தவறாக குறிக்கபட்ட ஆயுள்?

நிலாசகி · நிலாசகி Wed Apr 21, 2010 7:10 pm

First topic message reminder :

ஆயுட்காலம் மறதியாய்
குறிக்கப்பட்டு இறைவனால்
பூமியில் தூவபட்ட
விதை நான்

இலைகள் துளிர்விட்டு
விருட்சமாய் வளர்வேநென
ஆசையை சுமந்துதான்
வளர்ந்தேன் நான்

ஏழாவது அறிவை
எட்டிபார்க்கும்
மனிதன் என் உடம்புக்குள்
கதிர்வீச்சை செலுத்துகிறான்

வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

கொஞ்சி விளையாடிய
அம்மா எந்தன்
முகம் பார்த்துவிட்டு
கடவுளின்முகம் பார்க்கிறாள்

நான் பிறந்தபொழுது
அவள் கண்டகனவுகளை
அழிக்க.. கண்ணீரும்
வற்றிவிட்டது அவளுக்கு

வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?

வலிகள் வருகிறது..
வெள்ளை தேவதைகள்
நிரம்பிய ஆஸ்பத்திரியில்
மரத்து போகிறது

தெருவோரத்தில் ஐஸ்காரனை
பார்த்தும் பார்க்காதுபோல்
செல்ல பழகிவிட்டது
ஆசைகொண்ட மனம்

அன்றுகூட தும்மலின்பொழுது
பாட்டி தலையில்தட்டி
நூறு வயது
எனக்கு என்கிறாள்

நல்ல தூக்கம்
நேற்று அதிசயமாய்
கனவிலும்கூட ஆஸ்பத்திரி
வாடை துரத்துகிறது

தலையில் முடியும்
இல்லாமல் பள்ளியில்
நண்பனின் கிராப்முடிபார்த்து
ஆசை வருகிறது

அண்ணன் நானே
விட்டுகொடுக்க வேண்டும்
அப்பா ........இப்பொழுது
தங்கையை விட்டுகொடுக்கசொல்கிறார்

எப்பொழுதும் சண்டைபோடும்
தோழன் இன்றும்
இருக்கையை விட்டுகொடுத்து
பரிவாய் பார்க்கிறான்

எனக்காய் விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

ஹனி · ஹனி Wed Apr 21, 2010 10:15 pm

வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

சோகம்

மனதை உருக வைக்கும் வரிகள்.

சரவணன் · சரவணன் Wed Apr 21, 2010 10:25 pm

அருமையான வரிகள். உண்மையான ஏக்கம்/சோகம்.
வரிகளுக்கு வாழ்த்துக்கள்!!!
சோகத்திற்கு தவறாக குறிக்கபட்ட ஆயுள்? - Page 2 572280

நிலாசகி · நிலாசகி Wed Apr 21, 2010 10:25 pm

வழிப்போக்கன் wrote:பல எண்ணங்களை மனதில் விதைத்துச் சென்றது கவிதை பாராட்டுகள் நிலாசகி

நன்றி!!!!!!!!!!!!!!!!!!!!!!!!!! தவறாக குறிக்கபட்ட ஆயுள்? - Page 2 154550

நிலாசகி · நிலாசகி Wed Apr 21, 2010 10:31 pm

ஹனி wrote:வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

மனதை உருக வைக்கும் வரிகள்.

தவறாக குறிக்கபட்ட ஆயுள்? - Page 2 678642

நிலாசகி · நிலாசகி Wed Apr 21, 2010 10:34 pm

பிச்ச wrote:அருமையான வரிகள். உண்மையான ஏக்கம்/சோகம்.
வரிகளுக்கு வாழ்த்துக்கள்!!!
சோகத்திற்கு

உங்கள் வார்த்தைகளுக்கு நன்றிகள் தவறாக குறிக்கபட்ட ஆயுள்? - Page 2 154550

ரமீஸ் · ரமீஸ் Wed Apr 21, 2010 10:36 pm

மரணத்தைப் பற்றி பயமுறுத்தக் கூடிய அருமையான வரிகள்.
மகிழ்ச்சி

மரணத்தைத் தவிர மற்றைய எல்லாவற்றுக்கும் மருந்து உள்ளது.
அநேகமான வற்றை மனிதன் கண்டு பிடித்துள்ளான், ஒரு சில வற்றை இன்னும் கண்டுபிடிக்கவில்லை.

நிலாசகி · நிலாசகி Wed Apr 21, 2010 10:40 pm

mhmramees wrote:மரணத்தைப் பற்றி பயமுறுத்தக் கூடிய அருமையான வரிகள்.

மரணத்தைத் தவிர மற்றைய எல்லாவற்றுக்கும் மருந்து உள்ளது.
அநேகமான வற்றை மனிதன் கண்டு பிடித்துள்ளான், ஒரு சில வற்றை இன்னும் கண்டுபிடிக்கவில்லை.

பல மரணங்கள் மனிதனாலே ஸ்தாபிக்க படுகிறது ..இது போன்ற மரணங்கள் விதியால்
மட்டுமே இடப்படுகிறது
நல்லவனுக்கும் அதே தண்டனை கெட்டவனுக்கும் அதே தண்டனை விதியின் நீதியில்

தங்கள் மறுமொழிக்கு நன்றிகள் !

**மு.வித்யாசன்** · 19/03/2010

நிலாகசி எங்கே உந்தன் விரல்கள் பொழிந்தன கவி
நிஜமாகவே எனக்கு மருத்தவமனை என்றால் பிடிக்காத ஒன்று. ஆனால் அங்கு செல்லும் போது எல்லாம் நோயாளிகளின் முகத்தை தேடி தேடி பார்பதுண்டு. அவர்களது ஏக்கங்கள் அந்த நான்கு கால்கள் கொண்ட கட்டில்களுக்குள் முனங்கிக் கொண்டிருக்கும். ஏதாவது வரிகள் எனக்குள் எழுதி கொண்டிருக்கும். பதிவு செய்ய இயலாமல் நானும் நோயாளியாக போனதுண்டு அதற்கு உங்கள் கவி மருந்தாகி போனது இன்று. உங்களுக்கு எனது நட்சத்திர வாழ்த்துக்கள்.

மு.வித்யாசன்.

**மு.வித்யாசன்** · 19/03/2010

மனதை நெய்துவிட்டது உனது வார்த்தைகள்
உயிரை உரையவைத்துவிட்டது உனது வரிகள்
சில நிமிடம் வாழ வைத்தது உனது நிஜத்தின் சாயல்
பல நிமிடம் நினைவில் நிலைத்தது உனது கற்பனை பாதை
வேடிக்கை பார்க்கும் மத்தியில் வேதனையை படம்பிடித்திருக்கிறாய்
கேள்வியாய் போன நேரத்தில் கவிக்கு உயிர் கொடுத்திருக்கிறாய்
வாழிய நீ பல்லாண்டு பல்லாண்டு பல கோடியாண்டு.

நிலாசகி · நிலாசகி Thu Apr 22, 2010 1:27 pm

மு.வித்யாசன் wrote:மனதை நெய்துவிட்டது உனது வார்த்தைகள்
உயிரை உரையவைத்துவிட்டது உனது வரிகள்
சில நிமிடம் வாழ வைத்தது உனது நிஜத்தின் சாயல்
பல நிமிடம் நினைவில் நிலைத்தது உனது கற்பனை பாதை
வேடிக்கை பார்க்கும் மத்தியில் வேதனையை படம்பிடித்திருக்கிறாய்
கேள்வியாய் போன நேரத்தில் கவிக்கு உயிர் கொடுத்திருக்கிறாய்
வாழிய நீ பல்லாண்டு பல்லாண்டு பல கோடியாண்டு.

மனமார்ந்த நன்றிகள் ...\\ அன்பு மலர்

Sponsored content · Sponsored content

தவறாக குறிக்கபட்ட ஆயுள்?

தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக