மாதுளம் பழத்தின் குணதிசயங்கள்

சபீர் · சபீர் Thu Jun 10, 2010 9:42 pm

விதை முத்துகளால் நிரம்பிய பழம். நான்கு பக்கமும் வகுத்து பழத்தைப்
பிளந்தால் சிவப்பும், வெண்மையும் கலந்த முத்துகள் கைதேர்ந்த பொற்கொல்லரால்
பதித்துச் செய்யப்பெற்ற ஆபரணம் போல் தோற்றமளிக்கும்.
மாதுளை ரசத்தால் இரத்தம் சுத்தமாகும். புதிய இரத்தம் விருத்தியாகும்.
நினைவாற்றல் வளரும். பித்த நோய்கள் அணுகாது. எலும்புகளும், பற்களும் உறுதி
பெரும்.
மாதுளை ரசத்துடன் சுத்தமான தேன் தேக்கரண்டி அளவு கலந்து காலை உணவுக்குப் பிறகு
தொடர்ந்து மூன்று வாரங்கள் சாப்பிட்டு வர, மலச்சிக்கல் அறவே ஒழியும்.
மாதுளம் பழச் சாற்றை க்ஷயரோகிகளுக்குக் கொடுத்து வந்தால் மிகுந்த பலனைத் தரும்.
புதிய இரத்தம் உற்பத்தியாகி உடல் வலுவடையும்.
மது மயக்கத்தில் இருப்பவர்களுக்கு முழு மாதுளம் பழத்தை இடித்துச் சாறு பிழிந்து
தந்தால் மயக்கம் தெளியும். மாதுளை முத்துகள் நீர்த்துப்போன சுக்கிலத்தை இறுக்கும்.
தாது புஷ்டி லேகியங்களில் மாதுளை முத்துகள் சேர்க்கிறார்கள்.
மாதுளம் பழச் சாற்றில் சிறு இரும்புத் துண்டை பன்னிரண்டு மணி நேரம் ஊறவைத்து,
இரும்புத்துண்டை அகற்றி திரித்து சர்க்கரையும் நீரும் கலந்து கொடுக்க மஞ்சள் காமாலை
குணமாகும் என்று கருதப்படுகிறது. இவ்வாறு தொடர்ந்து சில தினங்கள் கொடுத்து வர
வேண்டும்.
மாதுளத் தோலை உலரவைத்து எடுத்து வைத்தால் சீதபேதி உண்டாகும்போது அரைத்து மோரில்
கலந்து தரலாம். சீதபேதி உடன் நிற்கும். குடலுக்கு இதந்தரும்.
வட இந்தியாவில் மாதுளை முத்துகளை வெயிலில் உலர்த்தி விற்பனை செய்கிறார்கள்.