பசலைக் கீரையின் மருத்துவ குணங்கள்

**சிவா** · **சிவா** Wed Apr 21, 2010 1:49 pm

பசலை ஒரு கொடிவகைத் தாவரம். இந்த கீரையை வீட்டில், தோட்டத்தில் வளர்க்கலாம். ஆறு அங்குல நீளமுள்ள இதன் கொடித்தண்டை நறுக்கி, வேலி ஓரத்தில் அல்லது மரங்களின் அருகில் நட்டு வைத்தால், விரைவில் துளிர்விட்டு கொடியாக வளரும். பந்தலிலும் படர விட்டு வளர்க்கலாம்.

கொடிப்பசலைக் கீரையின் இலைகளை நன்கு கழுவி சுத்தம் செய்து, பொடியாக அரிந்து சமைத்து சாப்பிடலாம். இலைகளை அவித்து, வெள்ளைப்பூண்டு, பெருங்காயம், உப்பு சேர்த்து கடைந்து, சாதத்துடன் சேர்த்து சாப்பிடலாம்.

இதில் புரதம், கொழுப்பு, மாவுப் பொருட்கள், கால்சியம், பாஸ்பரஸ், இரும்புச்சத்து, கரோட்டின், தயாமின், ரைபோபிளாவின், நியாசின், வைட்டமின் சி ஆகிய சத்துக்கள் உள்ளன.

இக்கீரை உடல் சூட்டை தணித்து, உடலுக்கு குளிர்ச்சியை உண்டாக்கும். கோடை காலத்தில் ஒருநாள் விட்டு ஒருநாள் இக்கீரையை உணவில் சேர்த்துக் கொண்டால், கோடை நோய்கள் நம்மை அண்டாது.

ஏதாவது ஒரு வழியில் இக்கீரையை அடிக்கடி உணவில் சேர்த்துக் கொண்டால் அஜீரணக் கோளாறுகள் ஏற்படாது. நன்கு பசி உண்டாகும். இக்கீரையில் இரும்புச்சத்து இருப்பதால் ரத்த விருத்தி ஏற்படும். இதன் இலைகளை அவித்து, பூண்டு, சீரகம், பெருங்காயம், உப்பு, மிளகு சேர்த்து துவையல் அரைத்து சாப்பிட்டால் குடல் கோளாறுகள் சீராகும்.

கொஞ்சம் பசலை இலையோடு மாதுளம் பிஞ்சை வைத்து அரைத்து, ஒரு நெல்லிக்காய் அளவு வீதம், மூன்று வேளையும் சாப்பிட்டு வர சீதபேதி நன்கு குணமாகும். இதன் இலையுடன் மிளகு, மஞ்சள் சேர்த்து அரைத்து வேக வைத்துச் சாப்பிட்டால் தொண்டை கரகரப்பு மாறும், குரல் வளம் பெறும்.

மேலும் இக்கீரையில் `வைட்டமின் சி' சத்து உள்ளதால் கண்பார்வை அதிகரிக்கும். இக்கீரையை அடிக்கடி சாப்பிட்டு வர காமம் அதிகரிக்கும். ஆண், பெண் இருவருக்கும் உள்ள சாதாரண மலட்டுத் தன்மையை நீக்கும் ஆற்றலும் கொண்டது. சளித் தொல்லை உள்ளவர்கள் இக்கீரையை தவிர்க்கவும்.

***

kilaisyed · kilaisyed Wed Apr 21, 2010 1:54 pm

பதிவிற்க்கு நன்றி

**ரிபாஸ்** · **ரிபாஸ்** Wed Apr 21, 2010 1:55 pm

எஸ்.அஸ்லி · எஸ்.அஸ்லி Wed Apr 21, 2010 2:48 pm

பசளியில் இவ்வளவு பயனா!நன்றி. பசலைக் கீரையின் மருத்துவ குணங்கள் 678642

ஹாசிம் · ஹாசிம் Wed Apr 21, 2010 4:06 pm

பசளைக்கீரை மத்திய கிழக்கு நாடுகளில் அதிகமாக விக்கிறார்கள்
இதனுடன் எமது நாட்டில்கிடைக்கும் மாசி யிட்டு பால் கறிசமைத்து திண்ட அனுபவம் அதிகம் ருசியும் அதிகம்
தகவலுக்கு நன்றி தலைவா பசலைக் கீரையின் மருத்துவ குணங்கள் 678642

kalaimoon70 · kalaimoon70 Wed Apr 21, 2010 4:18 pm

கிள்ளுக் கீரை என இனி சொல்லமுடியாது .கீரையின் மகத்துவம், அது தரும் மருத்துவம் ,உடல் நலம் என உங்கள் பதிப்பு சொல்கிறது.
நன்றி தல ........

ஹனி · ஹனி Wed Apr 21, 2010 4:24 pm

SHIVAKUMAR · SHIVAKUMAR Fri Apr 23, 2010 3:31 pm

சார் வணக்கம் என் பெயர் சிவா, நீங்கள் எனக்கு நிறைய தடவை உதவி செய்து இருக்கின்றீர்கள் மிகவும் நன்றி சார் !!! இப்போதும் எனக்கு உதவுவீர்கள் என நம்புகின்றேன் , சார் நான் மிகவும் ஒல்லியாக இருக்கின்றேன் என வயது 28 ஆனால் பார்ப்பதற்கு 15 வயது சிறுவன் போல் இருக்கின்றேன் . என்ன சாப்பிட்டாலும் என் உடல் சதை பிடிக்கவில்லை . உடற்பயிற்சி , யோகா செய்தும் எந்த மாற்றமும் இல்லை சுமார் 10 வருடமாக வெறும் 55 கிலோ எடைதான் உள்ளது . எனக்கு திருமணமாகி ஒரு வயதில் குழ்ந்தை இருக்கின்றான் .
என் நண்பர்கள், என் தம்பி , என்னை விட வயதில் சிறியவர்கள் எல்லாம் நன்றாக உள்ளார்கள் . ஆனால் நான் மட்டும் பார்ப்பதற்கு மிகவும் ஒல்லியாக இருக்கின்றேன் என்னால் சட்டை இல்லாமல் வெளியே வரமுடியவில்லை . என்னை பார்த்தால் எனக்கே மிகவும் வேதனையாக உள்ளது. என் உடல் கொஞ்சம் எடை கூட எனக்கு வழி சொல்லுங்கள் சார் ப்ளீஸ் உங்களால் நான் எடை கூடினால் உங்களை என் வாழ்நாளில் மறக்க மாட்டேன் சார் . என் மனைவி என்னை பார்த்து சாப்பிடுவது எல்லாம் எங்கே போகிறது என்கிறாள் .
எனக்கு TB test, BLOOD test & URINE test எல்லாம் எடுத்தார்கள் . எதுவும் பிரச்சினை இல்லை நன்றாக சாப்பிடு என்று சொல்கின்றார்கள் . ஆனால் நான் என்ன சத்தான உணவு அசைவ , சைவ , பால் , முட்டை , கீரைகள் சாப்பிட்டாலும் ஒன்றும் பலனில்லை . என் வாழ்வின் ஒரே வேதனை இதுதான் . தயவு செய்து எனக்கு உதவுங்க டாக்டர் (சிவா) சார் ப்ளீஸ் . உங்கள் முத்தான பதிலை எதிர்பார்த்து காத்திருக்கின்றேன் என்றென்றும் நன்றிகளுடன் சிவா !!!

**சிவா** · **சிவா** Fri Apr 23, 2010 4:46 pm

SHIVA KUMAR wrote:சார் வணக்கம் என் பெயர் சிவா, நீங்கள் எனக்கு நிறைய தடவை உதவி செய்து இருக்கின்றீர்கள் மிகவும் நன்றி சார் !!! இப்போதும் எனக்கு உதவுவீர்கள் என நம்புகின்றேன் , சார் நான் மிகவும் ஒல்லியாக இருக்கின்றேன் என வயது 28 ஆனால் பார்ப்பதற்கு 15 வயது சிறுவன் போல் இருக்கின்றேன் . என்ன சாப்பிட்டாலும் என் உடல் சதை பிடிக்கவில்லை . உடற்பயிற்சி , யோகா செய்தும் எந்த மாற்றமும் இல்லை சுமார் 10 வருடமாக வெறும் 55 கிலோ எடைதான் உள்ளது . எனக்கு திருமணமாகி ஒரு வயதில் குழ்ந்தை இருக்கின்றான் .
என் நண்பர்கள், என் தம்பி , என்னை விட வயதில் சிறியவர்கள் எல்லாம் நன்றாக உள்ளார்கள் . ஆனால் நான் மட்டும் பார்ப்பதற்கு மிகவும் ஒல்லியாக இருக்கின்றேன் என்னால் சட்டை இல்லாமல் வெளியே வரமுடியவில்லை . என்னை பார்த்தால் எனக்கே மிகவும் வேதனையாக உள்ளது. என் உடல் கொஞ்சம் எடை கூட எனக்கு வழி சொல்லுங்கள் சார் ப்ளீஸ் உங்களால் நான் எடை கூடினால் உங்களை என் வாழ்நாளில் மறக்க மாட்டேன் சார் . என் மனைவி என்னை பார்த்து சாப்பிடுவது எல்லாம் எங்கே போகிறது என்கிறாள் .
எனக்கு TB test, BLOOD test & URINE test எல்லாம் எடுத்தார்கள் . எதுவும் பிரச்சினை இல்லை நன்றாக சாப்பிடு என்று சொல்கின்றார்கள் . ஆனால் நான் என்ன சத்தான உணவு அசைவ , சைவ , பால் , முட்டை , கீரைகள் சாப்பிட்டாலும் ஒன்றும் பலனில்லை . என் வாழ்வின் ஒரே வேதனை இதுதான் . தயவு செய்து எனக்கு உதவுங்க டாக்டர் (சிவா) சார் ப்ளீஸ் . உங்கள் முத்தான பதிலை எதிர்பார்த்து காத்திருக்கின்றேன் என்றென்றும் நன்றிகளுடன் சிவா !!!

தங்களின் மின்னஞ்சல் கண்டேன் சிவா, பதில் எழுத நேரமின்மையால் தாமதமாகிறது. விரைவில் உங்களுக்கு பதில் அனுப்பி வைக்கிறேன்! பசலைக் கீரையின் மருத்துவ குணங்கள் 154550

அப்புகுட்டி · அப்புகுட்டி Fri Apr 23, 2010 4:59 pm

கீரை பற்றிய நல்லதோர் தகவல் நன்றி அண்ணா மகிழ்ச்சி

Sponsored content · Sponsored content

பசலைக் கீரையின் மருத்துவ குணங்கள்

பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

Re: பசலைக் கீரையின் மருத்துவ குணங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக