ரஞ்சிதா கோர்ட்டுக்கு வருவதாக தீடீர் பரபரப்பு

**Tamilzhan** · **Tamilzhan** Thu Apr 01, 2010 6:31 pm

First topic message reminder :

நித்யானந்தா நடிகை ரஞ்சிதாவுடன் நெருக்கமா இருந்த வீடியோ காட்சி வெளியாகி பெரும் பரபரப்பை ஏற்படுத்தியது. இதனைத் தொடர்ந்து நித்யானந்தாவும், ரஞ்சிதாவும் தலைமறைவானார்கள். இதுதொடர்பாக தமிழக, கர்நாடக போலீசார் வழக்குப் பதிவு விசாரணை நடத்தி வருகிறார்கள்.

இந்த வழக்கை சிபிஐ ஏற்று நடத்த வேண்டும் என்று சென்னை ஐகோர்ட்டில் வழக்கு தாக்கல் செய்யப்பட்டுள்ளது. இந்த வழக்கு தொடர்பாக நடிகை ரஞ்சிதா நேரில் இன்று ஆஜராகி சில விளக்கங்களை அளிக்கப்போவதாக திடீரென ஒரு தகவல் பரவியது. இதனால் வக்கீல்களும், செய்தியாளர்களும் பரபரப்பு அடைந்தனர்.

எல்லோரும் ரஞ்சிதா வருகையை எதிர்பார்த்து காத்திருந்தனர். அப்போது ஆங்கில தொலைக்காட்சி ஒன்று ரஞ்சிதா வருகையை நேரடி ஒளிபரப்பு செய்யவும் காத்திருந்தது. நீண்ட நேரம் ஆகியும் ரஞ்சிதா வரவில்லை. பின்னர் விசாரித்ததில், ஏப்ரல் 1க்காக யாரோ சிலர் வதந்தியை பரப்பி விட்டிருக்கிறார்கள் என்று தெரிந்தவுடன் அனைவரும் வருத்தத்துடன் கலைந்து சென்றனர்.