உலகிலேயே அதிக ஒரு நாள் போட்டிகளில் விளையாடிய அணி!

ரபீக் · ரபீக் Tue Jun 01, 2010 7:21 pm

சர்வதேச ஒரு நாள் கிரிக்கெட் போட்டிகளில், உலகிலேயே மிக அதிகமாக விளையாடிய சாதனையை இந்திய அணி அடைந்துள்ளது. முத்தரப்பு கிரிக்கெட்டில் இலங்கைக்கு எதிராக நேற்று முன்தினம் மோதிய ஆட்டத்தில் இந்திய அணி இந்தப் பெருமையைத் தக்க வைத்துக் கொண்டுள்ளது.

இதுவரை உலகிலேயே மிக அதிகமாக 741 ஆட்டங்களில் விளையாடி ஆஸ்திரேலிய அணி இந்தப் பெருமையைப் பெற்றிருந்தது. தற்போது இந்திய அணி 742 ஒருநாள் ஆட்டங்களில் ஆடி முதல் நிலையில் உள்ளது. இரண்டாவது இடத்தில் ஆஸ்திரேலியாவும் 3 வது இடத்தில் பாகிஸ்தானும் (715 ஆட்டம்), 4 வது இடத்தில் வெஸ்ட் இண்டீசும் (636 ஆட்டம்), 5 வது இடத்தில் இலங்கையும் (599 ஆட்டம்) உள்ளன.

சர்வதேச ஒருநாள் போட்டிகள் 1971 ம் ஆண்டு முதல் விளையாடப்பட்டு வருகின்றன. இந்திய அணி தனது முதலாவது ஒரு நாள் போட்டியை 1974 ம் ஆண்டு ஜுலை 13 ந்தேதி இங்கிலாந்துக்கு எதிராக விளையாடியது குறிப்பிடத்தக்கது.