வள்ளுவ வாழ்த்து....

**Aathira** · **Aathira** Thu Mar 11, 2010 7:31 pm

வள்ளுவ வாழ்த்து....

வாமன அவதாரக் கண்ணனோ வானுயர
வளர்ந்து பின்வையம் அளந்தான்
மானுடதேவர் மாதானுபங்கியோ வையம்
அளந்தபின் வானில் உயர்ந்தார்!!

பார்த்தனின் சாரதி செறுக்களத்து யுத்த
வேளையில் கீதை உரைத்தார்
நூர்த்திடும் சாரதி உத்திர வேதத்தை
ஓலையில் எழுதி முடித்தார்.

கீதையைக் கொடுத்த கண்ணனைத் தவிர
யாருக்குப் பெருமை உண்டு?
பொய்யா வேதத்தைக் கொடுத்ததால் தமிழுக்கும்
தமிழர்க்கும் பாருக்கும் பெருமையுண்டே!!

வையத்தை வாழ்விக்க அவதாரக் கடவுளோ
பத்துமுறை ஜனனம் செய்தார்
ஐயத்தைப் போக்கிட ஓர்கருத்தை ஐயனோ
பத்துவகை மனனம் செய்தார்!!

ஊழ்வழி வாழ்க்கை செல்லும் என்பது
மாயவன் வகுத்த உரையே
ஊழையும் ஆள்வினை ஓட்டிடும் என்பது
பாவலன் தொகுத்த மறையே!!

காலமும் மாறிடும் ஊழியும் தோன்றிடும்
கல்கியாய் வருவேன் என்றான்
மாறிடும் காலத்தும் ஏற்றமா வேதமாம்
கற்பகத்தைத் தந்து வென்றான்!!

அன்புக்கும் ஆசைக்கும் இல்லுக்கும் ஈகைக்கும்
உழவுக்கும் ஆறு வகுத்தான்
ஊழினால் உழைப்பின்றி போமென்று ஊழியலில்
அதிகாரம் ஒன்று வைத்தான்!!

முடியாட்சி குடியாட்சி நல்லாட்சி யாகிட
ஒப்பற்ற நீதி உரைத்தான்
படைகுடி கூழமைச்சு நட்பரண் இவையெல்லாம்
நல்லரண் நாட்டுக் கென்றான்!!

குடியியலில் குடிமைக்கும் கயமைக்கும் இரவுக்கும்
சட்டங்கள் விளம்பி வைத்தான்
இன்பத்தை களவென்றும் கற்பென்றும் இனங்கண்டு
வட்டங்கள் இயம்பி வைத்தான்!!

இமயத்து உச்சியை மிஞ்சிடும் உயரத்தில்
குமரியில் உயர்ந்து நின்றான்
அதிகார அளவு எண்ணிக்கை குறையாது
அழகாக வடிவம் கொண்டான்!!

நல்லாறு பதினாறு நிறைந்ததால் குறள்மொழி
நல்லோர்கள் கொள்ளும் நெறியே
சிலையாக அல்லாமல் நெஞ்சக் கோயிலில்
நிலையாக நிற்கும் இறையே!!!!

படையல்... வள்ளுவ வாழ்த்து.... 154550

இது
என் ஆயிரமாவது பதிவு. உலகப் பொதுமறையாம், தமிழ் மறையின் தலைவனை நேசிக்கும்
ஈகரையின் அனைத்து தமிழ் நெஞ்சங்களுக்கும் இப்பா அன்புப் படையல்.

அன்புடன்
ஆதிரா.

வழிப்போக்கன் · 18/02/2010

ஈகரை முகப்பில் வள்ளுவர் பிரகாசிப்பது போன்று வள்ளுவர் பற்றிய உங்கள் அருமையான கவிதை மிளிர்கின்றது பாராட்டுகள், உங்கள் ஆயிரமாவது பதிவிற்கும் வாழ்த்துகள். வள்ளுவ வாழ்த்து.... 154550

**Aathira** · **Aathira** Thu Mar 11, 2010 8:31 pm

valippokkan wrote:ஈகரை முகப்பில் வள்ளுவர் பிரகாசிப்பது போன்று வள்ளுவர் பற்றிய உங்கள் அருமையான கவிதை மிளிர்கின்றது பாராட்டுகள், உங்கள் ஆயிரமாவது பதிவிற்கும் வாழ்த்துகள்.

தங்கள் வாழ்த்துக்கு மிக்க நன்றி வழிப்போக்கன். வள்ளுவ வாழ்த்து.... 154550

kalaimoon70 · kalaimoon70 Thu Mar 11, 2010 9:18 pm

வள்ளுவன் வந்தான்,
உங்கள் கவியில் வாழ்ந்தான்!
சொன்னது, சொல்லால் வடித்தது
தந்தது,தரமான,குறளாய் ஒலித்தது,
இதோ உங்கள் கவிதையில் அந்த
குறளை, உங்கள் குரலாய் இணைத்தது!
அருமை.அருமை,வாழ்க உங்கள் தமிழ் உணர்வு!
பரவட்டும் உங்கள் தமிழ்த் தொண்டு!
வாழ்த்துகள் தோழியே! வள்ளுவ வாழ்த்து.... 677196

**சிவா** · **சிவா** Thu Mar 11, 2010 10:18 pm

மூன்றுமுறை படித்த பின் தான் முழுப்பொருள் உணர்ந்தேன்! அருமை ஆதிரா! வள்ளுவனுக்கு ஆதிராவின் வாழ்த்துப்பா வெகு சிறப்புடன் அமையப் பெற்றுள்ளது!

**இளமாறன்** · **இளமாறன்** Thu Mar 11, 2010 10:19 pm

மறக்க முடியாத வள்ளுவனுக்கு வாழ்த்து..அருமை ஆதிரா வள்ளுவ வாழ்த்து.... 154550

**Aathira** · **Aathira** Thu Mar 11, 2010 10:32 pm

சிவா wrote:மூன்றுமுறை படித்த பின் தான் முழுப்பொருள் உணர்ந்தேன்! அருமை ஆதிரா! வள்ளுவனுக்கு ஆதிராவின் வாழ்த்துப்பா வெகு சிறப்புடன் அமையப் பெற்றுள்ளது!

பொருள் காண்பது மிகவும் கடினமாக இருந்ததா சிவா? நான் பதியும்போதே நினைத்தேன். சற்று கடினமான சொல்லாட்சிதான். வள்ளுவனைப் பற்றி எளிமையான கவிதையும் ஒன்று உள்ளது . தங்களுக்காக அதையும் பதிகிறேன்.வாழ்த்துக்கு நன்றி சிவா. வள்ளுவ வாழ்த்து.... 154550

அன்புடன்
ஆதிரா

**Aathira** · **Aathira** Thu Mar 11, 2010 10:37 pm

kalaimoon70 wrote:வள்ளுவன் வந்தான்,
உங்கள் கவியில் வாழ்ந்தான்!
சொன்னது, சொல்லால் வடித்தது
தந்தது,தரமான,குறளாய் ஒலித்தது,
இதோ உங்கள் கவிதையில் அந்த
குறளை, உங்கள் குரலாய் இணைத்தது!
அருமை.அருமை,வாழ்க உங்கள் தமிழ் உணர்வு!
பரவட்டும் உங்கள் தமிழ்த் தொண்டு!
வாழ்த்துகள் தோழியே!

வழக்கமான தங்கள் வாழ்த்து. உள்ளிருந்து தங்கள் பாச உணர்வுகளைச் சுமந்து வந்து மலர் தூவி உச்சி முகரும் பாங்கு. என்னிடம் வார்த்தைகள் இல்லை கலைநிலா நன்றி சொல்ல. குளிர்ந்த விழி முத்துக்களைக் காணிக்கை ஆக்குகிறேன் தங்கள் அன்புக்கு.
வள்ளுவ வாழ்த்து.... 154550

அன்புடன்
ஆதிரா.

**Aathira** · **Aathira** Thu Mar 11, 2010 10:40 pm

இளமாறன் wrote:மறக்க முடியாத வள்ளுவனுக்கு வாழ்த்து..அருமை ஆதிரா

தங்கள் வாழ்த்துக்கு மிக்க நன்றி இளமாறன். வள்ளுவ வாழ்த்து.... 154550

அப்புகுட்டி · அப்புகுட்டி Fri Mar 12, 2010 12:17 am

Aathira wrote:வள்ளுவ வாழ்த்து....

வாமன அவதாரக் கண்ணனோ வானுயர
வளர்ந்து பின்வையம் அளந்தான்
மானுடதேவர் மாதானுபங்கியோ வையம்
அளந்தபின் வானில் உயர்ந்தார்!!

பார்த்தனின் சாரதி செறுக்களத்து யுத்த
வேளையில் கீதை உரைத்தார்
நூர்த்திடும் சாரதி உத்திர வேதத்தை
ஓலையில் எழுதி முடித்தார்.

கீதையைக் கொடுத்த கண்ணனைத் தவிர
யாருக்குப் பெருமை உண்டு?
பொய்யா வேதத்தைக் கொடுத்ததால் தமிழுக்கும்
தமிழர்க்கும் பாருக்கும் பெருமையுண்டே!!

வையத்தை வாழ்விக்க அவதாரக் கடவுளோ
பத்துமுறை ஜனனம் செய்தார்
ஐயத்தைப் போக்கிட ஓர்கருத்தை ஐயனோ
பத்துவகை மனனம் செய்தார்!!

ஊழ்வழி வாழ்க்கை செல்லும் என்பது
மாயவன் வகுத்த உரையே
ஊழையும் ஆள்வினை ஓட்டிடும் என்பது
பாவலன் தொகுத்த மறையே!!

காலமும் மாறிடும் ஊழியும் தோன்றிடும்
கல்கியாய் வருவேன் என்றான்
மாறிடும் காலத்தும் ஏற்றமா வேதமாம்
கற்பகத்தைத் தந்து வென்றான்!!

அன்புக்கும் ஆசைக்கும் இல்லுக்கும் ஈகைக்கும்
உழவுக்கும் ஆறு வகுத்தான்
ஊழினால் உழைப்பின்றி போமென்று ஊழியலில்
அதிகாரம் ஒன்று வைத்தான்!!

முடியாட்சி குடியாட்சி நல்லாட்சி யாகிட
ஒப்பற்ற நீதி உரைத்தான்
படைகுடி கூழமைச்சு நட்பரண் இவையெல்லாம்
நல்லரண் நாட்டுக் கென்றான்!!

குடியியலில் குடிமைக்கும் கயமைக்கும் இரவுக்கும்
சட்டங்கள் விளம்பி வைத்தான்
இன்பத்தை களவென்றும் கற்பென்றும் இனங்கண்டு
வட்டங்கள் இயம்பி வைத்தான்!!

இமயத்து உச்சியை மிஞ்சிடும் உயரத்தில்
குமரியில் உயர்ந்து நின்றான்
அதிகார அளவு எண்ணிக்கை குறையாது
அழகாக வடிவம் கொண்டான்!!

நல்லாறு பதினாறு நிறைந்ததால் குறள்மொழி
நல்லோர்கள் கொள்ளும் நெறியே
சிலையாக அல்லாமல் நெஞ்சக் கோயிலில்
நிலையாக நிற்கும் இறையே!!!!

படையல்...

இது
என் ஆயிரமாவது பதிவு. உலகப் பொதுமறையாம், தமிழ் மறையின் தலைவனை நேசிக்கும்
ஈகரையின் அனைத்து தமிழ் நெஞ்சங்களுக்கும் இப்பா அன்புப் படையல்.

அன்புடன்
ஆதிரா.

நான் இன்னும் பல முறை படிக்க வேண்டும் பிறகுதான் வாழ்த்து சொல்ல வேண்டும் மிகவும்.......... இருங்க வாறன்

Sponsored content · Sponsored content

வள்ளுவ வாழ்த்து....

வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

Re: வள்ளுவ வாழ்த்து....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக