விஜய்யின் காவல் காதல் திரையிடுவதில் சிக்கல்

நிசாந்தன் · நிசாந்தன் Thu Jul 29, 2010 10:39 am

First topic message reminder :

வெளிநாட்டிலுள்ள தமிழ் அமைப்புகளின் எதிர்ப்பு காரணமாக, விஜய்யின் ‘காவல் காதல்’ படத்தை வெளிநாடுகளில் திரையிடுவதில் சிக்கல் ஏற்பட்டுள்ளது.
அமெரிக்காவில் தமிழ் சங்கங்களின் கூட்டமைப்பு உள்ளது. இதில் 30 தமிழ் அமைப்புகள் உள்ளன. இலங்கைக்கு செல்லும் தமிழ் நடிகர் நடிகைகளின் படங்களை அமெரிக்காவில் திரையிட விடமாட்டோம் என கூட்டமைப்பு முடிவெடுத்துள்ளது. பிரிட்டன், கனடா தமிழ் அமைப்புகளும் இம்முடிவை எடுத்துள்ளதாக தெரிகிறது.
தமிழ் நடிகர்கள் நடிகைகள் படப்பிடிப்புக்காகவோ அல்லது சொந்த காரணங்களுக்காகவோ இலங்கைக்கு செல்லக்கூடாது என்று திரையுலகில் சிலர் கூறிவருகின்றனர். அப்படி கூறுவது தவறு என மற்றொறு தரப்பு கூறுகிறது. இந்த விடயத்தில் புலம் பெயர் தமிழர்கள் தலையிட்டு, இலங்கை செல்லும் நடிகர், நடிகைகளின் படங்களை புறக்கணிப்பதாக அறிவித்துள்ளனர். முதல் கட்டமாக அசின் நடித்து வெளியாகவுள்ள படத்தை புறக்கணிப்போம் என அமெரிக்க தமிழ் அமைப்புகளின் தலைவர் பழனி சுந்தரம் தெரிவித்துள்ளார்.
விஜய் நடிப்பில் சித்திக் இயக்கும் படம் ‘காவல் காதல்’. இதில் அசின் நடித்துள்ளார். தமிழ் படங்கள் வெளிநாடுகளில் அதிக வசூல் ஈட்டுகின்றன. இந்நிலையில், தமிழ் அமைப்புகளின் முடிவால் விஜய் படத்தை திரையிடுவதில் சிக்கல் ஏற்பட்டுள்ளது.