தண்மையைத் தந்திடும் தாய் !!

**பிஜிராமன்** · **பிஜிராமன்** Tue Nov 22, 2011 10:49 am

கற்றிடக் கற்றிடக் கற்கவே ஆவலைக்
குற்றமேது மின்றிக் கொடுத்திடுந் தீந்தமிழ்
வெற்றிடங் கொண்டிடும் வெற்று மனிதனை
வெற்றி இடமாக்கும் வீரச் செழுந்தமிழ்
பெற்றவர்தம் கற்பனையிற் பெற்றிடா நற்பெயரை
பெற்றுத்தந் துப்புகழ் பேரளவாக் கும்தமிழ்
நிற்காத நிம்மதித ரும்

வன்படை வந்தினும் வானமே வீழ்கினும்
என்தமிழின் நன்படை எங்களைக் காத்திடும்
தெள்ளத் தெளிந்திட்டத் தென்றலின் காற்றையும்
உள்ளம் மகிழ்த்திடும் உன்னதப் பாட்டையும்
கண்களை ஆயிரம் கைக்கொண்டோர் பார்க்கினும்
எண்ணில் அடங்கிடா எங்களின் செந்தமிழ்
தண்மையைத் தந்திடும் தாய்

ரேவதி · ரேவதி Tue Nov 22, 2011 10:51 am

பிஜிராமன் wrote:
வெற்றி இடமாக்கும் வீரச் செழுந்தமிழ்
பெற்றவர்தம் கற்பனையிற் பெற்றிடா நற்பெயரைப்
பெற்றுத்தந் துப்புகழ் பேரளவாக் கும்நற்றமிழ்
நிற்காத நிம்மதித் ரும்

வன்படை வந்தினும் வானமே வீழ்கினும்
என்தமிழின் நன்படை எங்களைக் காத்திடும்
தெள்ளத் தெளிந்திட்டத் தென்றலின் காற்றையும்
உள்ளம் மகிழ்த்திடும் உன்னதப் பாட்டையும்
கண்களை ஆயிரம் கைக்கொண்டோர் பார்க்கினும்
எண்ணில் அடங்கிடா எங்களின் தாய்த்தமிழ்
தண்மைதனை தந்திடும் பெண்

சூப்பர் பிஜி..இன்றுதான் நினைத்தேன் உங்களின் கவிதைகளை பார்க்க முடியவில்லை என்று..
நல்ல சிந்தனை தண்மையைத் தந்திடும் தாய் !! 677196

இந்த பதிவைத் துவங்கியவர் நன்றி கூறியுள்ளார் ரேவதி

**உமா** · **உமா** Tue Nov 22, 2011 10:54 am

தண்மை என்றால் என்ன ராம்.
தன்மை கேள்வி பட்டு இருக்கேன்.அர்த்தம் சொல்லேன்.

**பிஜிராமன்** · **பிஜிராமன்** Tue Nov 22, 2011 10:58 am

உமா wrote:தண்மை என்றால் என்ன ராம்.
தன்மை கேள்வி பட்டு இருக்கேன்.அர்த்தம் சொல்லேன்.

தண்மை என்றால் குளிர்ச்சி, சாந்தமான குணம், மென்மை இப்டினு பல அர்த்தங்கள் உள்ளது அக்கா,

மிக்க நன்றிகள் அக்கா.......

மிக்க நன்றிகள் ரேவதி......மின்சாரம் தடை பட்டதால் இதிலேயே, பதில் கொடுக்கிறேன் மன்னிக்கவும்.......

ரேவதி · ரேவதி Tue Nov 22, 2011 11:00 am

பிஜிராமன் wrote:
உமா wrote:தண்மை என்றால் என்ன ராம்.
தன்மை கேள்வி பட்டு இருக்கேன்.அர்த்தம் சொல்லேன்.

தண்மை என்றால் குளிர்ச்சி, சாந்தமான குணம், மென்மை இப்டினு பல அர்த்தங்கள் உள்ளது அக்கா,

மிக்க நன்றிகள் அக்கா.......

மிக்க நன்றிகள் ரேவதி......மின்சாரம் தடை பட்டதால் இதிலேயே, பதில் கொடுக்கிறேன் மன்னிக்கவும்.......

**பிஜிராமன்** · **பிஜிராமன்** Tue Nov 22, 2011 11:09 am

சூப்பர் பிஜி..இன்றுதான் நினைத்தேன் உங்களின் கவிதைகளை பார்க்க முடியவில்லை என்று..
நல்ல சிந்தனை

நன்றிகள் ரேவதி, நீங்கள் நினைத்ததை இன்றே நிறைவேற்றியது எனக்கு மகிழ்ச்சி அளிக்கிறது,... புன்னகை

**உமா** · **உமா** Tue Nov 22, 2011 11:09 am

வன்படை வந்தினும் வானமே வீழ்கினும்
என்தமிழின் நன்படை எங்களைக் காத்திடும்
தெள்ளத் தெளிந்திட்டத் தென்றலின் காற்றையும்
உள்ளம் மகிழ்த்திடும் உன்னதப் பாட்டையும்
கண்களை ஆயிரம் கைக்கொண்டோர் பார்க்கினும்
எண்ணில் அடங்கிடா எங்களின் தாய்த்தமிழ்
தண்மைதனை தந்திடும் பெண்

பெண்மையின் தண்மையினை மென்மையாக நீ சொன்ன விதம் அருமை ராமன். ஒரு பெண்ணாக பெருமை கொள்கிறேன் இத்தகு உயரிய வரிகளுக்காக.
மிக்க நன்றி ராமன், தண்மையைத் தந்திடும் தாய் !! 224747944

**பிஜிராமன்** · **பிஜிராமன்** Tue Nov 22, 2011 11:14 am

பெண்மையின் தண்மையினை மென்மையாக நீ சொன்ன விதம் அருமை ராமன். ஒரு பெண்ணாக பெருமை கொள்கிறேன் இத்தகு உயரிய வரிகளுக்காக.
மிக்க நன்றி ராமன்,

மிக்க நன்றிகள் அக்கா, நம்முடைய தாய்தமிழ் அத்தகைய பெண்ணொத்த தன்மையுடையது அக்கா....... தண்மையைத் தந்திடும் தாய் !! 1194657695

**Dr.சுந்தரராஜ் தயாளன்** · 03/09/2011

பிஜிராமன் wrote:கற்றிடக் கற்றிடக் கற்கவே ஆவலைக்
குற்றமேது மின்றிக் கொடுத்திடுந் தீந்தமிழ்
வெற்றிடங் கொண்டிடும் வெற்று மனிதனை
வெற்றி இடமாக்கும் வீரச் செழுந்தமிழ்
பெற்றவர்தம் கற்பனையிற் பெற்றிடா நற்பெயரைப்
பெற்றுத்தந் துப்புகழ் பேரளவாக் கும்நற்றமிழ்
நிற்காத நிம்மதித்த ரும்
வன்படை வந்தினும் வானமே வீழ்கினும்
என்தமிழின் நன்படை எங்களைக் காத்திடும்
தெள்ளத் தெளிந்திட்டத் தென்றலின் காற்றையும்
உள்ளம் மகிழ்த்திடும் உன்னதப் பாட்டையும்
கண்களை ஆயிரம் கைக்கொண்டோர் பார்க்கினும்
எண்ணில் அடங்கிடா எங்களின் தாய்த்தமிழ்
தண்மைதனை தந்திடும் பெண்

வெண்சீர் இயற்ச்சீரே வெண்டளையாய்ப் பஃறொடை
வெண்பா விதைத்தீர் விரைந்து
மகிழ்ச்சி

ranhasan · ranhasan Tue Nov 22, 2011 3:06 pm

எப்பா பி.ஜி.ஆர்.. நீ மனுசனே இல்ல... சோகம்

எப்படி பாராட்டுவதேன்றே தெரியவில்லை...அருமையோ அருமை...
இருப்பினும் ஒரு சந்தேகம் கடைசிவரியில் தன்மை என்ற பதமிருப்பின் இத்தகைய தனி சிறப்பு நிறை தமிழின் பண்புகளை ஈந்திடும் பெண் என்று பொருள் வரும்... தண்மை என்ற பதமிருப்பின் தமிழின் குளிர்ச்சியினை நல்கிடும் பெண் என்று பொருள் வரும்...
இதில் என் சந்தேகம் என்னவென்றால் தன்மை என்னும் பதத்தோடு இந்த கவி இருப்பின் முற்றிலும் சரியான கவியே.. தண்மை என்னும் பதமிருப்பதால் தமிழின் குளிர்ச்சி, மென்மை, சாந்தம் பற்றிய வரிகள் அதற்கு முன்பிருந்திருக்க வேண்டும் என்று எனக்கு தோன்றுகிறது...ஆனால் எழுச்சி, வீரம் பற்றிய வரிகளே அதிகமாய் நிறைந்துள்ளது... இதனை எப்படி முழுமையாய் விளக்குவதென்று எனக்கு புரியவில்லை...நான் சொல்லநினைப்பது புரிகிறதா பி.ஜி.ஆர்?