தருவதாக உறுதி அளித்துள்ளனர். இது எங்களுக்கு மிகவும் மகிழ்ச்சியாக
உள்ளது.

வன்னி
பகுதியில் சீன ராணுவ அதிகாரிகளின் நேரடி மேற்பார்வையில் தற்போது வீடு
கட்டும் பணிகள் நடந்து வருகிறது. இதேபோல் இலங்கை அதிகாரிகளுக்கும் அங்கு
வீடுகள் கட்டப்படுகிறது. சீனாவின் யோசனைப்படி வன்னி பகுதியை முழுக்க
முழுக்க எங்கள் கட்டுப்பாட்டுக்குள் கொண்டு வந்துள்ளோம்.

இவ்வாறு அவர் கூறினார்.

சீன
ராணுவ அதிகாரிகள் வன்னி பகுதியில் அடிக்கடி ஆய்வு நடத்தி வருகிறார்கள்.
இதனால் அங்கு ரகசியமாக சீனாவின் ராணுவ தளங்களை அமைக்கதிட்ட
மிட்டிருக்கலாம் என்ற சந்தேகம் எழுந்துள்ளது.

சீனா
அங்கு ராணுவதளம் அமைத்தால் இந்தியாவின் பாதுகாப்புக்கு பெரும்
அச்சுறுத்தல் ஏற்படும். தமிழக கடற்கரை பகுதிகளில்தான் கல்பாக்கம்,
கூடங்குளம் போன்ற அணுமின் நிலையங்கள் உள்ளன. சீனா இலங்கையில் தளம்
அமைத்தால் தமிழகம்தான் முதலில் கடுமையாக பாதிக்கப்படும் தமிழக மீனவர்களால்
சுதந்திரமாக மீன் பிடிக்க முடியாத நிலை ஏற்பட்டுவிடும்.

எனவே மத்திய அரசு இலங்கை அரசுடன் பேசி சீனா வன்னி பகுதியில் ராணுவ தளம்
அமைக்க முயற்சி செய்வதை முன்கூட்டியே தடுத்து நிறுத்த வேண்டும் என்று
அரசியல் நிபுணர்கள் வேண்டுகோள் விடுத்துள்ளனர்.

இலங்கையில் தமிழர்கள் வசிக்கும் பகுதிகளில் சீன அதிகாரிகள் ஆய்வு

இலங்கையில் தமிழர்கள் வசிக்கும் பகுதிகளில் சீன அதிகாரிகள் ஆய்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக