காவிரி டெல்டா பாசனத்திற்காக கல்லணையில் இருந்து தண்ணீ?ர் திறக்கப்பட்டது

திருக்காட்டுப்பள்ளி, ஆக. 2-
காவிரி டெல்டா பாசனத்திற்காக
கல்லணையில் இருந்து நேற்று காலை 10 ஆயிரம் கன அடி வீதம் தண்­ணீர்
திறக்கப்பட்டது. இதில் அமைச்சர்கள் கோ.சி.மணி, மதிவாணன், செல்வராஜ்
மற்றும் மாவட்ட கலெக்டர்கள் கலந்துகொண்டு நெல்விதை மற்றும் மலர்களை
தூவினர்.
காவிரி டெல்டா பாசனத்திற்காக மேட்டூர் அணையில் இருந்து கடந்த 28-ந்
தேதி தண்­ணீர் திறக்கப்பட்டது. இந்த தண்­ர் நேற்று முன்தினம் இரவு 11 மணி
அளவில் தஞ்சை மாவட்டம் கல்லணைக்கு வந்து சேர்ந்தது. இதையடுத்து கல்லணையில்
இருந்து காவிரி டெல்டா பாசனத்திற்காக காவிரி, வெண்ணாறு, கல்லணைக்கால்வாய்,
கொள்ளிடம் ஆகிய ஆறுகளில் நேற்று தண்ணீ­ர் திறக்கப்பட்டது. கூட்டுறவுத்துறை
அமைச்சர் கோ.சி.மணி தண்­ணீரை திறந்து விட்டார். முதலில் காவிரி ஆற்றிலும்,
அதன் பின்னர் வெண்ணாறு, கல்லணைக்கால்வாய், கொள்ளிடம் ஆறுகளில் தண்ணீ­ர்
திறந்து விடப்பட்டது. காவிரியில் வினாடிக்கு 4 ஆயிரம் கன அடியும்,
வெண்ணாற்றில் வினாடிக்கு 4 ஆயிரம் கன அடி வீதமும், கல்லணைக்கால்வாய்
மற்றும் கொள்ளிடத்தில் வினாடிக்கு தலா 1000 கன அடி வீதமும் தண்­ணீர்
திறக்கப்பட்டது. இந்த நிகழ்ச்சியில் பால்வளத்துறை அமைச்சர் மதிவாணன்,
வனத்துறை அமைச்சர் செல்வராஜ், மாவட்ட கலெக்டர்கள் சண்முகம் (தஞ்சாவூர்),
சந்திரசேகரன் (திருவாரூர்), நாகை கலெக்டர் (பொறுப்பு) ராஜேந்திரன் மற்றும்
பலர் கலந்து கொண்டு மதகுகளை திறந்து வைத்தனர். அப்போது கோ-43,
மேம்படுத்தப்பட்ட வெள்ளை பொன்னி, பி.பி.டி. விதை நெல் மற்றும் மலர்களையும்
தூவினர்.
முன்னதாக கல்லணை திறக்கப்படுவதையொட்டி கொள்ளிடத்தின் கீழ் உள்ள
ஆஞ்சநேயர் கோவிலிலும், பூங்காவில் உள்ள விநாயகர் கோவிலிலும்,
கல்லணைக்கால்வாயின் உள் பகுதியில் உள்ள கருப்பண்ணசாமி கோவிலிலும் சிறப்பு
பூஜைகள் செய்யப்பட்டன. கல்லணையில் இருந்து தண்­ணீர் திறக்கப்பட்டதால்
காவிரி டெல்டா மாவட்டங்களில் சுமார் 3 லட்சத்து 77 ஆயிரம் எக்டேரில்
சம்பா, தாளடி சாகுபடி செய்ய இலக்கு நிர்ணயிக்கப்பட்டுள்ளது. தற்போது
திறக்கப்பட்டுள்ள தண்­ணீர் குறுவை சாகுபடிக்கு ஏற்றதாகவும், சம்பா, தாளடி
சாகுபடிக்கு மிகவும் உகந்ததாகவும் இருக்கும். இதனால் டெல்டா பாசன
விவசாயிகள் மகிழ்ச்சி அடைந்துள்ளனர். மேலும் நாளை (செவ்வாய்க்கிழமை)
ஆடிப்பெருக்கு கொண்டாடப்படுகிறது. ஆடிப்பெருக்கையொட்டி காவிரித்தாய்க்கு
நன்றி தெரிவித்தும், வாழ்வில் மகிழ்ச்சி பெருக்கு ஏற்படவும், ஏராளமான
பெண்கள் காவிரி படித்துறைகளில் பூஜைகள் செய்து வழிபடுவார்கள்.
புதுப்பெண்கள் தங்கள் தாலியை மாற்றி புது தாலி அணிந்தும், கன்னிப்பெண்கள்
மஞ்சள் கயிறு கட்டியும் வழிபடுவார்கள். தற்போது தண்­ணீர்
திறக்கப்பட்டுள்ளதால் காவிரி டெல்டா கரையோர மாவட்டங்களை சேர்ந்த
பொதுமக்களும் மகிழ்ச்சி அடைந்துள்ளனர்.
மேட்டூர் அணையில் இருந்து ஆடி பெருக்கு விழா மற்றும் டெல்டா
பாசனத்திற்காக கடந்த மாதம் 28-ந் தேதி தண்­ணீர் திறக்கப்பட்டது. முதலில் 6
ஆயிரம் கனஅடியாக திறக்கப்பட்ட தண்ணீ­ர் படிப்படியாக அதிகரிக்கப்பட்டு
முடிவில் வினாடிக்கு 12 ஆயிரம் கனஅடியாக வெளியேற்றப்பட்டது. இதற்கிடையே,
கர்நாடக மாநிலத்தில் உள்ள காவிரி நீர்பிடிப்பு பகுதிகளில் கனமழை பெய்தது.
இதன் காரணமாக அந்த மாநிலத்தில் உள்ள கபினி, கிருஷ்ணராஜசாகர் அணைகளுக்கு
நீர்வரத்து அதிகரித்து, அணை நிரம்பும் நிலையை எட்டியுள்ளன. இதையடுத்து
பாதுகாப்பு கருதி அந்த அணைகளில் இருந்து காவிரி ஆற்றில் தண்ணீ­ர்
திறக்கப்பட்டு உள்ளது. கடந்த 29-ந் தேதி கபினி அணையில் இருந்து வினாடிக்கு
16 ஆயிரம் கனஅடி வீதமும், கிருஷ்ணராஜசாகர் அணையில் இருந்து 3 ஆயிரம் கனஅடி
வீதமும் தண்­ணீர் திறக்கப்பட்டது. இது படிப்படியாக அதிகரிக்கப்பட்டு
நேற்று முன்தினம் காலை கபினி அணையில் இருந்து 23,600 கனஅடி வீதம் தண்ணீ­ர்
திறக்கப்பட்டது. இந்த தண்ணீ­ர் கடந்த 3 நாட்களுக்கு முன்பு மேட்டூர் அணையை
அடைந்தது. அப்போது அணைக்கு 6 ஆயிரம் கனஅடி நீர் வந்தது. இது நேற்று
முன்தினம் மாலை வினாடிக்கு 16 ஆயிரம் கனஅடியாக அதிகரித்தது. நேற்று மாலை 4
மணி நிலவரப்படி அணைக்கு வினாடிக்கு 20 ஆயிரம் கனஅடி தண்­ணீர் வந்து
கொண்டிருந்தது. தொடர்ந்து நீர்வரத்து அதிகரித்து வருவதாலும், தண்­ணீர்
திறப்பைவிட வரத்து அதிகமாக இருந்ததாலும் மேட்டூர் அணை நீர்மட்டம் மளமளவென
உயர்ந்து வருகிறது. நேற்று முன்தினம் மாலை 81 அடியாக இருந்த நீர்மட்டம்
நேற்று ஒரே நாளில் ஒரு அடி அதிகரித்து 82.20 அடியாக உயர்ந்தது.