சென்னையில் கல்லூரி பள்ளிகள் முன்பு கஞ்சா சாக்லெட் விற்பனை: 3 பேர் கைது

ரபீக் · ரபீக் Sun Jun 27, 2010 12:33 pm

சென்னையில் உள்ள பள்ளி, கல்லூரிகள் முன்பு கஞ்சா சாக்லெட் விற்கப்படுவதாக சி.பி. சி.ஐ.டி. போதை பொருள் தடுப்பு பிரிவு போலீசுக்கு தகவல் கிடைத்தது.

இதையடுத்து போலீசார் சென்னை, வேலூர், போன்ற இடங்களில் கல்லூரிகள் முன்பு தீவிர கண்காணிப்பில் ஈடுபட்டு வந்தனர். அப்போது வேலூரில் உள்ள ஒரு தனியார் கல்லூரி முன்பு வாலிபர் ஒருவர் கஞ்சா சாக்லெட்டுகளை விற்பனை செய்வதாக தகவல் கிடைத்தது.

அங்கு விரைந்து சென்ற போலீசார் ராணிப்பேட்டையை சேர்ந்த ஆனந்தன் (28) என்பவரை கைது செய்தனர். அவரிடம் இருந்து 1 கிலோ எடை கொண்ட கஞ்சா சாக்லெட்டுகள் பறிமுதல் செய்யப்பட்டது.

இவர் கஞ்சா சாக்லெட்டுகளை 2 விதமாக தயாரித்து விற்பனை செய்து வந்தார். 1 ரூபாய் மினி சாக்லெட் மற்றும் 50 ரூபாய் பெரிய சாக்லெட் ஆகிய நிலையில் பறிமுதல் செய்யப்பட்டன.

ஆனந்தன் கொடுத்த தகவலின் பேரில் திருவொற்றியூரை சேர்ந்த பாண்டியன், வண்ணாரப்பேட்டையை சேர்ந்த சுபாஷ் ஆகியோர் போலீசில் சிக்கினர். இவர்களிடம் இருந்து 7 கிலோ கஞ்சா சாக்லெட் கைப்பற்றப்பட்டது. இவர்கள் 3 பேரும் கஞ்சா சாக்லெட் விற்பனையில் கொடிகட்டி பறந்தவர்கள் என்பது போலீஸ் விசாரணையில் தெரியவந்தது.

கடந்த மார்ச் மாதம் வடபழனியில் வைத்து பஷல் பாண்டியன், அவரது மனைவி சந்திரா ஆகிய இருவரும் கஞ்சா பொட்டலங்களை பதுக்கியது தொடர்பாக கைது செய்யப்பட்டனர். ஆந்திர மாநிலம் விசாகப்பட்டினத்தில் இருந்து கஞ்சா பொட்டலங்களை ஆயில் டேங்கரில் வைத்து இருவரும் கடத்தி வந்தனர்.

தற்போது போலீஸ் பிடியில் சிக்கியுள்ள ஆனந்தன், பாண்டியன், சுபாஷ் ஆகிய 3 பேரும் பெண் கஞ்சா வியாபாரியான சந்திராவிடம் இருந்துதான் கஞ்சா பொட்டலங்களை வாங்கினோம் என்று போலீசிடம் கூறியுள்ளனர்.

கஞ்சா சாக்லெட்டுகளை எப்படி தயாரிப்பது என்பது குறித்து அவர்கள் அளித்துள்ள பரபரப்பு வாக்குமூலம் வருமாறு:-

கஞ்சா பொட்டலங்களை மொத்தமாக வாங்கி அதை முதலில் பொடியாக்கிக் கொள்வோம். பின்னர் சாக்லெட் பவுடர் மற்றும் சாக்லெட் எசன்ஸ் ஆகிய வற்றை அதனுடன் கலந்து சிறுசிறு துண்டுகளாக்குவோம்.

கஞ்சா மணம் மாறுவதற்காக அதனுடன் ஏலக்காய், லவங்கம், பட்டை ஆகிய வற்றையும் பொடி செய்து சேர்ப்போம். தேவைக் கேற்றபடி சர்க்கரையை கலந்துவிட்டால் கஞ்சா சாக்லெட் தயாராகிவிடும்.

இதனை பள்ளி, கல்லூரி அருகில் உள்ள பெட்டிக் கடைகளில்தான் முதலில் அறிமுகப்படுத்துவோம். 1 ரூபாய் மினி சாக்லெட்டு களைதான் முதலில் பெட்டிக் கடைகளுக்கு சப்ளை செய்வோம். இதனை வாங்கி சாப்பிடும் மாணவர்கள் மீண்டும் அதனை பெட்டிக் கடைகளில் கேட்கும்போது மினி சாக்லெட் சப்ளையை நிறுத்திவிட்டு 50 ரூபாய் சாக்லெட்டுகளை கொடுத்து விடுவோம்.

இந்த சாக்லெட்டுகளை விற்பனை செய்யும் பெட்டிக்கடைக்காரர்களை விலை கொடுத்து வாங்கி விடுவதால் மற்ற சாக்லெட்டுகளுடன் சேர்த்து கஞ்சா சாக்லெட்டுகளையும் அவர்கள் விற்பனை செய்து விடுவார்கள்.

இவ்வாறு அவர்கள் வாக்குமூலம் அளித்திருப் பதாக போலீசார் தெரிவித்தனர்.

அன்பு தளபதி · அன்பு தளபதி Sun Jun 27, 2010 1:14 pm

கைது சரி அவங்களுக்கு என்ன தண்டனை ஆறு மாசம் இல்லை ஒரு வருஷம் ஜெயில் மறுபடியும் இதையே செய்வாங்க போங்கயா
இவனுகளும் சட்டமும்

**Aathira** · **Aathira** Sun Jun 27, 2010 1:30 pm

maniajith007 wrote:கைது சரி அவங்களுக்கு என்ன தண்டனை ஆறு மாசம் இல்லை ஒரு வருஷம் ஜெயில் மறுபடியும் இதையே செய்வாங்க போங்கயா
இவனுகளும் சட்டமும்

சென்னையில் கல்லூரி பள்ளிகள் முன்பு கஞ்சா சாக்லெட் விற்பனை: 3 பேர் கைது 359383

kilaisyed · kilaisyed Sun Jun 27, 2010 1:44 pm

maniajith007 wrote:கைது சரி அவங்களுக்கு என்ன தண்டனை ஆறு மாசம் இல்லை ஒரு வருஷம் ஜெயில் மறுபடியும் இதையே செய்வாங்க போங்கயா
இவனுகளும் சட்டமும்

சரியா சொன்னீர்கள்

நவீன் · நவீன் Mon Jun 28, 2010 2:38 pm

maniajith007 wrote:கைது சரி அவங்களுக்கு என்ன தண்டனை ஆறு மாசம் இல்லை ஒரு வருஷம் ஜெயில் மறுபடியும் இதையே செய்வாங்க போங்கயா
இவனுகளும் சட்டமும்

சென்னையில் கல்லூரி பள்ளிகள் முன்பு கஞ்சா சாக்லெட் விற்பனை: 3 பேர் கைது 677196

மஞ்சுபாஷிணி · மஞ்சுபாஷிணி Mon Jun 28, 2010 3:53 pm

இப்படி செய்பவர்களை இருட்டு ஜெயில்ல போட்டு சித்ரவதை செய்யனும்... குழந்தைகளுக்கு சாக்லேட் விற்குமுன் இவங்க மனசாட்சி பதறாதா?

சரவணன் · சரவணன் Mon Jun 28, 2010 4:14 pm

மஞ்சுபாஷிணி wrote:இப்படி செய்பவர்களை இருட்டு ஜெயில்ல போட்டு சித்ரவதை செய்யனும்... குழந்தைகளுக்கு சாக்லேட் விற்குமுன் இவங்க மனசாட்சி பதறாதா?

சென்னையில் கல்லூரி பள்ளிகள் முன்பு கஞ்சா சாக்லெட் விற்பனை: 3 பேர் கைது 453187

mohan-தாஸ் · mohan-தாஸ் Mon Jun 28, 2010 5:29 pm

என்னவல்லாம் செய்ரானுகள் இந்த பையபுள்ளக

kalaimoon70 · kalaimoon70 Mon Jun 28, 2010 6:32 pm

பிச்ச wrote:
மஞ்சுபாஷிணி wrote:இப்படி செய்பவர்களை இருட்டு ஜெயில்ல போட்டு சித்ரவதை செய்யனும்... குழந்தைகளுக்கு சாக்லேட் விற்குமுன் இவங்க மனசாட்சி பதறாதா?

மரணதண்டனை தரனும் இவர்களுக்கு ......