சமையலறை குறிப்புகள்

சாந்தன் · சாந்தன் Wed Apr 07, 2010 4:55 pm

First topic message reminder :

உருளைக்கிழங்கு வேகவைக்கும் போது அவை வெந்ததும் வெடிக்காமல் இருக்க சிறிது
உப்பையும் சேர்த்து வேக வைக்கவேண்டும். இதனால் உருளைக்கிழங்கு வெடிக்காமல்
நல்ல பதத்துடன் இருக்கும்.

மிளகாய் வறுக்கும் போது ஏற்படும் நெடியைத் தவிர்க்க சிறிது உப்பை சேர்த்து வறுக்கவும்.

பாகற்காயுடன் உப்பு, மஞ்சள்தூள், வெல்லம், எலுமிச்சை சாறு ஆகியவை சேர்த்து, கலந்து அரை
மணி நேரம் வைத்திருந்தால், கசப்பு காணாமல் போய்விடும்.

வெண்டைக்காயை நறுக்கி சமைத்தாலும் கூட, சிலது ஒன்றுடன் ஓட்டிக்கொண்டிருக்கும். அவ்வாறான வெண்டைக்காயை உதிரியாக சமைப்பதற்கு, சிறிதளவு தயிரையும் சேர்த்துக்
கொள்ளலாம்.

குக்கரில் பருப்பை சமைப்பதற்கு முன் அதனுடன் சிறிதளவு எண்ணெய் மற்றும் மஞ்சள் தூளை சேர்த்தால், சீக்கிரமாக சமைத்துவிடலாம்.

தேங்காய் பர்ஃப்பி செய்கையில் இயற்கை வண்ணம் தேவைப்படுகிறது என்று நீங்கள்
நினைத்தால், கேரட் அல்லது பீட்ரூட் துருவளை சேர்த்துக்கொள்ளலாம்.

சிக்கன் செய்வதற்கு முன் சிறிதளவு உப்பை ஃப்ரையிங் பேனில் தூவினால், சிக்கனை
வழவழப்பாக கருகாமல் எளிதில் சமைத்து எடுக்கலாம்.

சாந்தன் · சாந்தன் Wed Apr 07, 2010 5:05 pm

ஒரு புது விதமான அடை செய்வதற்கு, அரிசி உப்புமா செய்யும்போது அதில் கொஞ்சம் வேகவைத்த காராமணியை கலந்து அடையாக தட்டி, இட்லிதட்டில் வேக வைத்தும் சாப்பிடலாம்.

சர்க்கரை வள்ளிக்கிழங்கை வேறு விதமாக சமைத்து சாப்பிட விரும்புபவர்கள், சர்க்கரை
வள்ளிக்கிழங்கை வேக வைத்து தோலுரித்து, அடைமாவில் சேர்த்துப் பிசைந்து அடை செய்தால் சாப்பிடலாம்.

சாந்தன் · சாந்தன் Wed Apr 07, 2010 5:06 pm

பரு‌ப்பு எ‌ல்லா‌ம் சே‌ர்‌த்து அரை‌த்து அடை செ‌ய்யு‌ம்
போது அ‌‌தி‌ல் தே‌ங்காயை துரு‌வி சே‌ர்‌த்து அடை செ‌ய்தா‌ல் ‌சுவை இ‌ன்னு‌ம் அ‌திகமாக இரு‌க்கு‌ம்.

சாந்தன் · சாந்தன் Wed Apr 07, 2010 5:07 pm

கீரையை பரு‌ப்பு‌ப் போ‌ட்டு வேக வை‌த்து கடையு‌ம் போது, ‌பு‌ளி‌ப்பு சுவை
‌பிடி‌த்தவ‌ர்க‌ள் ‌இர‌ண்டு ப‌ட்டா‌‌ணி அளவு ‌பு‌ளியையு‌ம் சே‌ர்‌த்து
கடை‌ந்தா‌ல் சுவை அ‌ற்புதமாக இரு‌க்கு‌ம்.

கீரையை பொ‌‌றிய‌ல் செ‌ய்யு‌ம் போது, கடுகு போ‌ட்டு தா‌ளி‌க்கு‌ம்போது,
‌சி‌றிது உளு‌ந்தம‌் பரு‌ப்பை அ‌திகமாக‌ப் போ‌ட்டு பொ‌‌ரி‌த்து ‌பி‌ன்ன‌ர்
வெ‌ங்காய‌ம் சே‌ர்‌த்து வத‌க்‌கினா‌ல் சுவை கூடுதலாக இரு‌க்கு‌ம்.

சாந்தன் · சாந்தன் Wed Apr 07, 2010 5:08 pm

கீரை பொ‌‌றிய‌லி‌ல் தே‌ங்காயை‌த் துரு‌வி கடை‌சியாக‌க் கொ‌ட்டி‌க்
‌கிள‌றினா‌ல் எ‌ல்லோரு‌ம் ‌விரு‌ம்‌பி சா‌ப்‌பிடுவா‌ர்க‌ள்.

கீரை ருசியாக இருக்க வேண்டுமானால் கீரையை சிறிது சர்க்கரை கலந்த நீரில்
ஊறவைத்து பிறகு சமைக்கலா‌ம். இதனா‌ல் ப‌ச்சை ‌நிறமு‌ம் மாறாம‌ல்
இரு‌க்கு‌ம்.

