பேரணியின் போது துப்பாக்கிச்சூடு.. நடந்தது என்ன? டொனால்டு ட்ரம்ப் விளக்கம்!

**ayyasamy ram** · **ayyasamy ram** Sun Jul 14, 2024 9:24 am

-
அமெரிக்காவின் பென்சில்வேனியாவில் உள்ள பட்லர் நகரில்
குடியரசு கட்சியின் அதிபர் வேட்பாளரான முன்னாள் அதிபர்
டொனால்டு ட்ரம்ப், உரையாற்றினார்.

அப்போது கூட்டத்தில் இருந்த நபர் ஒருவர் டொனால்டு ட்ரம்ப் மீது
துப்பாக்கிச்சூடு நடத்தினார். இதில் ட்ரம்பின் வலது காதில் காயம்
ஏற்பட்டு ரத்தம் கொட்டியது.

துப்பாக்கி குண்டு பாய்ந்ததுமே ட்ரம்ப் உடனடியாக கீழே குனிந்தார்.
இதனை பார்த்த அங்கிருந்த மக்களும் அதிர்ச்சி அடைந்து கீழே
குனிந்தனர். இதையடுத்து ட்ரம்ப்பின் சிறப்பு பாதுகாப்பு படையினர்
அவரை பத்திரமாக மேடையில் இருந்து இறக்கி அழைத்து சென்றனர்.

மேலும் துப்பாக்கிச் சூடு நடத்தியவரையும் சிறப்பு பாதுகாப்பு
படையினர் சுற்றுக்கொன்றனர்.

ட்ரம்ப் மீது துப்பாக்கிச்சூடு நடத்தும் போது 10 முறை துப்பாக்கி
குண்டுகள் பாய்ந்ததாக தகவல் வெளியாகியுள்ளது. இந்நிலையில்
துப்பாக்கிச்சூடு சம்பவம் குறித்து டொனால்டு ட்ரம்ப் தனது சமூக
வலைதள பக்கத்தில் பதிவிட்டுள்ளார். அதில் துப்பாக்கிச்சூட்டின்
போது தன்னை பாதுகாத்த சிறப்பு பாதுகாப்பு படையினருக்கு
டொனால்டு ட்ரம்ப் நன்றி தெரிவித்துள்ளார்.

சம்பவத்தின் போது சிறப்பாக செயலாற்றிய சிறப்பு பாதுகாப்புப் படை
மற்றும் சட்ட அமலாக்கத்துறையினருக்கும் ட்ரம்ப் நன்றி தெரிவித்துள்ளார்.
பேரணியின் போது துப்பாக்கிச்சூடு கொல்லப்பட்டவரின் குடும்பத்திற்கு
தனது ஆழ்ந்த இரங்கலையும் குறிப்பிட்டுள்ளார் டொனால்டு ட்ரம்ப்.
துப்பாக்கி சூடு நடத்திக் கொல்லப்பட்டவர் யார் என்பது குறித்து எந்த
தகவலும் தெரியவில்லை என ட்ரம்ப் தனதுவிட்டர் பக்கத்தில்
பதிவிட்டுள்ளார்.

துப்பாக்கிக் குண்டு தனது வலது காதில் பட்டு சதையை கிழித்ததில்
காயம் ஏற்பட்டது என்றும் காயம் பட்ட இடத்தில் ரத்தம் வரவே நடந்ததை
உணர்ந்து கொண்டதாகவும் டொனால்டு ட்ரம்ப் தெரிவித்துள்ளார்.

இதனிடையே டொனால்டு ட்ரம்ப் மீதான துப்பாக்கிச்சூட்டிற்கு பிரதமர்
மோடி கடும் கண்டனம் தெரிவித்துள்ளார். இதுதொடர்பாக அவர்
பதிவிட்டுள்ள ட்வீட்டில், எனது நண்பரும், முன்னாள் அதிபருமான
டொனால்ட் ட்ரம்ப் மீதான தாக்குதல் ஆழ்ந்த கவலையளிக்கிறது.

துப்பாக்கிச்சூடு சம்பவத்தை வன்மையாக கண்டிக்கிறேன்.
அரசியலிலும் ஜனநாயகத்திலும் வன்முறைக்கு இடமில்லை. அவர்
விரைவில் குணமடைய வாழ்த்துகிறேன்.எங்கள் எண்ணங்களும்
பிரார்த்தனைகளும் இறந்தவர்களின் குடும்பத்தினர், காயமடைந்தவர்கள்
மற்றும் அமெரிக்க மக்களுடன் உள்ளன என பிரதமர் மோடி
குறிப்பிட்டுள்ளார்.
-
நன்றி- சமயம் செய்திகள்

பேரணியின் போது துப்பாக்கிச்சூடு.. நடந்தது என்ன? டொனால்டு ட்ரம்ப் விளக்கம்!

பேரணியின் போது துப்பாக்கிச்சூடு.. நடந்தது என்ன? டொனால்டு ட்ரம்ப் விளக்கம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக