விமானம் தோன்றிய கதை

**சிவா** · **சிவா** Sun Jul 04, 2010 9:05 am

அந்தச் சகோதரர்கள் இருவரும் தெருவில் கிடக்கும் துருப்பிடித்த இரும்புத் துண்டுகளையும், எலும்புத் துண்டுகளையும் பொறுக்கி விற்று வாழ்க்கை நடத்தி வந்தனர். அதன் பிறகு பல தொழில்களில் ஈடுபட்டனர். ஆனால், தோல்வியே மிஞ்சியது.

ஒருநாள் அவர்களில் ஒருவன் லைப்ரரிக்கு சென்றான். அங்கு ஒரு சுவாரசியமான கதை ஒன்றைப் படித்த அவனுக்கு, பொறிதட்டியது. அந்தக் கதையில் ஒரு மனிதன் இறக்கைகள் எது வும் இல்லாமல் காற்றாடி போன்ற ஒன்றின் துணை யால் வானில் பறப்பது போல சித்தரிக்கப் பட்டிருந்தது.

அதைப்படித்த உடனே தானும் அவ்வாறு ஏன் பறக்கக்கூடாது? என்ற எண்ணம் ஏற்பட்டது. அதே சிந்தனையுடன் வந்து தனது சகோதரனிடம் அந்த எண்ணத்தைத் தெரிவித்தான். இருவரும் விண்ணில் பறப்பது பற்றி தீவிரமாகச் சிந்தித்து, பல ஆராய்ச்சிகளில் ஈடுபட்டனர்.

கடுமையான முயற்சிகளுக்குப் பின்னர் வானில் பறக்க ஒரு எந்திரத்தைக் கண்டுபிடித்தனர். அதன் உதவியால் 1903-ம் ஆண்டு டிசம்பர் 17-ந் தேதி வெற்றிகரமாக வானில் பறந்து சாதனை படைத்தனர். தங்களுடைய விடாமுயற்சியால் விந்தை புரிந்த அவர்கள் தான் `ரைட் சகோதரர்கள்'.

**Aathira** · **Aathira** Sun Jul 04, 2010 10:23 am

ரைட் ச்கோதரர்களின் விடாமுய்ற்சியால் இன்று நாம் உலகை வலம் வருகிறோம். காற்றில் ஏறி விண்ணை அளக்கிறோம்.. நன்றி சிவா...
ஆனால் எங்கு பார்த்தாலும் நூலகங்கள் இருக்க மாணவர்கள் பயன்படுத்துவது இல்லை என்பதே வருத்தம். கன்னிமாரா நூலகத்திற்கு மதியம் குளிரூட்டப்பட்ட அறையில் உறங்க வரும் ஆண்களை நினைத்தால் விமானம் தோன்றிய கதை 440806

இருக்கும்.. இது வழக்கம். கையில் இறுக்கிய நூலும் கண்களில் உறக்கமும்.. விமானம் தோன்றிய கதை 502589

**சிவா** · **சிவா** Sun Jul 04, 2010 10:39 am

Aathira wrote:ரைட் ச்கோதரர்களின் விடாமுய்ற்சியால் இன்று நாம் உலகை வலம் வருகிறோம். காற்றில் ஏறி விண்ணை அளக்கிறோம்.. நன்றி சிவா...
ஆனால் எங்கு பார்த்தாலும் நூலகங்கள் இருக்க மாணவர்கள் பயன்படுத்துவது இல்லை என்பதே வருத்தம். கன்னிமாரா நூலகத்திற்கு மதியம் குளிரூட்டப்பட்ட அறையில் உறங்க வரும் ஆண்களை நினைத்தால் இருக்கும்.. இது வழக்கம். கையில் இறுக்கிய நூலும் கண்களில் உறக்கமும்..

இது சிலருக்கு உடன்பிறந்த பழக்கம்! கையில் புத்தகம் எடுத்ததுமே கண்களில் தூக்கம் வந்துவிடுகிறது, நம் நிலாசகி போல்!