வாழ்கை சக்கரம்...

srinihasan · srinihasan Thu 24 Jun 2010 - 13:01

வாழ்கை சக்கரம்...

கழுத்தில் மணி கட்டி
மூக்கில் கயிறு பூட்டி
துள்ளி நடை போட்டிட
ஓசை தரும் இசையும்
வண்டியின் சக்கரத்தில் அச்சாணியின்
நுனியில் பூத்த மணியும்
குலுங்கி சாலையில் வலம்வர
இசைக்கு தாளமாய் சேர்ந்திட
மெல்ல சுழலும் சக்கரமாய்
வாழ்கை சக்கரம் மென்மையாய்
சுழன்ற காலம் எங்கோ?

உதிரி பாகம் இல்லாமலும்
உடைந்த பாகம் இணையாமலும்
உ(அ)திரும்படி வேகமாய் ஓட்டிட
உளைச்சல் தரும் இரைச்சலும்
பாதையில் வழிவேண்டி எழுப்பும்
ஒலியும் செவியினை பிளந்திட
உருண்டு ஓடும் சக்கரமாய்
விரைந்து ஓடும் வாழ்வாய்
இயந்திர வாழ்கையாய் மாறியதேனோ?

**Aathira** · **Aathira** Thu 24 Jun 2010 - 13:11

/நுனியில் பூத்த மணியும்
குலுங்கி சாலையில் வலம்வர
இசைக்கு தாளமாய் சேர்ந்திட//

அழகான் அமைப்பு..
எப்படி வாசன் இப்படியெல்லாம் சிந்தனை தோன்றுகிறது. படித்தவுடன் மெய்சிலிர்த்தேன்.. அருமையான கவிதையும், கருத்தும், படமும்.. வாழ்த்துக்கள் மேலும்,.... வாழ்கை சக்கரம்... 678642

srinihasan · srinihasan Fri 25 Jun 2010 - 15:34

Aathira wrote:/நுனியில் பூத்த மணியும்
குலுங்கி சாலையில் வலம்வர
இசைக்கு தாளமாய் சேர்ந்திட//

அழகான் அமைப்பு..
எப்படி வாசன் இப்படியெல்லாம் சிந்தனை தோன்றுகிறது. படித்தவுடன் மெய்சிலிர்த்தேன்.. அருமையான கவிதையும், கருத்தும், படமும்.. வாழ்த்துக்கள் மேலும்,....

மிக்க நன்றி... வாழ்கை சக்கரம்... 154550