டி20 அதிவேக சதம்: சிக்சர் மழையில் உலக சாதனையை சமன் செய்தார் ரோஹித் சர்மா

**பழ.முத்துராமலிங்கம்** · 27/09/2015

ந்தை பவுண்டரிக்கு விரட்டும் ரோஹித் சர்மா. - படம். | ஏ.பி.

இந்தூரில் நடைபெறும் இலங்கைக்கு எதிரான 2-வது டி20 போட்டியில் 35 பந்துகளில் சதம் அடித்து தென் ஆப்பிரிக்கா வீரர் டேவிட் மில்லரின் அதிவேக டி20 சத உலக சாதனையைச் சமன் செய்தார் ரோஹித் சர்மா.

35 பந்துகளில் 11 பவுண்டரிகள் 8 மிகப்பெரிய சிக்சர்களுடன் 101 ரன்கள் எடுத்து தென் ஆப்பிரிக்கா வீரர் டேவிட் மில்லரின் 35 பந்து சத டி20 சத சாதனையைச் சமன் செய்தார்.

இந்தியாவைப் பொறுத்தவரை இதுதான் அதிவேக சத சாதனை. கே.எல்.ராகுல் 46 பந்துகளில் மே.இ.தீவுகளுக்கு எதிராக எடுத்த டி20 சதமே இந்திய டி20 அதிவேக சத சாதனையாக அமைந்தது. இவருக்கு அடுத்த படியாக ரெய்னா 59 பந்துகளில் தென் ஆப்பிரிக்காவுக்கு எதிராக 2010-ல் சதம் எடுத்திருந்தது குறிப்பிடத்தக்கது.

இந்திய அணி 11.2 ஓவர்களில் 148/0 என்று வெளுத்து வாங்கி வருகிறது. ராகுல் 33 பந்துகளில் 3 பவுண்டரிகள் 3 சிக்சர்களுடன் 46 ரன்கள் எடுத்து ஆடி வருகிறார்.

ஆட்டத்தின் 11-வது ஓவரை திசர பெரேரா வீச அந்த ஓவரின் முதல் சிக்ஸ், விடப்பட்ட கேட்ச் ஆனது, ஆனால் அதே ஓவரில் எங்கு போட்டாலும் அடிப்பேன் என்று மேலும் 3 சிக்சர்களை விளாசினார். 97 ரன்களுக்கு வந்தார், பிறகு மேத்யூஸ் பந்தை கவர் திசையில் விளாசி 35 பந்துகளில் சதம் எடுத்து உலக சாதனையைச் சமன் செய்தார்.

கடைசியாக 42 பந்துகளில் 12 பவுண்டரிகள் 10 சிக்சர்களுடன் 118 ரன்கள் எடுத்து ஆட்டமிழந்தார். இந்தியா 165/1

நன்றி
தி இந்து

SK · SK Sat Dec 23, 2017 2:44 pm

டி20 அதிவேக சதம்: சிக்சர் மழையில் உலக சாதனையை சமன் செய்தார் ரோஹித் சர்மா 3838410834

டி20 அதிவேக சதம்: சிக்சர் மழையில் உலக சாதனையை சமன் செய்தார் ரோஹித் சர்மா

டி20 அதிவேக சதம்: சிக்சர் மழையில் உலக சாதனையை சமன் செய்தார் ரோஹித் சர்மா

Re: டி20 அதிவேக சதம்: சிக்சர் மழையில் உலக சாதனையை சமன் செய்தார் ரோஹித் சர்மா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக