ஆழ்மனதில் ஒரு ஆபத்து

மனிதனின் இன்றைய வாழ்க்கை முறையில் மனம், சீக்கிரமாக கட்டுப்பாடில்லாத நிலைக்குப் போய் விடுகிறது. இதனால், உடலும் உயிரும் பாதி இயக்கத்திலேயே இயங்கி வருகிறது. இன்பம், துன்பம் என்று எதையுமே முழுமையாக உணர முடிவதில்லை.

அன்பு, அமைதி, பொறுமை, புன்சிரிப்பு, இனிய சொல், தூயகாற்று, மெல்லிய இசை என்பன போன்ற உணர்வுகளை உள்வாங்கிக் கொள்ளும்போது தான் வாழ்வு ஆனந்தம் நிரம்பியதாக இருக்கும்.வெறுப்பு, பயம், ஏக்கம், கோபம், குழப்பம் இவை போன்ற உணர்வுகள் அனைத்தையும் சந்திக்க வேண்டி உள்ளதால், உடலில் நோய்கள் உண்டாகின்றன. அதனால் பல துன்பங்களுக்கு மனிதன் ஆளாகிறான்.

பெற்றோர் தங்கள் குழந்தைகளிடம் அன்புடன் நடந்து கொள்ள வேண்டும். குழந்தைகள் வளர்ந்து வெளி உலகம் பற்றிய அறிவு ஏற்படும்போது பெற்றோர்களின் தவறான நடத்தைகள் அவர்கள் மனதில் ஆழமாகப் பதிந்து விடுகிறது. இதனால், உடலில் நோய் எதிர்ப்புசக்தி குறைந்து விடுகிறது. அதனால், பெற்றோர்கள் குழந்தைகள் நல்லபடியாக வளர்வதற்கு முன்னுதாரணமாக இருக்க வேண்டும்.

குடும்பங்களில் அடிக்கடி ஏற்படும் சண்டை சச்சரவுகள், வெறுப்புணர்வை உண்டாக்குகின்றன. சமூக மதிப்பை கெடுக்கும் படியான இழிவான செயல்களில், தன்னைச் சார்ந்தவர்கள் ஈடுபடும்போது, விரும்பத்தகாத உணர்வுகளால், மனஅழுத்தம் ஏற்படுகிறது.

ஒரு ஆணுக்கு குறிப்பிட்ட பெண்ணிடம் விருப்பம் இல்லாத போது சூழ்நிலை, வற்புறுத்துதல் போன்ற காரணங்களால் திருமணம் செய்து வைப்பது இயற்கை உணர்வுகளுக்கு எதிரான கொடுமையான செயல். இதனால் அவர்களின் வாழ்வில் மகிழ்ச்சிக்குப் பதிலாக அதிகமாக துன்பங்களே வரும். தான் செய்கிற காரியங்களில் விருப்பம் இல்லாவிட்டால், உற்சாகம் குறைந்து விடும். அதனால், களைப்பு உண்டாகி உடல் சோர்ந்து விடுகிறது. இந்த நிலை அதிகமாகும்போது, மனஉளைச்சலுக்கு ஆளாகி விடுகின்றனர்.

சுவை இல்லாத உணவுப் பொருட்களை சாப்பிட வேண்டிய நிலை, இரைச்சல், குப்பைகள் கூடிய தெருக்கள், ஆபாசங்களுடன் கூடிய சமூக வாழ்க்கை போன்ற காரணங்களால் தான் வாழ்வில் வெறுப்புணர்வுகள் அதிகமாகின்றன. மனதில் மேல்மட்ட நிலையில் எப்போதாவது வெறுப்புணர்வு ஏற்பட்டால் பாதிப்பு ஏற்படுவதில்லை. ஆனால், ஆழ்மனதை தொடர்ந்து பாதிக்கும்போது, கல்லீரல், வயிறு சார்ந்த சுரப்பிகள் பாதிக்கப்படுகின்றன.

நீண்ட நாட்களாக இருந்து வரும் தீராத நோய், மனதால் தாங்கிக் கொள்ள முடியாத தோல்விகள், இழப்புகள் போன்றவற்றால் ஏற்படும் வெறுப்புணர்வு போன்றவை உச்சக்கட்ட நிலையை அடையும்போது, மனம் விரக்தியடைகிறது.

இதனால், சில நேரங்களில் தற்கொலை செய்யும் எண்ணமும் வருகிறது.

பயம், கவலை, கோபம், பசி, காமம், பொறாமை, ஏக்கம், குழப்பம் போன்றவற்றால் மனிதன் மனதளவில்

அலைக்கழிக்கப்படுகிறான். இதனால், அவனை அறியாமலேயே அறியாமை வந்து அடைக்கலமாகி விடுகிறது.

வறுமையும், பாலியலுணர்வும் பாவம் எனும் சமூகத்தில் மன அழுதங்கள் தவிற்கமுடியாதவை.