சாந்தன் · சாந்தன் Wed Apr 07, 2010 5:08 pm

வறுவல் அல்லது கூட்டு செய்யும்போது உப்போ காரமோ அதிகமாகிவிட்டதா,
கவலைப்படாதீர்கள், ரஸ்க்கை தூளாக்கி அதில் கலந்துவிட்டால் சரியாகிவிடும்.
ரஸ்க் இல்லையென்றால் பிரெட் தூளையும் உபயோகிக்கலாம்.

கோழிக்கரியை சமைக்கும்போது அதிலுள்ள கொழுப்பை நீக்க வேண்டுமானால் சுத்தம்
செய்யும்போதே கோழியின் தோலை நீக்கவும்.

சாந்தன் · சாந்தன் Wed Apr 07, 2010 5:09 pm

சென்னா போன்ற பருப்பு வகைகளை சமைப்பதற்கு முந்தின நாளே ஊற வைக்க
மறந்துவிட்டீர்களானால், நன்றாகக் கொதித்த தண்ணீரில் சமைப்பதற்கு ஒரு
மணிநேரத்திற்கு முன் அவற்றை ஊற வைக்கவும்

பா‌த்‌திர‌த்‌தி‌ல் பொ‌ங்க‌ல் செ‌ய்ய நேர‌ம் அ‌திகமாக எடு‌க்‌கிறதா, ஒரு
பா‌த்‌திர‌த்‌தி‌‌ல் பரு‌ப்பையு‌ம், ஒரு பா‌த்‌திர‌த்‌தி‌ல் அ‌ரி‌சியையு‌ம்
ஒரே நேர‌த்‌தி‌ல் வேக வை‌த்து இறு‌தியாக கல‌ந்துபாரு‌ங்க‌ள்.

சாந்தன் · சாந்தன் Wed Apr 07, 2010 5:10 pm

கட்லட்களுக்கு சேர்க்கும் உருளைக்கிழங்குகளை வேக வைக்கும் போதே உப்பையும்
சேர்த்து வேக வைத்தால், உருளைக்கிழங்கிற்குள் உப்பு ஊறி ருசியாகக்
காணப்படும்.

க்ரீம் செய்கையில் அதை அதிகமாக அடித்துவிடக்கூடாது. ஏனென்றால் அது
வெண்ணெயாக மாற வாய்ப்புகள் உள்ளன. ஆகவே ஐ‌ஸ் கட்டிகளை பயன்படுத்தி அவற்றை
அடிக்கலாம்.

சாந்தன் · சாந்தன் Wed Apr 07, 2010 5:10 pm

மொறு மொறுப்பான தோசைகளுக்கு, அரிசியை ஊறவைக்கும் போதே சிறிதளவு வெந்தயமும்
பருப்பும் சேர்க்கலாம். தோசை ருசியாகவும் காணப்படும்.

இ‌ட்‌லி மா‌வி‌ல் தோசை வா‌ர்‌க்க வே‌ண்டிய ‌அவ‌சிய‌ம் நே‌ரி‌ட்டா‌ல்
ம‌ெ‌ல்‌லிதாக அ‌ல்லாம‌ல், ச‌ற்று தடிமனாக மாவை ஊ‌ற்‌றி சு‌ற்‌றிலு‌ம்
எ‌ண்ணெ‌ய் சே‌ர்‌த்து வார்த்து எடு‌க்கலா‌ம்.

சாந்தன் · சாந்தன் Wed Apr 07, 2010 5:10 pm

தேங்காய்ப்பால் கெட்டியாக வேண்டுமானால் 1 தே‌க்கர‌ண்டி அரிசிமாவு அதனுடன்
சேர்க்கவு‌ம்.

சே‌மியா ம‌ற்று‌ம் ரவை உப்புமா செ‌ய்யு‌ம்போது, எதுவாக இரு‌ந்தாலு‌ம்
முத‌லி‌ல் வெறு‌ம் வாண‌லி‌யி‌ல் வறு‌த்து ‌பி‌ன் பய‌ன்படு‌த்தவு‌ம்.

சாந்தன் · சாந்தன் Wed Apr 07, 2010 5:11 pm

ஆரஞ்சு பழ‌‌ச்சாறு,‌ ‌திரா‌ட்சை‌ப் பழ‌ச்சாறு போ‌ன்றவை தயார் செய்தபின்
அ‌தி‌ல் 1 தே‌க்கர‌ண்டி தேன் சேர்த்தால் சுவை கூடு‌ம்.

காய்கறிகளில் உப்பு அதிகமாக சேர்த்து விட்டால், கோதுமை மாவை உருட்டி அதில்
தோய்த்து எடுக்கவும், அதேபோல் எதோ ஒன்றில் காரம் அதிகமாக சேர்த்துவிட்டால்
காரத்தை குறைக்க எலுமிச்சை சாற்றை சில சொட்டுகள் விடவும்.

Sponsored content · Sponsored content

சமையலறை குறிப்புகள்

சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

Re: சமையலறை குறிப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக