எனது சாதனையை சமன் செய்ய ஹர்பஜனால் மட்டுமே முடியும்: முத்தையா முரளீதரன்

ரபீக் · ரபீக் Thu Jul 08, 2010 11:54 am

அதிக விக்கெட்டுகளை வீழ்த்தியுள்ள எனது சாதனையை ஹர்பஜன் சிங்கால் மட்டுமே சமன் செய்ய முடியும் என்று இலங்கை சுழற்பந்து வீச்சாளர் முத்தையா முரளீதரன் கூறியுள்ளார்.

இந்தியாவுக்கு எதிரான டெஸ்ட் ஆட்டத்துக்குப்பின் சர்வதேச கிரிக்கெட்டில் இருந்து ஓய்வு பெறப்போவதாக அவர் அறிவித்துள்ளார். டெஸ்ட் ஆட்டங்களில் 792 விக்கெட்டுகளையும், ஒருநாள் ஆட்டங்களில் 515 விக்கெட்டுகளையும் முரளீதரன் வீழ்த்தியுள்ளார். இதுவே சர்வதேச சாதனையாக உள்ளது.

இந்நிலையில் புதன்கிழமை செய்தியாளர்களைச் சந்தித்த அவர் கூறியது:

டெஸ்ட் மற்றும் ஒருநாள் கிரிக்கெட்டில் அதிக விக்கெட்டுகளை வீழ்த்தியுள்ள எனது சாதனைகளை ஹர்பஜன் சிங் ஒருவரால் தான் சமன் செய்ய முடியும் என்று நினைக்கிறேன்.

நான் எப்போதும் சாதனைக்காக பந்து வீசியதில்லை. சச்சின் டெண்டுல்கரும், லாராவும் தான் எனக்கு அதிக நெருக்கடி கொடுத்த பேட்ஸ்மேன்கள். எப்படிப் பந்து வீசினாலும், அதனை விளாசுவார்கள். எனது கடைசி டெஸ்டில் சச்சினுக்கு பந்து வீச வாய்ப்பு கிடைத்தது மகிழ்ச்சியளிக்கிறது.

இப்போது டெஸ்ட் கிரிக்கெட் இறந்து வருகிறது. ஒருநாள் ஆட்டத்துக்கும் சிறப்பான எதிர்காலம் இல்லை. 20-20 போட்டிகளுக்குத்தான் அதிக வரவேற்பு உள்ளது. இதனால் சுழற்பந்து வீச்சாளர்கள் எதிர்காலத்தில் தாக்குப்பிடிப்பது கடினம்தான். ஐபிஎல் போட்டிகளில் சென்னை சூப்பர் கிங்ஸ் அணிக்காக விளையாடுவேன். இந்திய அணி கேப்டன் மகேந்திர சிங் தோனியின் திருமணத்துக்கு எனது மனப்பூர்வமான வாழ்த்துகளைத் தெரிவித்துக் கொள்கிறேன் என்றும் அவர் கூறினார்.

**Aathira** · **Aathira** Thu Jul 08, 2010 12:07 pm

அதிவேக சாதனையாளர். எனக்கு மிகவும் பிடித்தவர். தகவலுக்கு மிக்க நன்றி..ரபீக்.

எனது சாதனையை சமன் செய்ய ஹர்பஜனால் மட்டுமே முடியும்: முத்தையா முரளீதரன்

எனது சாதனையை சமன் செய்ய ஹர்பஜனால் மட்டுமே முடியும்: முத்தையா முரளீதரன்

Re: எனது சாதனையை சமன் செய்ய ஹர்பஜனால் மட்டுமே முடியும்: முத்தையா முரளீதரன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக