குடும்பங்களில் இனிமை காக்க வேண்டும்

seethamani · seethamani Mon Jun 28, 2010 11:52 am

குடும்ப வாழ்வில் கணவன் மனைவி உறவு தெய்வீக மானது. உலக இன்பங்களைத் துய்க்கவும், வினைப்பதிவு களில் தீயனவற்றைக் கழிக்கவும், இறைநிலையுணர்ந்து அறிவில் முழுமை பெறவும் ஏற்றதாக அமைக்கப்பட்டுள்ளதே மனிதன் என்ற சிறந்த பிறப்பு. ஆண்பெண் இருபாலரும் வரையரையற்ற அன்பால் வாழ்க்கைத் துணைவர்களாகி ஒருவருக்கொருவர் ஒத்தும், உதவியும் உலகில் வாழ்ந்து பேரின்ப நிலையையெய்த, ஏற்றபடி இறை ஆற்றலால் அமைக்கப்பட்டிருப்பதே ஆண் பெண் எனும் இரண்டு வகையில் அமைந்த பால்வேறுபாடுள்ள பிறப்புகள். இரு பாலரும் ஒருவருக்கொருவர் வாழ்க்கைத் துணைவராகி, ஒத்தும் உதவியும் வாழவேண்டிய "இயற்கை வழி' தான் குடும்ப வாழ்வு. இத்தகைய தெய்வீக வாழ்வில் உலக சமுதாயம் பெண்களைப் பற்றி ஒரு தவறான கருத்தை உருவாக்கிக் கொண்டிருக்கிறது.

பெரும்பாலும் பெற்றோர்கள் தங்கள் பெண் மக்களை அன்பு காட்டியே வளர்க்கின்றனர். திருமணத்திற்குப் பிறகு புகுந்த வீடு வந்துவிட்ட பெண்ணைக் கணவனும், மற்றும் அவர் குடும்ப உறுப்பினர்களும் மனைவியாக, மருமகளாகக் கருதாமல் ஒரு வேலைக்காரியாகவே, அடிமை என்றே மதித்து நடத்துவது பெரும்பாலான குடும்பங்களில் வழக்கமாகி விட்டது. இந்த அநீதியான கருத்து மாற்றப்பட வேண்டும். திருமணத்தின் போதே இந்த அநீதி தொடங்கப்பட்டு விடுகிறது. "மணவினை நிகழும் போது மகள்தனைப் பெற்றோர் நின்று, கணவன் என்று ஒருவனுக்குக் கையினில் நீரை வார்த்து, பணமதை ஈந்தோ பெற்றோ பலர் காண தத்தம் செய்வார். குணமெனும் நிலைகண்டோரும் இது கொடுமை என்று எண்ணவில்லை!''

சிந்தனையாற்றல் பெற்ற மனித இனத்தில், இந்த இழி நிலையை மாற்றிப் பெண்ணினத்தின் தியாகத்தை மதித்து வாழ்த்தி வரவேற்க வேண்டும்.

**பிளேடு பக்கிரி** · 01/03/2010

குடும்பங்களில் இனிமை காக்க வேண்டும் 678642

குடும்பங்களில் இனிமை காக்க வேண்டும்

குடும்பங்களில் இனிமை காக்க வேண்டும்

Re: குடும்பங்களில் இனிமை காக்க வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக