பணத்தை வாரி வழங்கும் அற்புத திருப்பதிகம்

Guest · Guest Tue 7 Jul 2009 - 20:55

First topic message reminder :

பணத்தை வாரி வழங்கும் அற்புத திருப்பதிகம் - Page 4 Foursaints

திருஞான சம்பந்த சுவாமிகள் அருளிய மூன்றாம் திருமுறை

இப்பதிகத்தை பேராசையின்றி அன்புள்ளத்துடனும் நம்பிக்கையுடனும் பாராயணம் செய்து வந்தால் செல்வம் சேரும்.

இடரினும் தளரினும் எனதுறு நோய்
தொடரினும் உனகழல் தொழு தெழுவேன்
கடல்தனில் அமுதொடு கலந்த நஞ்சை
மிடறினில் அடக்கிய வேதியனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

வாழினும் சாவினும் வருந்தினும் போய்
வீழினும் உனகழல் விடுவேன் அல்லேன்
தாழிளம் தடம்புனல் தயங்கு சென்னிப்
போழிள மத்திவைத்த புண்ணியனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

நனவினும் கனவினும் நம்பா உன்னை
மனவினும் வழிபடல் மறவேன் அம்மான்
புனல்விரி நறுங்கொன்றை போதணிந்த
கனல் எரி அனல்புல்கு கையவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

தும்மலோ டருந்துயர் தோன்றிடுனும்
அம்மலர் அடியலால் அரற்றாது என்நாக்
கைம்மல்கு வரிசிலைக் கணையொன்றினால்
மும்மதில் எரி எழ முனிந்தவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

கையது வீழினும் கழிவுறினும்
செய்கழல் அடியலால் சிந்தை செய்யேன்
கொய்யணி நறுமலர் குலாய சென்னி
மையணி மிடறுடை மறையவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

வெந்துயர் தோன்றியோர் வெருவுறினும்
எந்தாய் உன்னடியளால் ஏத்தாது என்நா
ஐந்தலை அரவுகொண்டு அரைக்கசைத்த
சந்த வெண் பொடியணி சங்கரனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

வெப்பொடு விரவியோர் வினைவரினும்
அப்பாவுன் அடியலால் அரற்றாது என்நா
ஒப்புடை ஒருவனை உருவழிய
அப்படி அழல் எழ விழித்தவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

பேரிடர் பெருகி ஓர் பிணிவரினும்
சீருடைக் கழல் அலால் சிந்தை செய்யேன்
ஏறுடை மணிமுடி யிராவணனை
ஆரிடர் படவரை அடர்த்தவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

உன்னினும் பசிப்பினும் உறங்கினும் நின்
ஒண்மலர் அடியலால் உரையாது என்நா
கண்ணனும் கடிகமழ் தாமரை மேல்
அண்ணலும் அளப்பரி தாயவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

பித்தொடு மயங்கியோர் பிணிவரினும்
அத்தா உன் அடி அலால் அரற்றாது என்நா
புத்தரும் சமணரும் புரண உரைக்கப்
பத்தர்கட்கு அருள்செய்து பயின்றவனே
இதுவோ எமை ஆளுமாறு ஈவதொன்று எமக்கில்லையேல்
அதுவோ உனது இன்னருள் ஆவடுதுறை அரனே

அலைபுனல் ஆவடுதுறை அமர்ந்த
இலைநுனை வேற்படை எம் இறையை
நலமிகு ஞானசம்பந்தன் சொன்ன
விலையுடை அருந்தமிழ் மாலைவல்லார்
வினையாயின நீங்கிப் போய் விண்ணவர் வியனுலகம்
நிலையாக முன் ஏறுவர் நிலமிசை நிலையிலரே.

***************************************************************

நிலாசகி · நிலாசகி Wed 8 Jul 2009 - 21:58

மு௫கனடிமை wrote:மங்கயரே நீங்க இந்த பதிகத்தை படிக்ரதுக்கு முன்னாடி விநாயகரை வணங்கிட்டு

ஐந்து கரத்தனை யானை முகத்தனை
இனத்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினை
புந்தியில் வைத்து அடிபோற்று கின்றேனே

இதை சொல்லுங்கள்

எனக்கு தெரியுமே

Guest · Guest Wed 8 Jul 2009 - 22:01

இந்தின் இளம்பிறை - ஒகேவா

Guest · Guest Wed 8 Jul 2009 - 22:03

Mangai wrote:
மு௫கனடிமை wrote:மங்கயரே நீங்க இந்த பதிகத்தை படிக்ரதுக்கு முன்னாடி விநாயகரை வணங்கிட்டு

ஐந்து கரத்தனை யானை முகத்தனை
இனத்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினை
புந்தியில் வைத்து அடிபோற்று கின்றேனே

இதை சொல்லுங்கள்

எனக்கு தெரியுமே

பரவாயில்லையே

நான்தான் பைத்தியக்காரன் மாதிரி பாடத்த படிக்காத விட்டுட்டு பதிகங்களை மனப்பாடம் பண்றேன்னு நெனச்சிக்கிட்டு இருந்தேன்.

ஒங்களுக்கும் ஈடுபாடு உண்டா

Guest · Guest Wed 8 Jul 2009 - 22:06

ஒங்களை எனக்கு ரொம்ப புடிச்சிருக்கு

உண்மைலேயே ஒங்களுக்கு ஆன்மீகத்தில் நம்பிக்கை உண்டா

அல்லது பொய் சொல்றீங்களா

ஏன் கேக்குறேன்னா இந்த காலத்துல மக்கள் எதையும் அவ்வளவு சீக்கிரம் நம்ப

மாட்டங்க அதான் கேட்டேன்

Guest · Guest Wed 8 Jul 2009 - 22:19

Mangai wrote:சரி நான் இன்னைக்கு இத படிக்க ஆரம்பிக்கிறேன்.....

ஒன்றே செய்

ஒன்றும் நன்றே செய்

நன்றும் இன்றே செய்

--ஆகா அருமை

Guest · Guest Wed 15 Jul 2009 - 22:32

தயவு செய்து அனைவரும் இதை மனப்பாடம் செய்து பலன் பெறுங்கள்

இது ஒரு அற்புதமான பொக்கிஷம்

அனுபவத்தில் கண்டது

யாம் பெற்ற இன்பம் பெருக இவ்வையகம்

Sponsored content · Sponsored content

பணத்தை வாரி வழங்கும் அற்புத திருப்பதிகம்

பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

Re: பணத்தை வாரி வழங்கும் அற்புத திருப்பதிகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக